Эй Шом, мусибат ва зулмларга қарамай уйғон!

Ғалаба тонгги отмоқда!

Шом инқилобининг бошланишига ва уни олти йилдан бери давом этиб келаётганига сабабчи бўлган куч – унга қарши Ғарб ва бутун дунё бирлашишга мажбур бўлди – дарҳақиқат, улкан кучдир ва у шу кунгача йўқолиб кетмади, у одамларни “Аллоҳу Акбар” деб ҳайқиришга ундамоқда ва бу билан ҳар қанча шаҳидлар берилмасин, Асад режимига таслим бўлмасликларини билдирмоқдалар.

2011 йил 15 март жума куни бошланган инқилобни ўнлаб йиллар давомида мусулмонларни ўлдирган, қамоқларга ташлаган, қийноқларга солган ва оғизларини юмаётган кофир нусайрий режимга қарши ҳужумини дунё ҳали-ҳануз тўхтата олгани йўқ. Шом инқилоби бошиданоқ араб дунёсида содир бўлган бошқа инқилоблардан фарқ қилди. Аллоҳ унинг бўлишини амр этди, унга сабаб эса – кейинчалик бу инқилобнинг шиорига айланган – “Халқ режимни қулашини истайди” деб 15 та боланинг деворга ёзганлари учунгина уларнинг ҳибсга олинишлари ва қийноққа солинишлари бўлди. Маҳаллий ҳодиса глобал тус олди, ҳозирда уни бутун Ислом Уммати кузатмоқда. Бутун дунё бўйлаб золим ҳукмдорларни ўз ерларидан қувиб солишни талаб қилаётган бутун Уммат учун бу масала тақдирий масалага айланган бир вақтда бундан бошқача бўлиши мумкинми? 1924 йилнинг мартида Усмоний Халифалик йўқ қилинганидан сўнг, Ғарб ўз ҳукмронлигини Ислом Умматига тиқиштирди ва золимлар бу умматни хорлай бошладилар. Илгари Шариат билан бошқарувчи ва Исломни татбиқ қилувчи Халифалик бўлган бўлса, золимлар келиши билан ғарбнинг капиталистик, мустамлакачилик ва куфрий режимлари зулми остида инсоният инқирозга юз тута бошлади. Бу режимлар Ислом ерларига ўз малайларини ўрнатиб қўйдилар, бу эса иймоннинг тўғри йўлидан куфрнинг нотўғри йўлига буриб, бутун тарих йўналишини ўзгартириб юборди.

Бугун барчанинг нигоҳи муборак Шом инқилобига қаратилган. Уммат озодлик истамоқда, ўзининг буюклигини ва шарафини қайтаришни истамоқда. Уммат ўз тарихининг янги даврини очишни ва Аллоҳнинг изни ила иккинчи марта тўғри йўлни танлашни истамоқда. Бунинг учун қўзғолончилар ва барча мусулмонлар ўз ҳолатларини қайтадан кўриб чиқишлари зарур, бу ишни пайғамбарлик давридаги ҳолатга қайтиб, Аллоҳнинг Расули (с.а.в) қандай қилиб Шариатни ўрнатганликларини кўриб чиқишдан бошлашлари керак. Шундагина пайғамбарлик минҳожи асосидаги Халифалик давлатини ўрнатиш йўли аниқ  бўлади ва Уммат кўплаб жароҳатларга қарамай ғалабага эришади.

Нўъмон ибн Башир ривояти, Пайғамбаримиз (с.а.в) дедилар:

تَكُونُ النُّبُوَّةُ فِيكُمْ مَا شَاءَ اللَّهُ أَنْ تَكُونَ ، ثُمَّ يَرْفَعُهَا إِذَا شَاءَ أَنْ يَرْفَعَهَا ، ثُمَّ تَكُونُ خِلاَفَةٌ عَلَى مِنْهَاجِ النُّبُوَّةِ ، فَتَكُونُ مَا شَاءَ اللَّهُ أَنْ تَكُونَ ، ثُمَّ يَرْفَعُهَا إِذَا شَاءَ أَنْ يَرْفَعَهَا ، ثُمَّ تَكُونُ مُلْكًا عَاضًّا ، فَيَكُونُ مَا شَاءَ اللَّهُ أَنْ يَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا ، ثُمَّ تَكُونُ مُلْكًا جَبْرِيَّةً ، فَتَكُونُ مَا شَاءَ اللَّهُ أَنْ تَكُونَ ، ثُمَّ يَرْفَعُهَا إِذَا شَاءَ أَنْ يَرْفَعَهَا ،ثُمَّ تَكُونُ خِلاَفَةً عَلَى مِنْهَاجِ النُّبُوَّةٍ. ثُمَّ سَكَتَ
 

“Сизларнинг орангизда Аллоҳ хоҳлаганича пайғамбарлик давом этади. Сўнг Аллоҳ хоҳлаган пайтда уни кўтаради. Сўнг пайғамбарлик минҳожи асосида Халифалик бўлади ва у Аллоҳ хоҳлаганича давом этади. Сўнг Аллоҳ Ўзи хоҳлаганда уни кўтаради. Сўнг раийятига адолатсизликлар қиладиган подшоҳлик бўлади ва у Аллоҳ хоҳлаганича давом этади. Сўнг Аллоҳ Ўзи хоҳлаганда уни кўтаради. Сўнг золим ва зўравон подшоҳлик бўлади ва у Аллоҳ хоҳлаганича давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосида Халифалик бўлади. Кейин Пайғамбар соллаллоҳу алайҳи ва саллам сукутга чўмдилар”. Аҳмад ривояти. Саҳиҳ.

Талаб қилинаётган ўзгартиришлар Уммат ва инқилоб олдида келиб чиқадиган ҳар қандай муаммоларга керакли баҳо бера олиш, уларга тўғри ечим бериш ва қайси сабабларга кўра ҳалокатга, қайси сабабларга кўра муваффақиятга эришишни билиш учун фикрий идрок қилишга муҳтождир. Инқилоб ўз сўзлари ва ишларида буюк мавқеларни эгаллай олиши учун ўзгартириш жараёни кучли ирода ҳамда холис ва онгли, соф исломий тушунчаларни кўтариб юрадиган сиёсий бошқарувга муҳтождир. Асосли инқилоб илмоний, капиталистик тушунчаларни исломий тушунчаларга ўзгартирадиган, амаллар ўлчовини эса манфаатдорликдан инсон ва жамиятнинг яшаш тарзи ҳалол ва ҳаромга асосланадиган шариат ўлчовига ўзгартирадиган фикрий инқилобдир.

Токи қўзғолончилар ва бошқа мусулмонлар Ислом асосида Умматни ўнглаш учун иш бошламас эканлар, бу буюк инқилоб ўз олдидаги улкан тўсиқларни бартараф эта олмайди. Кофир Ғарб ва унинг малайларидан бизни қул бўлишимиз учун сиёсий қарорлар чиқаришларини кутиш ўрнига, улардан хорларча садақалар кутиш ўрнига, айнан улар қочқинларни уйларидан ҳайдаганлари ҳолида, яна улардан қочқинларни ҳимоя қилишларини кутиш ўрнига, мусулмонлар оламлар Роббиси Аллоҳнинг розилиги, Аллоҳ ва Унинг Расули (с.а.в) нинг каломи олий бўлиши учун холис фаолият қилишни бошламас эканлар, инқилоб ғалабага эришмайди. Аллоҳ мусулмонларга юклаган фарз ишни бажариш, яъни бир-бирларига ёрдам бериш, холис ва сиёсий онгли мусулмонлар атрофида бирлашиш, олимлар ва куч эгаларини шаръий вазифаларини бажаришга даъват қилиш устида ишлашлари зарур. Мустамлакачи кетди, Шом эса қолди. Худди шунингдек золим ҳам кетади, Шом эса қолади, чунки Шом Ислом ерларининг марказидир.

Қуйида биз Суриядаги Ҳизб ут-Таҳрир аввалдан айтиб келаётган инқилобнинг тўғри йўлда бўлишининг мустаҳкам устунларини эслатиб ўтмоқчимиз. Зеро, у инқилобни тўғри йўлга йўналтиришда муҳим роль ўйнади ва Шом аҳлининг вакили бўлишга ҳақлидир, у холис ва онгли сиёсий етакчи сифатида Шом аҳли танловига ҳақлидир, чунки у Уммат тараққиёти лойиҳасини ўзида кўтариб юради ва Пайғамбарлик минҳожи асосидаги Рошид Халифаликни тиклаш учун ишламоқда. Америка, Россия, Европа ва яҳудийлар Ҳизб ут-Таҳрирдан қўрқадилар, чунки у мусулмонлар онгини уйғотмоқда ва уларга соф Исломий фикр ва тушунчаларни бермоқда, Умматни аслига қайтармоқда, шунинг учун улар Ҳизб аъзоларини хоин режимларга ишловчи махсус хизмат ходимлари томонидан репрессия қилиниши, тақиқланиши ва ҳибсга олиниши асло қўрқита олмаслигини биладилар.

Шом инқилоби бошланганининг еттинчи йили кетмоқда, Уммат эса 96 йилдирки Халифаликсиз яшамоқда. Биз  Ислом Уммати ўғлонларини, хусусан Шом аҳлини бу устунларни ва Халифаликни тиклаш даъватини қабул қилишга ҳамда режимни унинг барча асослари ва рамзлари билан қулатиш йўлида иш олиб боришга, куфр давлатларидан озод бўлишга, уларнинг таъсирига барҳам беришга ва Пайғамбарлик минҳожи асосидаги Рошид Халифалик давлатини тиклашга чақирамиз. Шунинг учун ҳам инқилобнинг қуйидаги устун (шарт) ларини қабул қилиш лозим:

1. Қўзғолончи гуруҳлар ўртасидаги келишмовчиликларга барҳам бериш, бирлашиш ва инқилоб кучини беҳуда совураётган ва унинг тўғри йўналиши бўлмиш Дамашқни ишғол қилишдан буриб юбораётган иккинчи даражали жангларга чалғимаслик.

2. Динни ҳаётдан ажратувчи илмоний лойиҳадан юз ўгириш, чунки бундай лойиҳа Аллоҳнинг шариатига зиддир ва инсониятга бало ва мусибатдан бўлак ҳеч нарса бермайди.

3. Мустақил ҳарбий ва сиёсий фаолият олиб бориш. Бу мужоҳидларни бўлиб ташлаган ва уларнинг қарорларини заифлаштирган сиёсий маблағлардан воз кечишни талаб қилади, чунки шу сабаб улар ҳомийлари истаган нарсани қиладиган восита бўлиб қолдилар.

4. Ташқи аралашувларнинг ҳар қандай кўринишини – хоҳ сиёсий, хоҳ ҳарбий, хоҳ хавфсизлик хизматлари ва бошқаларни – рад этиш.

5. Ғарб давлатлари билан ҳар қандай алоқаларни барча даражаларда батамом узиш.

6. Ислом юртларидаги минтақавий режимлар билан ҳар қандай алоқаларни барча даражаларда батамом узиш.

7. Ҳар қандай давлат билан алоқаларга эга бўлган ва ҳаракатларини ўша давлат билан мувофиқлаштирадиган ҳар қандай шахсни инқилоб ва Уммат умидлари душмани, инқилобни адаштириш ва йўқ қилиш устида ишловчи, шаҳидлар қонига қарши чиқувчи, Аллоҳнинг каломини олий бўлишига қарши курашувчи деб ҳисоблаш.

8. Рошид Халифаликни тиклашда Аллоҳнинг Расули (с.а.в) йўлини ушлаш.

9. Халифалик давлатини тиклаш ва тузумни татбиқ этишда биз учун асос бўладиган Аллоҳнинг Китоби ва Пайғамбаримиз (с.а.в) суннатларидан келиб чиқувчи сиёсий, аниқ, мукаммал лойиҳани қабул қилиш.

Булар шариат шартлари бўлиб, муқаддас Қуръон ва Пайғамбаримиз (с.а.в) суннатларидан олингандир. Аллоҳнинг Расули (с.а.в) ва у зотнинг асҳоблари – худди ҳозир Шомда бўлаётганидек – ўз йўлларида турли хил зулмлар, азоблар, қийноқлар, қамал қилишлар, туҳматлар, кофирлар томонидан қувғин ва қатл қилинишларга дуч келганлар. Токи биринчи Ислом Давлати пойтахти – Мадинаи Мунавварадан Аллоҳ Таъоло ансорлар кўринишида ёрдам кўрсатмагунича, улар ўз ҳаракатларида сабр-бардош намоён қилдилар. Улар орқага чекинмадилар ва ғалаба келгунига қадар ноумид бўлмадилар, чунки ғалабани Аллоҳ беради ҳамда Унинг Ўзи ғалабага эришиш йўлида ҳақни нохақни ажратиш, мунофиқлар юзидаги ниқобларнинг йиртилиши учун синовлар беради. Гарчи биринчи инқилоблар мағлубиятга учраган бўлсада, бу муқаддас инқилоб таслим бўлмайди. Биз Қудрат соҳиби Аллоҳдан бу динга ва унинг даъватчиларига ёрдам беришини, муқаддас Шом инқилобига ҳамда Ислом жорий қилинадиган ва Аллоҳ нозил қилган Шариат билан бошқарадиган адолатли давлат – пайғамбарлик минҳожи асосидаги Халифалик давлатини қайта тиклаш фаолиятига ёрдам беришини сўраймиз. Бир қўлимизни инқилоб қўлига, иккинчи қўлимизни Уммат қўлига тутайлик ва жуда яқинлашиб қолган ғалаба сари одимлайлик! Аллоҳ Таъоло дейди:

وَإِنْ تَصْبِرُوا وَتَتَّقُوا لَا يَضُرُّكُمْ كَيْدُهُمْ شَيْئًا إِنَّ اللَّهَ بِمَا يَعْمَلُونَ مُحِيطٌ

“Агар сабр ва тақво қилсангиз, уларнинг макри сизга ҳеч зарар қилмас. Албатта, Аллоҳ қилаётган ишларини иҳота қилгувчидир”.  (3:120)

Ҳизб ут-Таҳрирнинг Марказий ахборот офиси учун махсус

Муҳаммад Ҳамдий, Судан

18 Жумадус соний 1438 ҳ.й.

17.03.2017й.

+4

0