“Инсоннинг ноқис дастурига – ЙЎҚ! Қуръон ва Суннат асосидаги дастурга – ҲА!”
“Инсоннинг ноқис дастурига – ЙЎҚ! Қуръон ва Суннат асосидаги дастурга – ҲА!” номли кампания доирасида
Конституцияни амалдагисининг ҳам, янгисининг ҳам Ислом ва мусулмонларга ҳеч қандай алоқаси йўқ
(1-қисм)
بسم الله الرحمن الرحيم
Ҳеч шубҳасиз, амалдаги ва янгиланиши кутилаётган конституциянинг Ислом ва мусулмонларга ҳеч қандай алоқаси йўқ. Чунки унинг манбаси динни ҳаётдан ажратишга асосланган капиталистик ақидадир. Капитализмнинг таркибий қисми бўлган демократик принциплар асос қилиб олинган бундай конституцияни Исломни тушунмайдиган ёки қасддан Исломга зарба бермоқчи бўлганларгина уни Ислом билан боғлаши ёки Исломдан дейиши мумкин. Бу шу даражада очиқ ҳақиқатки, уни исботлаш учун далил келтиришга ҳам ҳожат йўқ. Ақли расо кишига биргина динни ҳаётдан ажратишга асосланганига назар ташлаш кифоя қилади. Шундай бўлса-да, ўтказилишига бир ойдан озроқ вақт қолган референдум атрофидаги сиёсий манзарани идрок қилиш лозим. Буни қуйидаги тартибда кўриб чиқиш мумкин:
1. Янги Конституция кимга ва нимага керак?
Қисқа ва лўнда жавоб шуки, янги конституция Шавкат Мирзиёевга ўз президентлик муддатини узайтириш учун керак. Бу ҳаммага очиқ-ойдин кўриниб турган бўлса-да, бундай сиёсий найрангни асосли равишда фош қилиш лозим. Унга чуқурроқ назар солган ва у билан боғлиқ бўлган, унинг атрофидаги нарсалар билан қўшиб фикрлаган киши шунга амин бўладики, ушбу спектакл сценарийси Россия томонидан ижод қилинган. Ҳатто ушбу сценарий тўлиғича Путинни тахтда қолдириш сценарийсининг айнан ўзи дейиш мумкин. Бошидан бошлайдиган бўлсак, Ўзбекистонда конституцияни янгилаш масаласини биринчи марта Мирзиёевнинг ўзи кўтарган. Иккинчи муддатга сайланган Мирзиёевнинг 2021 йилнинг 6 ноябрида бўлиб ўтган инаугурация маросимида сўзлаган нутқида жумладан шундай деганди:
“Барча номзодларнинг сайловолди учрашувларида электорат вакиллари томонидан бугунги кунда ҳаётнинг ўзи, ислоҳотларимиз мантиғи талаб этаётган яна бир муҳим таклиф илгари сурилди. У ҳам бўлса, мамлакатимизда конституциявий ислоҳотларни амалга оширишдан иборат”.
Шундан сўнг конституцияни янгилаш масаласи кун тартибига чиқарилди. Бу сиёсий жараёнга асос-пойдевор қурилгандан бошлаб ҳозиргача бўлган воқеалар ривожини кузатиб борган кишини янги таҳрирдаги конституциянинг 90-моддаси борасидаги таклиф ким ёки кимлар тарафидан, қаердан келиб қолгани қизиқтириши табиий. Ушбу таклифга кўра, президентлик муддати 5 йилдан 7 йилга узайтирилади. Бу билан амалдаги президент Мирзиёевнинг иккала муддати ноллаштирилиб, яна учинчи ва тўртинчи муддатга сайланишига йўл очилади. Бундан аввал ҳам шунга ўхшаш сиёсий ўйин яҳудий Каримов даврида амалга оширилганди. Аввал 5 йилдан 7 йилга, кейинроқ 7 йилдан яна 5 йилга ўзгартирилганди. Шундай сиёсий найранглар орқали Каримов ўз режими умрини 25 йилга узайтира олди. Мирзиёев ҳам унинг йўлидан бориб, ўз ҳокимиятини 2040 йилгача узайтиришни қасд қилган кўринади.
90-моддага ўзгартириш киритиш таклифи қаердан келди, деган саволга қайтадиган бўлсак, албатта бундай таклиф Мирзиёевнинг ўзидан чиқмаган. У бу даражада безбетлик қилиб ўзи ҳақида салбий фикр шаклланишига йўл қўядиган аҳмоқ эмас. Бундан ташқари, расмийлар ҳозиргача – биргина Содиқ Сафоевнинг изоҳини ҳисобга олмаганда – бу ўзгариш ҳақида ҳеч қандай изоҳ бермай келишади. Нафақат расмийлар, балки расмий ва норасмий нашрлар, журналистлар, блогерлар ва бошқалар ҳам бу мавзуга яқин йўлаганлари йўқ. Яъни бу мавзу ҳукумат томонидан қизил чизиқ сифатида белгилаб қўйилган. Лекин шуниси аниқки, ҳукумат халқда президентлик муддатини ўзгартириш гўё халқдан чиққан таклиф, деган тасаввурни ҳосил қилишга уриняпти. Чунки расмийлар халқдан 200 мингдан ортиқ таклиф келиб тушгани, гўёки одамларнинг конституциявий ислоҳотларга юқори даражада қизиқиш билдираётгани ҳақида тинмай баёнотлар беришди. Ваҳоланки, аҳолининг каттагина қисми ҳатто конституция нималигини ҳам билмайди, у билан иши ҳам йўқ.
Энди ушбу спектакл сценарийсининг Россиядан кўчириб олинганига келсак, 2020 йилда Россияда конституцияга ўзгартириш киритишлар бўйича референдум ўтказилган эди. Ўшанда президент Путиннинг 2024 йилда тугайдиган ваколат муддати ноллаштирилиб, унга яна икки муддатга сайланиш ҳуқуқи берилди. Конституцияга ўзгартириш киритишга важ-карсон сифатида Мирзиёев ва бошқа расмийлар келтирган сабаблар айтилганди. Жумладан, Путиннинг матбуот котиби Дмитрий Песков шундай деган: “Бундай мураккаб йилларда ҳокимиятнинг барқарорлиги, қатъиятлиги, изчиллиги катта аҳамият касб этади…”. Мирзиёев ҳам шунга яқин гапларни айтганди. Масалан, Конституциявий комиссия аъзолари билан ўтказилган учрашувда халққа қилган мурожаатида: “Азиз юртдошлар, бугун нотинч дунёда, ўта таҳликали замонда яшаяпмиз. Мамлакатимиз тараққиётида ғоят масъулиятли даврни бошдан кечирмоқдамиз… Шу боис барчамиз Конституцияга киритиш таклиф этилаётган янги норма ва қоидаларга… муносабатимизни билдиришимиз лозим”, — деди. Олий Мажлис Сенати раисининг биринчи ўринбосари Содиқ Сафоев берган интервьюсида шундай деганди: “Шахсан, менинг фикримни сўрасангиз, тажрибадан келиб чиқиб ва халқаро вазиятни таҳлил қилган инсон сифатида шуни айтишим керакки, бугун биз бир ниҳоятда таҳликали дунёда яшаяпмиз. Кундан кунга мураккаблашиб кетяпти… Лекин шунга қарамасдан биз ислоҳотларни давом эттиришимиз керак. Мен аминманки, бу ислоҳотларни бошлаган инсонда (Мирзиёевда – таҳр.) уни охиригача етказишга имконият бўлиши керак”. Рус ва ўзбек расмийларининг конституцияга ўзгартириш киритишга сабаб қилиб келтирган дунёдаги мураккаб вазият, таҳликали замон… каби важ-карсонлари деярли бир хил янграмоқда. Худдики халққа таҳдид қилиб, бу мамлакатни хавф-хатарлардан мен ҳимоя қилиб турибман, сизлар мени танлашингиз лозим, акс ҳолда инқироз ва ҳалокатга юз тутасиз, дейишаётгандек. Аслини олганда, юртимиз барча соҳада жар ёқасига келиб бўлган, бунинг бош сабабчиси мана шу динни ҳаётдан ажратишга асосланган конституция ва уни татбиқ қилаётган, ўз манфаатига кўра хоҳлаган вақтида ўзгартириб, алмаштириб олаётган ўзбек режимидир. Ислом ва мусулмонларнинг ақидавий душмани, яҳудий Каримов конституцияни икки марта ўзгартириб олган бўлса, буниси ҳеч уялмай учинчи марта ўзгартиришга ҳозирлик кўряпти. Ва яна уялмай бу халқ иродаси, хоҳиши деяпти.
Ўзлари бош Қомусимиз, тараққиётимиз кафолати дея кўкларга кўтараётган конституциясига амал қилишни халқдан талаб қилишиб, ўзларига келганда уни ўйинчоқ қилиб ташлашди. Бундай ифлос ва ёлғон сиёсатни оммага фош қилиши керак бўлган маҳаллий ОАВ эса, оғизларига толқон солиб олганлар. Зеро, Россиядаги Путинни тахтда қолдириш бўйича референдумни мана шу иккиюзламачи ОАВ зўр бериб танқид қилганди. Қатор мақолалар эълон қилиб, Путин ва ундан бошқа президентларнинг тахтда қолиш учун қилган сиёсий ўйинларини кенг ёритиб, ҳатто улар устидан кулишган эди. Бугун эса, бошларига худди шу иш тушганидан кейин ўзларини билмаганга олиб, ҳеч нима бўлмагандек янги конституциянинг бошқа моддаларини қизғин муҳокама қилиб, мутахассислар билан интервьюлар уюштириб, халқ эътиборини асосий мавзудан чалғитишга хизмат қилишяпти. Бундан кейин сиз иккиюзламачи ОАВга одамлар қандай қилиб ишонади?! Холислигингизни чегараси шуми?! Бўйнингиздаги занжирингиз етиб келган жой шуми?!
Давоми бор…
#Инсоннинг_ноқис_дастурига_ЙЎҚ_Қуръон_ва_Суннат_асосидаги_дастурга_ҲА
Ҳизб ут-Таҳрирнинг Ўзбекистондаги матбуот бўлими аъзоси Форуқ
15.04.2023й
