АҚШ давлат котиби ёрдамчиси Дональд Лунинг Ўзбекистонга ташрифи
Матбуот баёноти
АҚШ давлат котиби ёрдамчиси Дональд Лунинг Ўзбекистонга ташрифи
بسم الله الرحمن الرحيم
7 ноябрда АҚШ давлат котибининг Жанубий ва Марказий Осиё бўйича ёрдамчиси Дональд Лу бошчилигидаги делегация Қозоғистон ташрифини якунлаб Ўзбекистонга келди. Шу куни Тошкентда Ўзбекистон ва АҚШ ўртасидаги Стратегик шериклик мулоқотининг учинчи сессияси бўлиб ўтди. Хабарларда айтилишича, Америка Ўзбекистоннинг ЖСТга аъзо бўлиш саъй-ҳаракатларини қўллаб-қувватлаши билдирилган ҳамда Афғонистондаги гуманитар ҳаракатларни давом эттириш ва Америка – Марказий Осиё (C5+1) формати доирасида конструктив дипломатик ҳамкорликни мустаҳкамлаш бўйича фикр алмашилган. Шунингдек, хавфсизлик соҳасидаги ҳамкорликни мустаҳкамлаш долзарб масала эканлиги ва шу мақсадда мудофаа вазирликлари, ҳуқуқ-тартибот, чегара ва божхона органлари ўртасидаги ўзаро алоқаларни чуқурлаштириш муҳимлиги қайд этилган. Америка Ўзбекистоннинг иқтисодиётни либераллаштириш мақсадида ўтказаётган ислоҳотларини олқишлаши урғуланган.
7 октябрда яҳуд вужудига қарши “Ал-Ақсо Тўфони” амалиёти юз берди. Бунга жавобан яҳудий вужуди Ғазодаги тинч аҳолини тинимсиз бомбардимон қила бошлади ва бу қонли ваҳшийлик шу кунгача давом этиб келмоқда. Воқеаларнинг бундай кутилмаган тарзда ўзгариб кетиши Американинг Яқин Шарқда бир неча йиллардан бери амалга оширмоқчи бўлиб келаётган “Янги Яқин Шарқ” лойиҳасининг барбод бўлишига олиб келди. Бу стратегик лойиҳа асосан Украина уруши ниҳоясига етганидан сўнг амалга оширилиши кўзда тутилган эди. Унга кўра, минтақадаги араб давлатлари бир ёқадан бош чиқариб, Американинг “арзанда” ўғилчаси – яҳуд вужуди билан алоқаларни нормаллаштириши ва бунинг натижасида яҳудий вужуди хавфсизлиги ишончли кафолатланиши лозим эди. Аммо бугунги воқеалар Америка учун минтақада янги бошоғриқни пайдо қилди. Чунки у вазиятни ўз назоратида ушлаб туриш ва яҳуд вужудини сақлаб қолиш учун унинг ҳимояси устида жиддий бош қотиришга, ҳатто жуда улкан миқдордаги маблағларни ажратишга мажбур бўлмоқда. Вазият шу даражада жиддий тус оляптики, Россия-Украина уруши ҳам режанинг кейинги ўринига тушиб қолди. Баъзи сиёсий экспертлар фикрича, Яқин Шарқ воқеалари учинчи Жаҳон урушининг бошланиши бўлиши мумкин. Биз бунга қўшимча сифатида, Фаластин масаласи атрофида юз бераётган катта ўзгаришлар янги дунё тартиби ўрнатилиши билан якун топиши ҳам мумкин, деймиз. Шунинг учун минтақадаги ҳозирги вазият Американи, балки дунёдаги барча катта давлатларни қаттиқ хавотирга солиб қўйди.
Америка асосий диққат-эътиборини Яқин Шарққа қаратганига қарамай, Марказий Осиёни ҳам унутмасликка ҳаракат қиляпти ва шу мақсадда АҚШ давлат котиби Блинкен ёрдамчиси Дональд Лу Қозоғистон ва Ўзбекистонга ташриф буюрди. Ташрифда тилга олинган муҳим масалалардан бири – Ўзбекистонда иқтисодиётни эркинлаштириш бўйича ўтказилаётган ислоҳотларни олқишлаш бўлди. Чунки иқтисодиётни эркинлаштириш чет эл, айниқса Америка хусусий компанияларининг Ўзбекистон иқтисодига суқулиб кириши ва юртимиздан улкан даромадларни қўлга киритишига кенг имконият яратади.
Дарвоқе, Дональд Лу ўз ташрифи давомида яқинда президент ёрдамчиси этиб тайинланган Саида Мирзиёева билан ҳам учрашув ўтказди. Таъкидлаш жоизки, С. Мирзиёева Американинг юқори расмий доиралари билан қуюқ алоқаларга эга. Табиийки, бундай алоқалар Американинг Ўзбекистондаги ўз манфаатларини ҳимоя қилиши ва таъсир доирасини кучайтириб олишига хизмат қилади.
Бугунги воқеалар ва халқаро вазият Америка сингари кофир мустамлакачи давлатлар зарарига қараб кетаётган бир пайтда, Исломий юрт ҳукмдорлари бундай қулай шароитлардан фойдаланиб, Ислом ва мусулмонларни дастаклаш пайида бўлиш ўрнига, кофирлар тегирмонига сув қуйишдан бошқасига ярамаяпти. Афсуски, Ўзбекистон ҳукумати ҳам бу борада бошқалардан ортда қолаётгани йўқ. У Америка билан дўстлик ва ҳамкорлик алоқаларини ривожлантириш ва мустаҳкамлаш устида иш олиб бормоқда. Ҳолбуки, Аллоҳ таоло шундай буюради:
وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ
– “Яхшилик ва тақво йўлида ҳамкорлик қилингиз, гуноҳ ва ҳаддан ошиш йўлида ҳамкорлик қилмангиз, Аллоҳдан қўрқингиз, шубҳасиз, Аллоҳнинг азоби қаттиқдир!” (Моида:2)
Албатта, ҳукумат узоқни кўзламасдан қилаётган бу ишлари орқали Аллоҳдан кўра Америкадан кўпроқ қўрқишини кўрсатиб, ўзини хорлик ва шармандаликка маҳкум қилмоқда. Инша Аллоҳ, яқинда Муборак Замин – Фаластинда бошланган учқун улкан алангага айланиб, унинг ортидан дунё тартиби мутлақ ўзгариб, халқаро майдонда янги куч – Халифалик давлати пайдо бўлганида, уларнинг афсус-надоматлари асло фойда бермайди. Ҳеч шубҳасиз, бу иш Аллоҳ учун осондир! Аллоҳ таоло дейди:
بَشِّرِ الْمُنَافِقِينَ بِأَنَّ لَهُمْ عَذَابًا أَلِيمًا ﴿١٣٨﴾ الَّذِينَ يَتَّخِذُونَ الْكَافِرِينَ أَوْلِيَاءَ مِن دُونِ الْمُؤْمِنِينَ ۚ أَيَبْتَغُونَ عِندَهُمُ الْعِزَّةَ فَإِنَّ الْعِزَّةَ لِلَّهِ جَمِيعًا
– “Бундай мунофиқларга улар учун аламли азоб борлигидан “хушхабар” бериб кўйинг! 139. Улар мўминларни қўйиб кофирларни дўст тутадилар. Улар ўша кофирлар олдидан куч-қудрат излайдиларми?! (Овора бўладилар!) Зеро, бор куч-қудрат Аллоҳникидир”. (Нисо:138, 139)
Ҳизб ут-Таҳрир Ўзбекистон матбуот бўлими
