بسم الله الرحكم الرحيم

Матбуот баёноти

Эрдўғоннинг юртимизга ташрифи Америка нуфузини мустаҳкамлаш учундир

Жорий йилнинг 29-30 март кунлари Туркия президенти Эрдўғон расмий ташриф билан Ўзбекистонга келди. Хабарларга кўра, учрашув давомида икки мамлакат ҳукуматлари, вазирлик ва идоралари даражасида кўп қиррали Ўзбекистон-Туркия ҳамкорлигини янада кенгайтиришга қаратилган 9 та ҳужжат имзоланди. Ҳарбий соҳа бўйича келишув ҳам имзоланди. Мазкур ҳужжат ҳарбий соҳанинг икки томонлама ҳамкорлигини мустаҳкамлашга, жанговар тайёргарлик, ҳарбий таълим ҳамда мудофаа саноатини ривожлантиришга қаратилган.

Агар бу учрашув Ислом ва мусулмонлар манфаати, Аллоҳнинг ҳукмларини татбиқ қилиш учун ўзбек-турк мусулмонларининг қўлни қўлга бериши, умумий душманларимиз бўлмиш кофир мустамлакачиларга қарши бирлашиб, биргаликда ҳаракат қилиш борасида бўлганида эди, сўзсиз биз буни олқишлаган бўлар эдик. Ваҳоланки, турк ва ўзбек мусулмонларида Исломга бўлган муҳаббат азалдан кучли бўлиб, ҳатто ҳозирда ҳам бу юртлар Америка бошлиқ Ғарб, Россия, Хитой каби душманларимизнинг диққат марказида турибди. Албатта, Мирзиёев ҳокимиятга келганидан сўнг Ўзбекистоннинг Туркия билан жуда совуқлашиб кетган алоқаларини илитиб, янада ривожлантиришга киришиб кетгани ҳақиқат. Бироқ бундан кўзланган мақсад на Ислом ва на мусулмонлар манфаатларидир, балки Американи рози қилиш холос. Чунки Мирзиёев иқтидорга келганидан сўнг ҳам Американи, ҳам Россияни рози қилишга ҳаракат қилмоқда. Американи рози қилиш учун унинг таъсири остида бўлган давлатлар билан алоқаларни тиклаб, ривожлантиришга интиляпти. Шундай давлатлардан бири Туркиядир.

Эрдўғоннинг мақсади ҳам хўжайини Американинг Ўрта Осиё борасидаги режаларини ҳамда шу билан биргаликда қисман Туркия манфаатларини амалга оширишдир. Жумладан “Туркий давлатлар ташкилоти”да Эрдўғон лидер сифатида туркий тилли давлатлар бошини Ислом асосида эмас, балки миллатчилик асосида бирлаштирмоқчи. Буни ҳам Америка унга белгилаб берган сиёсат доирасида, яъни Американинг Ўрта Осиёдаги, хусусан Ўзбекистондаги нуфузини кенгайтириш ва мустаҳкамлаш учун амалга оширяпти.

Эрдўғоннинг сўнгги ташрифига келадиган бўлсак, унда Ислом ва мусулмонларга ҳеч қандай яхшилик йўқ. Чунки Эрдўғон Сурия, Ливия, Ироқ ва Афғонистонда Америкага катта хизмат қилиб берди. Айниқса, Суриядаги муборак қўзғолонни тўғри йўлидан адаштириб, Американинг сиёсий ечими сари йўналтиришда Эрдўғон Туркияси ҳал қилувчи рол ўйнади. Шунинг учун ҳам Эрдўғоннинг юртимизга ташрифида ҳеч қандай яхшилик йўқ. Бу ташрифни бор-йўғи Американинг юртимиздаги таъсирини кенгайтириш учун навбатдаги қадамлари, дея изоҳлаш мумкин.

Шуларга кўра, юртимиздаги мусулмонлар бу каби учрашувларга хушёрлик билан қараб, уларнинг ортида яширинган тилбириктирувлардан огоҳ бўлишлари лозим. Айниқса, Ислом тўни кийдирилган оташин нутқлар сўзлайдиган, бироқ амалда Исломга душманлик қиладиган Эрдўғон каби иккиюзламачи ва хоинларнинг ташрифларига ўта сергаклик билан қарашлари лозим.

وَقَدْ مَكَرُوا مَكْرَهُمْ وَعِنْدَ اللَّهِ مَكْرُهُمْ وَإِنْ كَانَ مَكْرُهُمْ لِتَزُولَ مِنْهُ الْجِبَالُ

– “Дарҳақиқат, улар ўзларининг макр-ҳийлаларини қилдилар. (Лекин) агар уларнинг макрлари сабабли тоғлар емирилиб кетадиган бўлса-да, уларнинг (бу) макр-ҳийлалари Аллоҳ ҳузурида (маълумдир)”.                                           (Иброҳим:46)

Ҳизб ут-Таҳрирнинг Ўзбекистондаги матбуот бўлими

05.04.2022й

0

0

Related posts:

Россия билан ярашиш учун мазлум мусулмонларнинг аёлларию болалари борасида савдо қилишяпти, суф бундай зиёнли савдога! Исломга душман давлатларнинг пуллари Сурия қочқинлари азиятларига ҳеч қачон чек қўймайди Покистон ва Туркия Пайғамбарлик минҳожи асосидаги Халифаликда буюк кучни ташкил этади Америка Туркияни ўзининг номидан Афғонистонга аралашишга ундаяпти