Ҳафталик муҳим воқеалар таҳлили
Ҳафталик муҳим воқеалар таҳлили
بسم الله الرحمن الرحيم
﴿أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللهِ حُكْمًا لِقَوْمٍ يُوقِنُونَ﴾
“Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!”
Хабар (қалампир.уз 01.05.2023й): “Толибон”нинг Ғазни вилоятидаги Ахборот ва маданият бошқармаси барча оммавий ахборот воситаларини аёллар овози билан ёзилган тижорий эълонларни эфирга узатмаслик ҳақида огоҳлантирди.
Изоҳ: Қалампир.уз сайтида “Юзингни ёп, маҳрам билан юр, энди “овозинг ўчсин”… “Толибон”дан аёлларга янги тақиқ” сарлавҳаси остида юқоридаги хабар нашр қилинган. Ушбу сарлавҳанинг ўзи нафратомузлиги билан ҳар қандай иймон эгасини ғашини келтиради. Афтидан, ушбу хабар муаллифи ёки сайт муҳаррири ёки баъзи масъуллари ўзларини мусулмонлар юртида эканликларини унутишган кўринади. Зеро, бундай ғаламис сарлавҳалар остида хабар ёки мақолалар эълон қилиниши биринчи ҳолат эмас. Бизнинг сиз – эй сайт масъуллари ва баъзи журналистларига айтадиган сўзимиз шуки, Аллоҳнинг ҳукмларига оид бўлган ишларга бундай муносабатда бўлишдан қаттиқ огоҳлантирамиз. Аллоҳнинг ҳукмлари ҳақида бундай фитнали ва нафратомуз сарлавҳалар, хабар ва мақолалар одатда анави кофир мустамлакачиларнинг нохолис медиаси тарафидан чиқарилади. Сиз ҳам уларнинг сиёсатига билиб ёки билмай хизмат қилиб қўйишдан сақланинг! Ваҳоланки, сиз журналистликдан кўра, биринчи навбатда мусулмонсиз. Агар холис бўлиш қўлингиздан келмаса ёки бўйнингиздаги занжир калталик қилаётган бўлса, Аллоҳнинг ҳукмлари борасида бирор гап гапиришдан тилингизни тийинг!
Хабар (uznews.uz 03.05.2023й): Аввалроқ, Фарғонада “ўзбек-қирғиз” давлат чегарасидан ўтувчи яширин ер ости йўли қазитиб, у орқали ноқонуний тадбиркорларнинг товар-моддий бойликлари ва нақд хорижий пулларни ўтказиш билан шуғулланган жиноий гуруҳ фош қилинганди. Фарғона вилоят судининг ЖИБ судлов ҳайъатининг ҳукмига кўра, жиноий гуруҳ аъзолари ЖКнинг 182 ва 223-моддалари билан айбдор, деб топилиб, уларнинг 3 нафарига 6 йилдан 7 йилгача бўлган муддатларга озодликдан маҳрум этиш жазоси, қолган 3 нафарига эса ахлоқ тузатиш ишлари жазоси тайинланди.
Изоҳ: Хабарда айтилишича, 128 метрли ер ости йўли орқали Қирғизистондан телефон, тиббиёт буюмлари, Ўзбекистондан хорижий валюта олиб ўтилган. Демакки, ушбу тадбиркорлар Шариат тақиқлаган ҳаром иш билан шуғулланмаган эканлар, улар асло жиноятчи эмас. Ва кофир рус ҳукумати томонидан чизиб берилиб, мусулмонлар орасини бўлишга хизмат қилаётган мана бу чегаралар ҳам Ислом нуқтаи назарига кўра ноқонунийдир. Ҳақиқий жиноятчилар эса, ана шу чегараларни кучайтираётган, қаттиқ ҳимоя қилаётган, бунинг натижасида икки тарафдан кириб-чиқаётган аҳолига ҳар турли қийинчилик ва машаққатлар туғдираётган хоин ҳукуматлардир. Бу ҳукуматларнинг энг катта жинояти ақидаси бир бўлган, ака-ука, опа-сингил, қуда тутинган бу мусулмон халқларни бир-биридан ажратиш билан ҳали ҳам кофир мустамлакачи давлатларнинг манфаатларига хизмат қилаётганидир.
Хабар (uza.uz 03.05.2023й): Ўзбекистон ва Европа Иттифоқи ўртасида янги асосий битим имзоланиши арафасида, 6 май куни Тошкентдаги Ботаника боғида Европа куни фестивали ўтказилади. Унда маданий кўргазма, турли флешмоблар, маҳорат сабоқлари, ижодий ва спорт тадбирлари ташкил этилади. 5 май куни эса Навоий номидаги опера ва балет театрида классик мусиқали концерт бўлиб ўтади.
Изоҳ: Ўзбекистон ҳукуматининг Европа Иттифоқи билан жадаллашиб бораётган алоқалари жуда хавотирлидир. Хусусан ушбу Европа куни ҳам Ўзбекистон ва ЕИ ўртасидаги алоқаларни мустаҳкамлаш мақсадида ўтказиб келиняпти. Юртимизда мусулмонлар душмани бўлган кофир мустамлакачиларнинг бундай бузғунчи ва ғаразли тадбирларини ўтказишларига яқин ойларда ЕИ билан кенгайтирилган шериклик ва ҳамкорлик тўғрисидаги битимни имзолаш учун йўл қўйиб бериляпти. Шунингдек, ЕИ ҳудудига бож тўловларисиз маҳсулот экспорт қилишга имконият берадиган ЕИнинг GSP+ тизимига кириш учун ўзбек режими қатор халқаро конвенцияларни ҳам ратификация қилиб келяпти. Буларнинг барчаси ғайриисломий қонун-қоидалар бўлиб, бу хоин ҳукумат арзимаган моддий манфаат эвазига юртимиздаги мусулмонларга ушбу қонун-қоидаларни жорий қилишга шошиляпти.
Хабар (rbc.ru 06.05.2023й): Россия Ташқи ишлар вазирлиги Европа Иттифоқининг санкциялар бўйича махсус вакили Дэвид О’Салливаннинг Ўзбекистонга келишидан мақсади Тошкентнинг Москвага нисбатан қўйилган чекловларга қандай амал қилаётганини текшириш бўлганини даъво қилмоқда. “Ҳар қандай воситалар қўлланилади – сиёсий шантаж ва хўжалик юритувчи субъектларни қўрқитишдан тортиб инфратузилма лойиҳаларига кўп миллионли сармоя ажратиш ваъдаларигача. Биз буни суверен давлатларга, уларнинг манфаатлари ва ривожланиш истиқболларига очиқдан-очиқ ҳурматсизлик, дипломатик алоқалар меъёрларига қўпол эътиборсизлик сифатида баҳолаймиз”, дейилади вазирлик хабарида.
Изоҳ: Европа Иттифоқининг санкциялар бўйича махсус вакили Дэвид О’Салливаннинг Тошкентга келишига қарши Россиянинг реакцияси ўзини узоқ куттирмади. Албатта бундай ташриф рус ҳукуматининг нафақат ғашига тегиши, балки ғазабини келтириши табиий ҳол. Зеро, бир тарафдан Украинада улкан муаммоларга ботиб қолган Россиянинг халқаро майдондаги обрўси тушиб боряпти. Иккинчи тарафдан эса, нафас оладиган ўпкаси ҳисобланадиган Марказий Осиёнинг Ғарб томонидан қисиб қўйиш бўйича қилаётган жиддий уринишлари унга ҳозир жуда ортиқчалик қилади. Россиянинг бу борада жиддий хавотирга тушаётганини 28 апрел куни Ҳиндистон пойтахтида ўтказилган ШҲТга аъзо давлатларнинг Мудофаа вазирлари йиғилишида нутқ сўзлаган РФ мудофаа вазири Сергей Шойгунинг сўзларидан ҳам англаб олиш мумкин. Унинг айтишича, Ўрта Осиё минтақасига гўёки “Ал-Қоида”, ИШИД, “Ўзбекистон ислом ҳаракати”, “Шарқий Туркистон ислом ҳаракати” каби “халқаро террорчилик ташкилотлари”нинг гуруҳлари кириб келиши эҳтимоли ортмоқда эмиш. Яъни у бу гаплари билан минтақа ҳукуматларини – Россиянинг эски услубига кўра – ушбу гуруҳларнинг ҳужум қилиши билан қўрқитмоқчи бўляпти. Шу сийқаси чиққан йўл билан ўзининг ушбу минтақадаги таъсир доирасини сақлаб қолишга интиляпти. Агар устимизда турган анави қўрқоқ ҳукуматлар бу сафар ҳам бунга лаққа тушадиган бўлишса, бўйинларидаги Россиянинг қуллик сиртмоғини янада таранглаштириб олишади.
Ҳизб ут-Таҳрирнинг Ўзбекистондаги матбуот бўлими аъзоси Форуқ
08.05.2023й
