بِسْمِ اللهِ الرَّحْمنِ الرَّحِيمِ

  ХАЛИФАЛИК ДАВЛАТИ ДУСТУРИ ЛОЙИҲАСИ

(давоми)

Ҳаммамизга маълумки, биз Ҳизб ут – Таҳрир жамоаси доимий равишда демократик тузум ва бунга тобе бўлган диктаторлик тузумларини танқид қилиб, инсонларнинг ҳақиқий бахтли ҳаёт кечиришларига фақатгина Исломий шариат қонунлари орқали бошқариладиган Халифалик давлати кафолат бера олишлиги хақида айтиб келмоқдамиз. Бу фикрга кўпчилик хайрихоҳлик билан баъзилар нафрат билан муносабат билдирмоқда. Қарши фикр билдираётганларнинг баъзи холларда таъналари ичида, агар Ислом шариати хукумат тепасига келса нима билан бошқаради, рўбарў келган оят, дуч келган ҳадисларни таҳлил қилиб кетаверса, ҳадисларда бир – бирига зид маънодаги, ижтиҳод талаб қиладиган холатлар бўлса, қандай қилиб тўлиқ адолатни таъминлайди – деган маънода сўзлар учрамоқда. Шу сабабдан ва умматни хақиқий Ислом қонунчилиги қандай бўлишлигини кўрсатиб қўйиш мақсадида, биз www.hizb-uzbekistan.info сайтининг медиа офиси ходимлари, Ҳизб ут – Таҳрир исломий – сиёсий жамоаси томонидан, Аллоҳ Таъолонинг оятлари ва Пайғамбари Муҳаммад соллаллоҳу алайҳи васалламнинг хадисларидан истинбот қилинган, “ХАЛИФАЛИК ДАВЛАТИ ДУСТУРИ ЛОЙИҲАСИ”, яъни хозирги замон фуқаролари истилоҳида “Давлат конcтитуцияси” – давлат бошқаруви учун асосий қонунлар тўпламини оммага намойиш этиб боришни лозим топдик.

Ушбу давлат дастури 19 та бўлим, 190 та моддадан иборат.

بسم الله الرحمن الرحيم

108-модда — Шўро (кенгаш) ва машварат умуман раъй олишни англатади. У қонунчилик, таърифлар, турли кашфиётлар каби фикрий ишлар ва илм-фан ишларида мажбурий эмас. Амалий ишларда ва машваратга алоқадор бўлмаган ишларда халифа машварат сўраганда унинг татбиқи мажбурий бўлиб қолади.

109-модда — Шўро фақат мусулмонларнинг ҳуқуқи бўлиб, ғайримусулмонлар бундан маҳрум. Аммо ўз раъйини билдириш раийятнинг мусулмон ёки ғайримусулмон бўлган барча шахслар учун жоиздир.

110-модда — Шўро тарафидан кўриб чиқилиши мажбурий бўлган масалалар хусусида халифа машварат сўраганда — тўғри ёки нотўғри бўлишидан қатъий назар — кўпчиликнинг раъйи олинади. Шўро мавзуига кирадиган ўзга масалаларда — кўпчилик ёки озчиликдан қатъий назар — тўғри раъй қасд қилинади.

111-модда — Уммат мажлиси қуйидаги беш ҳуқуққа эга:

Биринчиси:

а) Фикрий баҳс ва чуқур назарга муҳтож бўлинмайдиган ишларда, масалан, ҳокимият, таълим, соғлиқни сақлаш, иқтисод, тижорат, саноат, зироат ва бошқа соҳалар каби ички сиёсатдаги ишларни риоя қилишга алоқадор бўлган амалий ишларда Халифа Уммат мажлисидан машварат сўраган пайтда у раъйини айтса, Халифа унинг раъйини олиши мажбурийдир.

б) Аммо фикрий баҳс ва чуқур назарга ва тажриба ва билимга муҳтож бўлинадиган ва фанний, илмий ишларда, шунингдек, ташқи сиёсат, молия, ҳарбий соҳаларда Халифа мажлисдан машварат сўраб, унинг раъйини билиш учун мурожаат қилиши мумкин, аммо мажлиснинг раъйини олиши мажбурий эмас.

Иккинчиси:

Халифа табанний қилмоқчи бўлган аҳком ва қонунларни Уммат мажлисига ҳавола қилади. Мажлиснинг мусулмон аъзолари бу аҳкомларни муҳокама қилиб, бу ҳукмлардаги тўғри ва хато ҳақида ўз фикрларини билдиришга ҳақлидирлар. Агар улар халифа билан давлатда табанний қилинган усуллардан табанний қилиш тариқатида ихтилоф қилиб қолишса, бунда маҳкаматул мазолимга мурожаат қилинади. Унинг раъйини олиш мажбурийдир.

Учинчиси:

Уммат мажлиси давлатда содир бўлаётган — ички ёки ташқи ишлар, молия, ҳарбий ва бошқа соҳалардаги — барча ишларда халифани муҳосаба қилиш ҳуқуқига эга. Унинг раъйи кўпчиликнинг раъйи олиниши лозим бўлган ишларда мажбурийдир, кўпчиликнинг раъйи олиниши лозим бўлмаган ишларда эса мажбурий эмас.

Агар Уммат мажлиси халифа билан шаръий жиҳатдан амалга ошган бирор ишнинг шаръий ёки шаръий эмаслиги хусусида ихтилоф қилиб қолса, мазолим маҳкамасига мурожаат қилинади ва ушбу маҳкаманинг раъйи мажбурий бўлади.

Тўртинчиси:

Уммат мажлиси муовинлар, волийлар ва омиллардан норозилик изҳор қилишга ҳақлидир. Бу ишда унинг раъйини олиш мажбурийдир. Халифа устидан норозилик билдирилганларни дарҳол четлатиши вожибдир. Агар Уммат мажлисининг раъйи ўша муайян вилоят мажлиси раъйи билан волий ва омиллардан розилик ва шикоят борасида бир-бирига зид келиб қолса, вилоят мажлиси раъйи олинади.

Бешинчиси:

Уммат мажлисининг мусулмон аъзолари халифалик учун маҳкаматул мазолим инъиқод шартлари топилди, деб қарор қилган номзодларни чеклаш ҳуқуқига эгадирлар. Бу ишда уларнинг кўпроғининг раъйини олиш мажбурийдир. Мажлис тавсия этган номзодларгина сайланиши мумкин.

Ижтимоий низом

112-модда — Аёл — она ва уй бекасидир. Аёл ҳимоя қилиниши вожиб бўлган номусдир.

113-модда — Эркаклар ва аёллар (жамиятда) бир-бирларидан ажралган ҳолда яшамоқлари лозим. Улар фақат шариат рухсат берган ҳаж ва савдо каби бир жойга йиғилишга сабаб бўладиган эҳтиёжлар юзасидан жамланишлари мумкин.

114-модда — Эркакка берилган ҳуқуқлар аёлга ҳам берилади, эркакка фарз қилинган бурчлар аёлга ҳам фарздир. Бироқ, Ислом шаръий далиллар орқали баъзи ҳукмларни эркакка ва баъзи ҳукмларни аёлга хослаб қўйган. Аёл ҳам тижорат, деҳқончилик, ҳунармандчилик билан шуғулланишга, битим ва муомалаларни тузишга, мулкчиликнинг барча турларига эга бўлишга; мулкни шахсан ўзи ёки бошқа одам орқали ўстиришга ва ҳаётдаги барча ишларни бевосита ўзи бажаришга ҳақлидир.

115-модда — Аёл киши давлат вазифаларига тайинланиши, Уммат мажлиси аъзоларини сайлаши ва унда аъзо бўлиши ҳамда халифани сайлаш ва унга байъат беришда иштирок этиши жоиздир.

116-модда — Аёл ҳукм юритиш ишларига мутасаддийлик қилиши мумкин эмас. Бинобарин, у халифа, муовин, волий ва омил бўла олмайди ҳамда ҳукм юритиш ишларидан деб эътибор қилинадиган бирор ишни бажариши ҳам мумкин эмас. Шунингдек, у бош қози, мазолим маҳкамаси қозиси ва жиҳод амири бўлиши мумкин эмас.

117-модда — Аёл умумий ва хусусий ҳаётда яшайди. Умумий ҳаётда унинг юзи ва кафтларидан бошқа аъзолари кўринмаган, ясан-тусан қилмаган, очиқ-сочиқ бўлмаган ҳолда аёллар, маҳрам эркаклар ва бегона эркаклар билан бирга яшаши мумкин. Хусусий ҳаётда эса, фақат аёллар ёки маҳрамлари билан яшаши мумкин, бегона эркаклар билан яшаши мумкин эмас. Бу икки ҳаётда шариатнинг барча аҳкомларига қатъий амал қилади.

118-модда — Аёлнинг номаҳрам эркак билан ёлғиз қолиши, бегона эркаклар олдида ўзига оро бериши, авратларини очиб юриши ман этилади.

119-модда — Эркак ҳам, аёл ҳам ахлоқ учун хатарли бўлган ёки жамиятда бузуқликни тарқатадиган ҳар қандай амалга қўл уриши таъқиқланади.

120-модда — Эр-хотинлик ҳаёти хотиржамлик ҳаётидир. Эр-хотиннинг турмуши дўстона турмушдир. Эр хотин устидан ҳукмрон бўлиб эмас, ғамхўр бўлиб бошчилик қилади. Хотин эрига итоатли бўлиши, эр эса хотинга — одатда шундай аёлга қандай нафақа қилиш лозим бўлса, шундай — нафақа бериши фарздир.

                                                                                (давоми бор)

Ҳизб ут-Таҳрирнинг Ўзбекистондаги медиа офиси

03.03.2014й

0

0