Аср намозидан аввал нафл намоз ўқиш ва азондаги сўзлар тўғрисидаги саволга жавоб
بِسْمِ اللهِ الرَّحْمنِ الرَّحِيمِ
Аср намозидан аввал нафл намоз ўқиш ва азондаги сўзлар тўғрисидаги саволга жавоб
Ижтимоий тармоқлардан бирида Фазлиддин исмли мухлисимиздан келган, азондаги сўзларни бир ердагидан бошқа ердагини фарқ қилаётгани ва аср намозидан олдин тўрт ракат намоз ўқиш тўғрисидаги саволларига жавоб.
Савол:
Ассалому алайкум биродарларим яхшимисизлар? Менда иккита савол бор.
Биринчиси: Туркияга келган эдим. Бизда (яъни Ўрта Осиёда) азонни айтишганда “Ашҳаду алла илаҳа иллаллоҳ” деб айтишади. Бу ерда Туркияда эшитдим, “Ашҳаду ан ла илаҳа иллаллоҳ” деб азон айтишяпти. Бу “алла”ни “анла”га ўзгартириб қўйиляпти. Қайси бир эшитганим тўғри? Ўзимиздагими, ёки Туркядагими?
Иккинчиси: Тўрт ракат фарз аср намозидан олдин тўрт ракат суннат намоз ўқиса бўладими? Бизнинг юртларда бу нарса йўқку?
Ҳурмат билан Фазлиддин.
Жавоб:
Ва алайкум ассалом ва роҳматуллоҳи. Яхши рахмат, Аллоҳ сиздан рози бўлсин.
Биринчи саволга жавоб берадиган бўлсак. Азондаги “алла” сўзини “анла” қилиб айтишнинг ҳеч қандай кароҳиятлик ери йўқ. Иккала сўзни ишлатганда ҳам маъно бузилмайди. Бу ерда фақат араб тили тажвид қоидасининг бир ҳолати кўринмаяпти холос. Яъни араб тили тажвид қоидаларида “идғом” деган қоида бор. Унга кўра “танвин” ёки “нун” харфи, қисқача айтганда “н” товуши, “л” харфига йўлиққанда, “н” товуши “л” га айланади, яъни “л” қилиб ўқилади.
Ушбу ҳолат араб тили фасоҳати гўзалликларидан бири бўлиб, бу тажвид қоидасига амал қилмаслик сўздан кўзда тутилган маънога асло таъсир кўрсатмайди, бузмайди. Демак хулоса қиладиган бўлсак, сиз эшитган азонларнинг ҳар бирида хатолик йўқ, бу тўғрисида чуқур ўйланишга ҳожат ҳам йўқ.
Иккинчи саволга жавоб. Термизий ва Ибн Можалар ҳасан иснод билан Али розияллоҳу анҳудан ривоят қилган ҳадисда шундай дейилган:
عن علي رضي الله عنه قال : كان النبي صلى الله عليه وسلم يصلي قبل العصر أربع ركعات يفصل بينهن بالتسليم على الملائكة المقربين ومن تبعهم من المسلمين والمؤمنين
Али розияллоҳу анҳудан, у киши дедилар: “Пайғамбар соллаллоҳу алайҳи ва саллам асрдан олдин (яъни аср намозидан олдин) тўрт ракат (намоз) ўқир эдилар. Фаришталар, мўъмин ва мусулмонларга салом билан орасини ажратардилар”.Термизий ва Ибн Можа ривояти. Ҳасан.
Орасини “салом билан ажратардилар” жумласининг маъноси, икки ракатдан икки марта ўқиганларини билдиради. Бошқа ривоятларда икки ракатнинг ўзини ўқиганлари ҳақида ҳам айтилган. Шулардан келиб чиқиб айтиш мумкинки, аср намозидан олдин нафл намоз ўқиш яхши мандуб амал бўлиб, уни қилганга Пайғамбар соллаллоҳу алайҳи ва саллам қилганлари учун, ин ша Аллоҳ, ажр савоб бўлади. Қилмаганга бирон бир кароҳиятлик, гуноҳлик ҳолати ҳам йўқ, ин ша Аллоҳ. Яъни қилсангиз савоб, қилмасангиз гуноҳ эмас. Валлоҳу аълам.
Ҳизб ут-Таҳрирнинг Ўзбекистондаги медиа офиси Муслим
29.01.2016й.
