Албатта Аллоҳ золимга узоқ муҳлат бериб қўяди, бас, уни ушлаган пайтда Ундан қочиб қутула олмайди»
بِسْمِ اللهِ الرَّحْمنِ الرَّحِيمِ
Албатта Аллоҳ золимга узоқ муҳлат бериб қўяди, бас, уни
ушлаган пайтда Ундан қочиб қутула олмайди»
Кечки овқатни сузишим билан, эшик очилиб ўғлим кириб келди. Ишдан чарчаб келса ҳам, ота – онага ҳурмати сабаб, ҳар доим кулиб кириб келарди. Кундан- кунга виқор тўкаётган савлатига боқиб, ичимдан хурсанд бўлиб кетаман. Йилларнинг бунчалик тез ўтишини кўринг. Кечагина мактабда таҳсил олиб юрган кезлари эди. Эндиликда газ саноатида ишлаяпти. Ёши 26га бориб қолди. Ҳалигача уйлантирмадик, қайсарлик қилиб келаяпти. “Бировнинг қизини омонат олганимдан кейин унинг ҳақларини адо қилишим керак ахир. Уйланишлик масъулият дегани. Аввал кам – кўстимни тўлдириб олай, ана ундан кейин сиз хоҳлаган қизга уйланавераман”, деб айтиб қўйган. Мана, эндиликда истаган нарсаларига эришиб бўлган, Худо хохласа, энди уйлантирсак ҳам бўлади. Маҳалламиз бошидаги Мўътабархоннинг иккинчи қизи Муслимахонни жуда яхши кўраман. Ажойиб қиз. Исми ҳам жисмига мос, кўз тегмасин. Ёшлар бир – бирларини ёқтиришса, шу қизни жон деб келин қилган бўлардим. Дадасига ниятимни билдирсам, қўллаб – қувватлади. Бундан руҳланиб, кечки овқатга ўғлим суйган таомдан пишириб қўйдим. Яхши кайфиятда секин гап очиш ниятим бор эди. Аммо ўғлимнинг бугунги ишдан кейинги кўриниши ҳар доимгидан ҳам ўзгача эди. Юзида доимий табассумнинг ўрнини жиддийлик босган, юзида қандайдир норозилик, чарчоқ аломатларини сездим. Ота – онасига ҳар қандай ҳолатда ҳам табассум улашувчи болажонимнинг юзларида умуман ўзгача ҳолат акс этиб турар эди. Секингина салом бериб, хонасига ўтиб кетди. Кечки овқатга чақиргани кирсам, ҳатто кийимини ҳам алмаштирмасдан, хонасининг чироғи ўчиқ ҳолатда ўтирган экан. Ёнига кириб ўтирдим, бошини тиззамга қўйиб, узала тушиб олди.
— Анваржон, нима бўлди ўғлим? Бирор еринг оғримаяптими? Тинчмисан болам?
— Чарчадим ойи.. Буларнинг адолатсизлигидан чарчадим, — ўғлим “уф” тортиб, чап ёнига ўгирилиб олди. Гап ишхонасидаги ҳолат ҳақида кетаётганлигини англадим. Мана 3 ойдирки, ишхонасидагилар ойлигини беришмаяпти. Бу муаммо биргина ўғлимга эмас, балки ишхонадаги барчага тааллуқли эканлигидан хабарим бор.
— Сабрли бўлгин ўғлим, пул келмагандир – да ҳали, пули бўлса, атайлаб ушлаб ўтирармиди? Ҳукумат пул бермаса, булар чўнтагидан тўласинми, болажоним? Шу кайфиятингга шунчалик таъсир қилаяптими? Шу пулни деб ўзингни қийнаб қўясанми энди? Уйда ҳамма нарса етарли бўлиб турибди – ку ҳозирча? Аллоҳ – Раззоқ, ўғлим. Сабр қилгин..
— Эҳ, ойижон, ойижон! Наҳотки пул учун шунчалик бўлаяпти, деб ўйласангиз? Ҳали ёшман, кучим билагимда. Керак бўлса бировнинг хизматини қилиб бўлса ҳам пул топавераман. Сиз айтгандек, ризқим Яратганнинг қўлида. Гап пулдамас, ойи! – ўғлим бошини кўтариб, менга қаради. Деразадан тушган ой нурларида кўзларидаги дард яққол кўриниб турарди.. “ишхонамизда серфарзанд акаларим ишлайди. Барисининг 4 – 5 тадан фарзанди бор. Рўзғорини фақатгина шу маоши ортидан тебратувчилар қанча? Болаларининг ҳар кунлик йўл кираси, тушлик пули, рўзғоридаги кам – кўстлар, мактаб, боғчаларининг пули, ундан ташқари, ёруғлик ва газ каби солиқлар… Буларнинг ҳеч бири ойлик маошингизни олмаганингизга қараб турармиди, ойи? Ҳукумат пул ўтказмаганлигини гапирасиз, гапларингиз тўғри. Аммо ана шу адолатли ҳукуматимиз энг биринчи ўринда қўл остидаги ишчиларининг маошини бериш ўрнига, миллионлаб пулларни умуман кераксиз бўлган жойларга сарфламоқда! Адолат қани, ойи? Халққа зулм эмасми? Булар халқнинг пулини ўзлаштиришдан бошқасига ярашмаса, қандай қилайлик? – Анваржон тобора асабийлашиб борар, қизишиб гапирар эди…
Келин ҳақидаги хаёлларим бир зумда учиб кетди. Боламнинг кайфияти аллақачон ўзимга ўтиб бўлган, хаёлларим шу муаммо билан банд эди. Ўғлимни қўлдан келганча юпатиб, овқатга чиқишга кўндирдим. Ўғлим ҳақ эди. Дардини оламан деб киргандим, аксинча ярасини янгилаб чиқдим.
Нималар бўлаяпти ўзи? Қанийди бу аҳвол фақатгина бизда бўлса. Бутун Ўзбекистонда шу гап. Ишчи ва хизматчиларнинг ойлик маошлари кечиктириб берилиши Ўзбекистонда кўплаб кузатилади. Келинг, баъзи бир маълумотларни кўриб чиқайлик:
Мана масалан, Хива шаҳар газ таъминоти идорасининг ишчиларига уч ойдан буён маош берилмаяпти. Идора ишчиларининг раҳбариятга бу ҳақда қилган такрор-такрор мурожаатлари натижасиз қолмоқда. Ёки яна бир мисол, бундан бир неча ой олдин эса “Фарғона Азот” очиқ акциядорлик жамияти корхонасининг 7000 ишчисига икки ойдан буён меҳнат ҳақи берилмаётгани хабар қилинган эди. Турмуш ўртоғимнинг жияни Содиқжон ҳам газ саноатида, "Косон нефть-газ қидирув экспедицияси" шўъба корхонасида ишлайди. Шу корхонанинг ишчилари ҳам 3 ойдан буён ойликлари берилмаётганидан арз қилган эди. Яқинда тўй баҳонасида меҳмон бўлиб келган Содиқжоннинг ўзи: “3 ойдан бери беришмаяпти ойликни. Менинг ўзимнинг 2 млн. сўм атрофидаги ойлигимни беришгани йўқ. Менга ўхшаган ишчилар 500дан ортиқ. Ана берамиз, мана берамиз, билан юрибмизда ҳалиям,- дея, жўшиб гапирган эди. Айтишича, Косон шаҳрида жойлашган "Нефт ва газ қудуқларини синаш" очиқ акциядорлик жамиятида ишлайдиган дўсти ҳам сўнгги икки ойдан буён ойлик олмаганини айтиб шикоят қилган экан..
Нега Ўзбекистоннинг бойлиги саналмиш газ саноатида бунақа аҳвол? Ахир, чўпоннинг уйида на сут, на ёғ, на гўшт ва на тери топилмаса, кулгили эмасми? Балким аксинча, ачинарлидир. Гази ўзидан чиқувчи юртнинг аҳолиси на газга ёлчияпти ва на ўша четга сотилаётган газнинг пулига! Газ ҳам йўқ, пули ҳам йўқ. Аҳолини тўла газ билан таъминламай туриб, эндиликда уни Хитойга ҳам сотишни бошлаб юборган бу ҳукуматни қандай тушунса бўлади ўзи? Шаҳар бедарвозами?!
Майли, келинг, газ саноатини қўйиб турайлик, бошқа соҳалар – чи? Масалан, куни – кеча интернет хабарларида Ангрен-Поп темир йўлини қураётган ишчилар ойликсиз қолгани ҳақида маълумот берилган эди. Тошкент вилоятини Фарғона водийси билан улайдиган Ангрен-Поп темир йўли қурилишида ишлаётган бу ишчилар билан ойига 15 иш кунига шартнома тузилганига қарамай тўлиқ бир ой ишлатилган. Маош эса 15 кунга тўланган. Хитой билан ҳамкорликда қурилаётган бу темир йўли лойиҳаси қиймати эса қарийб 2 млрд. АҚШ долларига баҳоланган!
Шу ўринда бутун Ўзбекистонни қийнаб келаётган ёқилғи муаммоси билан яна бир карра танишайлик. Мамлакат пойтахтидаги автомобилларга ёқилғи қуйиш шахобчаларида кейинги кунларда яна бензин тақчиллиги кузатилмоқда. Тақчиллик вилоятларда ҳам бир неча кундан бери давом этмоқда. Б эса лимит тугагани, пахта терими мавсуми давом этаётгани ҳамда бензин нархи ошармиш, деган миш-мишлар кетидан одамлар бензинни уйига ғамлаб қўяётгани билан изоҳланган эди. Хўш, бунга нима дейсиз?
Жаҳон банкининг Халқаро молия корпорацияси билан ҳамкорликда тузган Doing Business-2014 рейтингида Ўзбекистон ўтган йилга нисбатан бир неча поғона юқорилаган бўлса-да, мамлакат бу соҳада ҳамон МДҲ давлатларидан ҳам, Марказий Осиёдаги қўшниларидан ҳам орқада қолмоқда. Бизнес юритиш бўйича ўтган йилги рейтингда 154-поғонада бўлган Ўзбекистон, Doing Business расмий сайтида қайд этилишича, бу йил 8 поғона юқорилаб, 146-поғонага кўтарилган. Бироқ бу соҳада Ўзбекистон собиқ иттифоқдош давлатлардан анча орқада. Ундан ташқари, Марказий Осиёдаги қўшни мамлакат орасида ҳам Ўзбекистон бизнес юритиш бўйича энг охирги позицияни эгаллаб турибди — Жаҳон банки рейтингида Қозоғистон 50-поғонани, Қирғизистон 68-поғонани, Тожикистон эса 143-поғонани эгаллаб турибди. 11 йилдан бери юритиб келинаётган рейтингда жаҳондаги 189 мамлакат тадбиркорликка оид 10 мезон бўйича баҳоланган. Рейтингдан англашилишича, Ўзбекистон бу соҳада ҳамон жозибадор бўлмаган мамлакатлар қаторида қолмоқда.
Бугунги кунда Ўзбекистон на дунё миқёсида ўз ўрнини топа олди ва на ўз халқини бойита олди. Ваҳоланки, юртимизнинг моддий ва маънавий бойликлари дунё ҳавас қилса арзигуликдир. Нега шунча бойлиги бўла туриб, Ўзбекистон халқи ҳалигача таппи ёки кўмир ёқмоқда? Нега ҳалигача пахсадан уй кўтариб, ҳалигача қудуқлардан сув тортмоқда? Ўз пахтаси бўла туриб, Хитой кийимини киймоқда? Нега ахир?! На ер усти ва на ер ости бойликларимизнинг фойдаси кўринмайди. Аммо, мансабдорларимизнинг моддий жиҳати кундан – кунга яхшиланиб бормоқда.
Президент Каримовнинг ўзи – ю, оиласи сарф этаётган миллиардлаб долларларни, улар томонидан чет эл банкларида сақланаётган бойликлар – у, сотиб олинаётган қўша – қўша қасрларни гапирмай қўя қолайлик. Президентнинг атрофидаги амалдорларнинг ҳаёти ҳам худди шундай. Барчаси келажагини ўйлаган ҳолда иш олиб боришади. Худди келин бўлишлик сабабидан ўз сепини йиғадиган қизлар каби, бу шахсиятпараст, порахўр, каззоб ва ўғри амалдорлар амал курсисига ўтирган кунидан бошлаб, ўзининг “сепини” йиғишни бошлайди.
Келинг, бунга мисол тариқасида бугунги кунда Ўзбекистон ҳукуматининг мақтанишига сабаб бўлаётган “Бунёдкор” спорт мажмуаси қурилишини олайлик. Ҳукумат футбол мухлисларига замонавий кўринишдаги стадион туҳфа этиш баробарида, юқори мартабали амалдорларга катта пулларни ўзлаштириш имконини ҳам туҳфа этди. “Бунёдкор” қад ростлаши орқасидан энг кўп даромад олган амалдорлардан бири Ўзбекистон Бош вазири Шавкат Мирзиёев бўлиб, ушбу мажмуа қурилишига ажратилган маблағлардан у таҳминан 100-120 миллион доллар ўзлаштирган. Дастлаб 150 миллион доллар деб баҳоланган ва қурилиш бошланиши билан объектнинг қиймати Бош вазирнинг ташаббуси билан бирданига 250 миллион доллар қилиб қайта белгиланди. “Бунёдкор”га ташриф буюрган ҳар қандай одам мажмуа қурилишига амалда 250 миллион эмас, нари борса 100-120 миллион доллар сарфланганини дарров пайқайди. Бундай мисолларни эса юзлаб келтириб ўтишга қодирмиз.
Хўш, шу ва шу каби ноҳақликларга муқаддас динимиз қандай баҳо беради? Мусулмоннинг жони ва молини бир – бирига ҳаром қилиб қўйган Буюк Холиқ, Исломда инсонларнинг тақводор бўлишларини истади. Аллоҳга тақво қилган ҳолларида яхши амалларида бир – бирлари билан мусобақалашувчи бандаларига жаннатни ваъда берди. Муслмонларга зулм қилиб, уларнинг ҳақларига хиёнат қилган ҳар қандай шахсни эса, Ўзига ва Пайғамбари соллалоҳу алайҳи васалламга душман қилиб қўйди. Жамиятда тарқалган зулм турларидан бири ишчилар, мардикорлар ва ходимларнинг ҳақларини бермасликдир. Абу Ҳурайра розияллоҳу анҳу ривоят қилади, Пайғамбар соллаллоҳу алайҳи ва саллам дедилар: “Аллоҳ Таъоло деди: “ Мен Қиёмат куни уч кишининг – Менинг номимни ўртага қўйиб (бирон нарса) олиб, сўнг хиёнат қилган кишининг, ҳур-озод одамни сотиб, сўнгра пулини еган кишининг ва мардикорни ижарага олиб ишлатиб, ҳаққини тўлиқ бермаган кишининг душманидирман”. (Имом Бухорий)
Расулуллоҳ соллаллоҳу алайҳи васаллам мардикорнинг ҳаққини кечиктирмасдан тез тўлашга тарғиб қилганлар: “Мардикорнинг ҳаққини, унинг (пешона) териси қуримасидан олдин беринглар!”. (Ибн Можа)
Албатта, бу ноҳақлик ва зулмни бартараф этишнинг ягона йўли Пайғамбарлик минҳожи асосида тикланажак Халифалик Давлатидир. Фақат Исломгина яраланган қалбларимизга малҳам, муаммоларимизга ечим бўла олади. Фақат шариат асосида ҳукм юритилган давлатдагина адолат қарор топади. Фақат Аллоҳнинг Сўзи олий бўлган юртдагина аҳоли тинч ва хотиржам ҳаёт кечира олади. Фақат Халифатдагина ўғрилик, порахўрлик, каззоблик каби иллатларга барҳам берилиб, халқнинг ҳаққига хиёнат қилмайдиган ҳокимлар бошлиқ этиб тайинланишади. Бас, шундай экан, Ислом давлатини барпо қилишлик йўлида бирлашайлик ва шу орқали Яратганнинг розилиги каби энг катта неъматга сазовор бўлайлик. Дарҳақиқат, золимларнинг битар кунлари яқинлашди ва улар ўз ёмонликларида фақат ўзларигагина зулм қилишади.
وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجَرِمِيهَا لِيَمْكُرُواْ فِيهَا وَمَا يَمْكُرُونَ إِلاَّ بِأَنفُسِهِمْ وَمَا يَشْعُرُونَ
Худди шунга ўхшаш ҳар бир шаҳарда катта жиноятчиларни унда макр қилиш учун қўйиб юбордик. Улар сезмаган ҳолда фақат ўзларига ўзлари макр қиладилар, холос. (Бу жиноятчилар катта мансабларни эгаллаб олиб, одамларни ўз йўлига солиш учун турли ҳийла-найранглар қиладилар. Уларнинг жинояти Аллоҳ Таъолонинг ҳақ-ҳуқуқларига тажовуз қилишдир. Катта жиноятчиларнинг динга қарши қилган макр-ҳийлалари ўзларининг бошига етади. Чунки улар динга қарши чиқиш билан Аллоҳга қарши чиқадилар. Ўзининг ҳалокатига замин яратган бўладилар. Мўминларни эса Аллоҳ Таъолонинг Ўзи ҳимоя қилади. (Анъом сураси, 123 — оят)
Ўзбекистон Ҳизб ут-Таҳрирининг медиа офиси аёллар бўлими
Омина Рашидова
21.11.2013й.
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми