АҚШ Ямандаги курашни тезроқ ҳал қилмоқчими?!
بسم الله الرحمن الرحيم
Роя газетаси:
АҚШ Ямандаги курашни тезроқ ҳал қилмоқчими?!
Устоз Абдулмўмин Зайлаий қаламига мансуб
АҚШ Ташки ишлар вазирининг Форс Кўрфази давлатлари бўйича ёрдамчиси Тим Лендеркинг сешанба куни оқшомда Американинг «Alhurra» телеканалига берган интервьюсида – Вашингтон навбатдаги маслаҳатлашув натижаларини кўришга жуда муштоқ, дея билдирди. Маълумки, БМТнинг Ямандаги махсус вакили Мартин Гриффит маслаҳатлашувни келаси 5-6 сентябр кунларига белгилаган эди. Тим БМТ вакилининг саъй-ҳаракатлари Вашингтон томонидан қаттиқ қўллаб-қувватланишини таъкидлади. (Машҳад). АҚШнинг Ямандаги элчиси Мэтью Тьюллер Америка ва Ҳусийлар ўртасида ҳеч қандай душманлик йўқлигини таъкидлади. У Мисрда берган матбуот конференциясида АҚШ ҳукумати билан Ҳусийлар ўртасида бирор душманлик бўлиши мумкинми, деган саволга «Ҳусийлар Қўшма Штатларга қарши душманона шиорларни кўтариб чиқаётган бўлсалар-да, бироқ бизда бу жамоага нисбатан ҳеч қандай душманлик йўқ», деб жавоб берди. Сўнг «Афсуски, бу жамоа етакчилари орасида Эрон таъсирига тушиб қолганлар бор ва улар тинчлик музокараларига тайёр эмаслар», дея қўшимча қилди. У яна «Биз Ҳусийлар билан доимий алоқадамиз. Бунга жамоа орасида бўлинишлар ва турфа фикрлар мавжудлиги ёрдам берди, мен улар орасида зўравонлик ўрнига ютуқларни қўлга киритиш йўлида сиёсатдан фойдаланувчи кишилар борлигига аминман», дея қўшимча қилди.
Дарҳақиқат, Ҳусийлар АҚШ қўлидаги қўғирчоқ бўлиб, уларнинг аҳволи ҳам тинмай «Америкага ўлим» шиорини такрорлаётган Эроннинг аҳволи билан бир хилдир. Бироқ бу шиор Ислом Умматини алдовчи қуруқ гапдан бошқа нарса эмаслиги аллақачон фош бўлган. Ҳусийлар Американинг қўғирчоғи бўлгани учун ҳам Америка уларни «террорчилар» рўйхатига киритмади. Шунингдек, уларга қонунийлик тусини бериб, мазлум озчилик гуруҳи қилиб кўрсатаётган ҳам мана шу Америкадир. Масалан, АҚШнинг собиқ Ташқи ишлар вазири Жон Керри Риёзда «Ҳусийлар Яман бошқарувида иштирок этишлари керак бўлган озчиликдир», дея баёнот берди. АҚШ элчиси Тьюллернинг юқоридаги баёноти эса, Ҳусийлар учун йўлланган – Эронни қўйинглар, деган маънодаги бир нома ҳисобланади. Бу Трамп давридаги янги маъмурият сиёсатига мосдир. Унга кўра, Яманда Эрон роли қисқартирилиб, уни Саудияга беришга ҳаракат қилиняпти. Зеро, Саудия Америкага миллирадлаб долларларни тўкиб берди. У Америка манфаатларини қўллари мусулмонлар қонига ботган ва мазҳабпарастлик фитналарини эккан Эрондан кўра яхшироқ тарзда рўёбга чиқариб беряпти. Саудия ҳам Эрон содир этган жиноятларни содир этаётган бўлса-да, бироқ унга нисбатан озроқ ва дунё давлатлари назарида мақбул сабаблар остида содир этяпти.
Ҳусийлар уларни фош қилган АҚШ элчисининг баёнотларига ҳеч қандай раддия билдиришолмайди. Америка Бирлашган Араб Амирликлари ва Ҳодий кучлари каби инглизлар малайларининг Ҳадида шаҳрини назоратлари остига олиш учун олиб бораётган ҳарбий амалиётларига тўсиқ қўяётгани Яман аҳлининг кўпчилигига яхши маълум. АҚШ ва Бирлашган Миллатлар Ташкилоти гуманитар ҳолат ҳамда тинч аҳолининг нобуд бўлишини олдини олиш деган баҳоналар билан бундай амалиётлар қаршисида ёлғон кўз ёши тўкяпти. Ҳолбуки, Шомда ўзининг малайи қонхўр Башар қўли билан ҳамда Россия ва Эрон ёрдамида гоҳ портловчи бочкалар, гоҳ бошқа тақиқланган қуроллар орқали гўдакларни ўлдираётган ҳам мана шу Америкадир!!
Америка Яманда Ҳусийларни қўллаб-қувватлар экан, бир неча минтақаларда, жумладан, уларнинг қароргоҳи бўлган Саъдадаги Марон фронтида тобора кучайиб бораётган қаршиликлардан уларни қутқаришга ҳаракат қиляпти. Масалан, илгари БМТ вакили Гриффит Ҳусийлар кутилаётган музокараларни асло ортга суришмайди, аксинча, унинг бошланиши кечиккани учун мени айбламоқдалар, деган маънода баёнот берган эди. Демак, Америка Амирликларга ҳамда қонуний дея кўрилаётган Абдуроббиҳ Ҳодийга қарашли кучларнинг Ҳадида шаҳри томон силжишини тўхтатишга қаттиқ интилаётган экан, бу интилишни оддий, бегуноҳ фуқароларга раҳми келгани учун қилаётгани йўқ. Бу унинг ёлғон иддаоси, холос. Унинг бундай ҳаракатлари Ҳусийларни қийин аҳволга солиниши ва уларга қарши қақшатқич зарбалар берилишини олдини олишга қаратилган. У бир вақтнинг ўзида, Яман ишини ўз малайи Саудияга топширишга, Эроннинг минтақадаги, шу жумладан, Ямандаги ролини кичрайтиришга уринмоқда. Бу эса, Ҳусийларга қарши қўлланаётган ҳарбий ва иқтисодий босимлар уларни музокара столига ўтқазиш учун олиб борилаётганини англатади. Нима учун Америка бу босимларга сукут қилди. Чунки, Ғарбий соҳил маъракасига етакчилик қилаётган Амирликлар ушбу жанглардан ҳарбий вазиятни Ҳусийларга қарши кескинлаштиришлик эмас, балки уларни музокарага тортиш мақсад қилинган, дея Американинг кўнглини хотиржам қилди. Дарҳақиқат, қачон Ҳусийларга қарши зарбалар кучайса, уларнинг Америкага қарши дод-войлари кучайиб, бу иш жавобгарлигини унга юклашаётгани ва бу ундан ёрдам сўраш оҳангида бўлаётгани маълум бўлмоқда, буни ақл-фаросатли киши яхши тушунади.
Бунинг устига, Ҳусийлар Қизил денгиздаги кемачиликка ҳам таҳдид солишяпти ва буни дунё давлатлари диққатини Яманга жалб қилиб, Яман бўҳронини ҳал этишга уларни шошилтириш мақсадида шундай қилишмоқда.
Бу зулм ва золимлар тақдири заволга юз тутмай қолмайди, чунки Аллоҳ фасодни ёмон кўради. Яман аҳли эса, ушбу юртларида АҚШ-Англия режалари мавжудлигини англамоқлари, шунингдек, Пайғамбарлик минҳожи асосидаги рошид Халифаликни барпо этишга ҳаракат қилмоқлари лозим. Рошид Халифалик мустамлакачи кофирлар макридан ҳимоя қилувчи қалқон, мустаҳкам қўрғон ва халоскор бўлади. Чунки у Яман аҳлининг дини бўлган Исломни ҳаёт воқеида татбиқ этади, уларни бу дунёда бахтли-саодатли қилиб, охиратда зафар қучишларига олиб боради. Биз Ҳизб ут-Таҳрир аъзолари Яман аҳлини Ғарб ечимларига ишонишдан огоҳ этамиз. Чунки уларнинг ечимлари уруш оловини ҳеч қачон ўчирмайдиган, балки мустамлакачиларнинг ямоқ солишдан иборат бўлган ечимларидир. Бу ечим инқироз ва муаммолар келтириб чиқаришидан ташқари, юртга Ғарбни васий қилиб қўяди, ҳаммасидан ҳам ёмони, тоғутдан ҳукм сўрайдиган қилиб қўяди. Ваҳоланки, Аллоҳ Таоло тоғутдан узоқ бўлишни ва унга ҳаргиз ишонмасликни буюрган.
Роя газетасининг 2018 йил 29 август чоршанба кунги 197-сонидан
