بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Йирик давлатлар ўз сиёсатларини амалга ошириш учун қарз беради, эвазига бир неча баробар қилиб қайтариб олиб, қарздор давлатлар устидан ўз назоратини ўрнатади

АҚШ Ироққа ҳарбий техника сотиб олиши учун 2.7 миллиард доллар қарз бермоқда

Ўтган пайшанба куни Ироқ АҚШ билан 2.7 миллиард қийматга тенг қарз олишга оид битимни имзолади. Бу қарз ИШИД ташкилотига қарши кураш доирасида қурол-яроқлар, учоқ ва танклар эҳтиёт қисмлари савдосини молиялаштириш мақсадида олинмоқда.

АҚШ элчихонаси чиқарган баёнотга кўра, айни битим Америка элчиси Стюарт Жонс билан Ироқ молия вазири Ҳушёр Зеборий ўртасида имзоланган. Бу кредит «Ироққа ҳарбий захиралар, «Ф-16» учоқлари ва «Абрамс» танклари учун эҳтиёт қисмларини сотиб олишга ёрдам беради», деди Жонс.

Баёнотда айтилишича, айни битим Вашингтон саъй-ҳаракатлари доирасига киради. У ўзининг ушбу саъй-ҳаракатларини Бағдод дуч келаётган иқтисодий қийинчиликлар унинг террористларга қарши курашига таъсир қилмаслигига ишонч ҳосил қилиш учун олиб бормоқда.

Асосий иқтисоди нефт даромадларига боғлиқ бўлган Ироқ бюджети хом ашё маҳсулотлари нархининг пастлаб кетиши оқибатларидан ҳамда терроризмга қарши кураш учун ҳарбий харажатларнинг ортиб кетишидан азият чекмоқда.

АҚШ 2014 йилдан бери террористларга қарши халқаро коалицияга етакчилик қилмоқда. Коалиция Бағдодни қўллаб-қувватлайди. Бу қўллаб-қувватлов унинг хавфсизлик кучларига тавсиялар бериш, машқдан ўтказиш ва ҳаво ҳужумларидан иборат. (Арабийя нет).

Роя газетасининг 2016 йил 6 июл чоршанба кунги 85-сонидан

0

0

Related posts:

Туркия ўз кучларини Ироқ шимолидан кўчирмоқчи эканини билдирди Ироқ: технократларни қўшиш учун ҳукуматда юз бераётган ўзгаришлар Бремер: тоифачилик асосида бўлиб ташлаш Ироқ учун зарурий танлов бўлган Залмай Халилзод: Америка Ироқни Эрон фойдасига бой бергани йўқ!!!