Айнан Халифалик демократияга ҳам, унинг адолатсизлигига ҳам чек қўяди
بِسْمِ اللهِ الرَّحْمنِ الرَّحِيمِ
Айнан Халифалик демократияга ҳам, унинг адолатсизлигига ҳам чек қўяди
Покистон режими билан мухолафат ўртасидаги вазият кескинлашди ва 2014 йил 30 ноябрдаги намойишда ўзининг энг таранг нуқтасига етди. Зеро, бундай қатор намойишлардан ҳеч қандай фойда йўқ. Чунки доим кутилганидек, бир томонда ҳукумат ўзини демократияпарвар қилиб кўрсатиб, ундан ўзининг шахсий манфаатлари йўлида фойдаланаётган бўлса, иккинчи томондан, мухолафат ҳақиқий демократия йўлида қайта сайловлар ўтказишни талаб қилиб келади. Ҳолбуки, демократиянинг ўзи таниш-билишликни пайдо қилади ва юрт бойликларини ҳукмрон элита билан юртдаги йирик олигархлар қўлига йиғиб беради. Ҳукумат билан мухолафат ўртасида қолган Покистон ҳаёти бутунлай карахт ҳолга келди, бундан ташқари, бутун юрт мустамлакачи давлатларнинг иқтисод, таълим, Афғонистон ва Ҳиндистон масаласи билан боғлиқ сон-саноқсиз балолар исканжасида қолди.
Демократия доим ҳокимиятдаги элитани чексиз имтиёзлар билан таъминлаб келган, оддий инсонларни эса ундан маҳрум қилган, чунки у бошқарувни ҳукмронликка боғлаб қўяди. Унга кўра, ким ҳокимиятга чиқиб олса бас, ўз истагига мувофиқ қонун ишлаб чиқариш ҳуқуқига эга бўлади. Бу эса қонун чиқарувчиларнинг қонундан ўз манфаати йўлида фойдаланиб ўзлари ва таниш-билишлари учун улкан бойлик тўплашларини кафолатлайди. Демократия қаерда мавжуд бўлса оз сонли элита умумий мулкни ўзлаштиришни ва уни хусусий мулкка айлантиришни кафолатлаш учун қонунни ўзгартиради. Бу мулкларнинг электр энергия, нефт, конлар ёки саноат тармоғи (шу жумладан қурол саноати тармоғи) бўлишининг фарқи йўқ.
Энди, дунё етакчиси ва Покистон режими хўжайини Америкада эса юрт бойлиги бир сиқим капиталистлар қўлида жамланиб қолганлиги ҳаммага ойдек маълум. Мисол учун, «Нью-Йорк Таймс» рўзномасининг 2014 йил 9 январ кунги сонида хабар қилинишича, «Вакиллар палатаси ва Сенатдаги қонун чиқарувчиларнинг бу йиллик даромади бир миллиард доллардан бироз кўпроқ, яъни 4.4 % кўп бўлган. (Бу нотижорат марказининг таҳлили бўйичадир. Бу марказ бойликнинг Вашингтон сиёсатига таъсир қилиши устида тадқиқот олиб боради)». Америка президенти Обама ҳам 2013 йил 4 декабрда бундай деган: «… Оқибатда улкан даражада етишмовчи иқтисод ва нотинч оилалар вужудга келди, гарчи ишлаб чиқаришимиз 1979дан буён 99 %га ўсган бўлса-да, бироқ бадавлат оилалар даромадлари ҳам сал кам 8 %га ўсиб кетди. Иқтисодиётимиз ҳажми 1979 йилдан буён бир неча баробарга ўсган бўлса-да, бу ўсишнинг асосий қисми озчилик олигархлар чўнтагига бориб тушган… Илгари бойликларимизнинг учдан бирига эгалик қилган 10 % шахслар бугунга келиб бойликнинг тенг ярмига эгалик қилмоқдалар». Демак, АҚШ аҳолисининг аксар қисми капиталистик тузумдан норози бўлаётганини тушуниш мумкин. Ҳақиқатдан ҳам, «Фажр» рўзномасининг жорий йил 26 август сонида («Вашингтон Пост» ва «Эй-Би-Си Ньюс» ўтказган сўровлар натижасига кўра) «тўрт америкаликдан учтаси сиёсий режимдан норози» экани ҳамда (Куиннипиак» университети ўтказган сўровлар натижасига кўра) ўн кишидан саккиз нафари ҳукуматнинг шу вақт мобайнида тўғри сиёсат олиб боришига ишонмасликларини айтганлар». Модомики, демократия ўз уйида шу аҳволда экан, демак, етмиш йилдан буён Покистонда қай аҳволда бўлиши мумкин?!
Покистон ҳақида сўз юритадиган бўлсак, бошқарув учун ҳукумат билан мухолафат ўртасидаги бугунги рақобат демократия остида юртга заррача фойда келтирмайди. Чунки муаммоларнинг асл сабабчиси шу демократиянинг ўзидир. Чунки Покистон бой давлат бўлишига қарамай, унинг фуқаролари камбағалларни, ҳукмдор ва сиёсатчилари эса бойларни ташкил қилади. Юрт ташкил бўлганига етмиш йилдан ошибди ҳамки, чиқарилаётган қонунлар бир сиқим сиёсий раҳбарларнинг халқ ва давлат бойликларини ўзлаштириб олишларини таъминлаб келмоқда. «Покистон қонунчилигининг ўсиши ва шаффофлиги институти» (PILDAT)нинг яқинда ўтказган сўрови натижаси бир неча рўзномаларда чоп этилган бўлиб, уларга кўра, «Покистон давлат жамияти аъзоларининг ялпи бойликлари атиги олти йил ичида бир неча баробарга ортиб кетган». Покистон регионал парламенти аъзолари эса бутун ҳаётлари давомида қўшимча имтиёзларга, маошларга, уяли алоқа хизматларига эгалик қилиб келмоқда ва уларнинг хавфсизлиги таъминланмоқда. Чунки улар демократия дастаги остида ўзларининг шахсий савдо-сотиқ манфаатлари учун ва маблағларини солиқлардан озод қилиш учун устувор қонунлар ишлаб чиқишган, шу йўл билан улар ўз бойликларини олти йил ичида уч баробарга кўпайтириб олишга муваффақ бўлишган. Булар ҳам етмагандек, бу хоин ҳукмдорлар шу олти йил ичида демократия дастаги билан ажнабий хўжайинларини ҳам имкониятлар билан таъминлашган. Масалан, демократия Покистондаги энергетик ресурслар ва табиий бойликларни шу ажнабийларга бериб юбориш орқали ҳамда Американинг махсус ва жосуслик хизматларига юрт дарвозаларини ланг очиб бериш билан юрт тараққиётига тўсиқ бўлди. Порахўр, очкўз ва ахлоқсиз кишилар худди пашша ифлос жойга қўнганидек демократияга интилаётган бир пайтда холис кишиларнинг демократиядан ва унинг сиёсатидан йироқ бўлишининг сабаби мана шудир.
Эй Покистондаги мусулмонлар!
Сизнинг бугунги сиёсий абгор аҳволингизга ва турмушингизга зулукдек ёпишиб олган зулмга сабаб шу демократия, албатта. Бундан ташқари, аввало динингиз сизга демократияни улоқтириб, ундан покланишни фарз қилган. Нега ҳам буни фарз қилмасин, ахир, демократия иснонга Аллоҳ Субҳанаҳу ва Таолога итоат қилиш ё осий бўлиш ихтиёрини бериб қўйган бўлса. Ҳолбуки, Аллоҳ Субҳанаҳу ва Таоло бундай дейди:
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً
«Аллоҳ ва Унинг пайғамбари бир ишни ҳукм қилган-буюрган вақтида бирон мўмин ва мўмина учун (Аллоҳни ҳукмини қўйиб) ўз ишларидан ихтиёр қилиш жоиз эмасдир. Ким Аллоҳ ва Унинг пайғамбарига осий бўлса, бас у очиқ йўлдан озиш билан йўлдан озибди» [Аҳзоб 36]
Демократия парламент орқали эркак ва аёлларга хўжайинлик ҳуқуқини беради. Бу ҳолат уларга ўз истакларига мувофиқ қонун чиқариш имконини беради. Аллоҳ Таоло бундан қайтариб бундай дейди:
وَأَنِ احْكُم بَيْنَهُم بِمَا أَنزَلَ اللّهُ وَلاَ تَتَّبِعْ أَهْوَاءهُمْ وَاحْذَرْهُمْ أَن يَفْتِنُوكَ عَن بَعْضِ مَا أَنزَلَ اللّهُ إِلَيْكَ فَإِن تَوَلَّوْاْ فَاعْلَمْ أَنَّمَا يُرِيدُ اللّهُ أَن يُصِيبَهُم بِبَعْضِ ذُنُوبِهِمْ وَإِنَّ كَثِيراً مِّنَ النَّاسِ لَفَاسِقُونَ
«(Эй Муҳаммад), улар ўртасида Аллоҳ нозил қилган нарса билан ҳукм қилинг, уларнинг ҳавойи нафсларига эргашманг ва Аллоҳ сизга нозил қилган ҳукмларнинг айримларидан сизни буриб фитнага солиб қўйишларидан эҳтиёт бўлинг! Агар (сизнинг ҳукмингиздан) юз ўгирсалар, билингки, Аллоҳ уларга айрим гуноҳлари сабабли мусибат етказишни истамоқда. Шубҳасиз, одамлардан кўплари итоатсиздирлар» [Моида 49]
Шунингдек, демократия Аллоҳ Субҳанаҳу ва Таолони қўйиб, инсонга сиғинишдир. Имом Термизий ривоятида Адий ибн Ҳотам бундай дейди: Мен бўйнимга тилла хоч таққан ҳолда Набий САВнинг олдиларига боргандим ул зот
«يَا عَدِيُّ اطْرَحْ عَنْكَ هَذَا الْوَثَنَ»
«Эй Адий, бу бутни олиб ташла», дедилар ва мен ул зотнинг Бароат сурасидаги
اتَّخَذُواْ أَحْبَارَهُمْ وَرُهْبَانَهُمْ أَرْبَاباً مِّن دُونِ اللّهِ
«Улар Аллоҳни қўйиб ўзларининг донишмандларини ва роҳибларини Парвардигор деб билдилар» [Тавба 31]
оятини тиловат қилганларини эшитдим. Кейин бундай дедилар:
«أَمَا إِنَّهُمْ لَمْ يَكُونُوا يَعْبُدُونَهُمْ وَلَكِنَّهُمْ كَانُوا إِذَا أَحَلُّوا لَهُمْ شَيْئًا اسْتَحَلُّوهُ وَإِذَا حَرَّمُوا عَلَيْهِمْ شَيْئًا حَرَّمُوهُ»
«Аммо улар (донишманд ва роҳиб)ларга сиғинишмаган, балки нимани ҳалол қилиб беришган бўлса, ҳалол санашган, нимани ҳаром қилиб беришса, ҳаром, деб билишган».
Шубҳасиз, Халифалик тузумида қонунлар Аллоҳ Субҳанаҳунинг Китоби ва Росули САВнинг суннатларидан ишлаб чиқилади. Бу билан бугунги ғайриилоҳий қонунлар ҳукмронлиги остида бўлаётгани каби, инсоннинг инсон томонидан эксплуатация қилинишига чек қўйилади. Бугун сиз мусулмонлар орзу қилаётган ҳақиқий ўзгаришни рўёбга чиқарадиган фақат битта сиёсий ҳизб бор, у ҳам бўлса, Ҳизб ут-Таҳрирдир. Бас, шундай экан, бундай демократик тузумни ағдариб, унинг ўрнига Пайғамбарлик минҳожи асосидаги тўғри йўлни тутувчи иккинчи Халифалик тузумини барпо этиш учун ушбу Ҳизб билан бирга фаолият қилинг.
Эй Покистон қуролли кучлари сафидаги холис зобитлар!
Покистон раҳбарларининг демократиядек мана шундай куфр тузумини сизнинг кучингиз орқали ҳимоя қилишларига қандай рози бўляпсиз?! Уни ҳимоя қилишдан бош тортмоғингиз лозим, чунки у очиқ куфрга чақириқдир. Бугун Ҳизб ут-Таҳрирга қўлингизни беринг ҳамда Росулуллоҳ САВга нусрат бериш орқали Мадинаи Мунавварада давлат ўлароқ Исломни ғолиб қилишган ўтмишдаги қуролдош мусулмон биродарларингизни эсланг. Саъд ибн Муоз ўшалардан бири эди. У вафот этганда онаси фарёд қилади, шунда Росулуллоҳ САВ онаизорга бундай дейдилар:
«لِيَرْقَأْ — لِيَنْقَطِعْ — دَمْعُكِ، وَيَذْهَبْ حَزَنُكِ، فَإنَّ ابْنَكِ أَوَّلُ مَنْ ضَحِكَ اللهُ لَهُ وَاهْتَزَّ لَهُ الْعَرْشُ»
«Кўзингиз ёшини тўхтатинг, асло ғамгин бўлманг, чунки ўғлингиз Аллоҳ унга кулган ва бутун арш титраган биринчи зотдир» (Табароний ривояти).
Ҳизб ут-Таҳрир 9 сафар 1436ҳ
Покистон вилояти 1 декабр 2014м
Related posts:
Улар (мўминлардан) фақат у (мўмин)лар қудрат ва мақтов эгаси бўлган Аллоҳга — осмонлар ва ернинг подшоҳлиги Ўзиники бўлган зотга иймон келтирганлари учунгина ўч олдилар! 
Покистондаги энергетика секторини хусусийлаштириш катта зарар ва Исломда ҳаром қилинган ишдир 
Халқаро Валюта Фонди Покистон иқтисодиётини вайрон қилади 
Ҳизб ут-Таҳрир билан биргаликда демократияни ағдариш ва Пайғамбарлик минҳожи асосидаги Халифалик давлатини барпо этиш учун ҳаракат қилинг
