МАБДАДА СОБИТ ТУРИШ
بسم الله الرحمن الرحيم
МАБДАДА СОБИТ ТУРИШ
5
Ўзгартириш керак бўлган воқе билан боғлиқ ишлари:
– Ҳизб асосий эътиборни Умматга қаратди ва унга қарши тўқилаётган барча режаларни фош қилди. Умматни доим ва тўхтовсиз равишда тўғри йўналишга йўллади, Ислом мабдаига зид келмайдиган ҳар қандай қулай воситадан фойдаланган ҳолда куфрга қарши курашди.
– Умматни ўзининг лойиҳасига қаноатлантириш учун керакли соф, пок исломий сақофат ишлаб чиқди ҳамда Ислом мабдаси-системаси мусулмонларга қандай яхшилик келтирганию, капиталистик система оламга қандай ёвузлик келтирганини баён қилишга қаттиқ ҳаракат қилди.
– Ҳизб Умматга – мудом ақида саломат экан – битта Уммат, деган эътиборда қаради, Умматга озор берадиган ва уни ҳукмдорларнинг зулм машинаси остига ташлайдиган бирор нарсага Умматни аралаштирмади, балки қурбон ўзи ва аъзолари бўлиши билан кифояланди. Бугун Ҳизб ут-Таҳрир Умматни омонлик қирғоғига – Аллоҳнинг изни ила – тез орада олиб чиқиш учун тайёр турибди. Зеро, биз эзгулик етказувчиларимиз ва ўзимизни Росулуллоҳ с.а.в.нинг тариқати асосида тайёрладик.
Капиталистик мабда билан боғлиқ ишлари:
Ҳизб ут-Таҳрир очкўз капиталистик мабдага заррача бўлса ҳам мансуб бўлмагани учун Аллоҳга беадад ҳамд айтади ҳамда буни ўз аъзолари кўксидаги ҳурмат белгиси, деб баҳолайди. Билъакс, Ҳизб капитализмга мансуб бўлиш у ёқда турсин, ҳатто ундан бутунлай қўлини ювиб, уни ўзининг дунёдаги биринчи рақамли душманим, деб билади. Ҳизб капиталистик Ғарб ва унинг малайларининг аёвсиз қаршиликларига, энг камида, обрўсизлантиришга уринишлари, қамоққа олиш, қувғин қилиш ва қийноққа солишларига дуч келган бўлса-да, бироқ буларнинг бирортаси унинг тириклигига зиён етказолмади, обрўсизлантиролмади, ҳаракатдан тўхтатолмади… Йўқ-йўқ, аксинча, Аллоҳнинг фазли ва қўллови билан, Ҳизб ўзининг Халифаликни барпо этиш мақсадини Умматнинг мақсадига айлантиришни уддасидан чиқди. Дарҳақиқат, Ғарбнинг бошқа мўътадил исломий шахс ва ҳаракатлар қўли билан тақдим этаётган адаштирувчи таклифлари олдида Халифаликни барпо этиш вариантини Уммат ўзига мақсад сифатида танлаб олди ва бу ҳақда очиқ тасаввурга эга бўлди. Фақат атрофга Америка етовидаги Ғарбнинг кўзойнаги билан қараётган баъзи бир кимсаларгина бундан мустасно.
Америка Исломни ёмонотлиқ қилиш қўлидан келмай, курашни ўз фойдасига ҳал қилолмай, барча қилган макрлари, қўйган тузоқлари ва жиноятлари фойда бермагач, мўътадил ислом, демократик ислом, фуқаровий ислом каби ўйинларни бошлади… Бошқарув ва конституцияга эга бўлган Ислом ва сиёсий Исломга қарши курашди, холис исломий ҳаракатларга террорист тамғасини босди… Бироқ шунча уринмасин, на Уммат кемасини ортга буришга ва на уни ўз мақсадидан адаштиришга қодир бўлди… Дарҳақиқат, Умматнинг мақсади режим ва ҳукмдорларни ағдаришдир. Яъни режим ва ҳукмдорларни Ғарб олиб келган, деган эътиборда, Ғарбни ағдаришдир. Ҳатто Ғарб Исломга бўлган душманлигидан шу даражага етдики, бугун у илмонийликка мослаштириш учун Қуръон нусусларидан олиб ташлаш ва Суннатни бекор қилиш ҳақида ўйлаяпти. Бу ишни динни янгилаш, маърузаларни “ривожлантириш”, манҳажни ўзгартириш каби дастаклар орқали амалга оширмоқчи. Бундан шаръий мақсадни кўзлаганини, динга руҳ бермоқчи эканини даъво қиляпти. Бироқ бу нусусларни маҳкам ушлаш ва уларнинг маъносига чекланишга мутлақо зид, албатта.
Эй мусулмонлар!
Бугунги кундаги воқеимиз ҳам башорат, ҳам огоҳлантирувни ўз ичига олади. Иккаласи ҳам бизнинг елкамизга тушади. Уммат Исломий давлатидан ажралгандан бери кўп балоларни бошдан кечирди… Ғарб уни Уммат сифатида йўқ қилиш учун тинимсиз ҳаракат қилиб келди. Бироқ барча уринишлари омадсизликка юз тутди… Албатта, бу Исломнинг буюклигидан, Умматнинг улуғлигидан ва ақидасини маҳкам ушлаганидандир. Шу боис, Ғарб кофирлари уни мақсади ва матлабидан, яъни Росулуллоҳ с.а.в.нинг башоратларини рўёбга чиқариш учун собит йўлидан бура олмади. Энди бугунги воқеимиз ўз ичига олган огоҳлантирувга келсак, сиз мусулмонлар, етакчилигингизни Ислом мабдасини билмайдиган ғарбпараст мўътадилларга беришингиз ва аччиқ воқеингизга таслим бўлишингиз ҳаромдир. Зиммангиздаги фарз эса, Ғарбнинг барча режаларига қарши курашишдир. Кимда-ким Ғарб билан Ислом ўртасидаги ҳазорат курашига чуқур, ёрқин назар ташласа, Исломнинг кучли эканини, у олдинга интилаётганини, Ғарбнинг эса, заиф бўлиб, ортга мойил бўлаётганини гувоҳи бўлади. Бу ҳақда суҳбатимиз давомида гаплашдик.
Қайси мусулмон ушбу курашга шўнғидими, демак, мабда асосида шўнғисин, Ғарбга эргашмасин. Агар унга андаккина эргашган бўлса, бу нарса нусратни кечиктириб, капитализм умрини узайтиради ҳамда капитализм зулмати мусулмонларгагина эмас, бутун инсониятга кенгайишига сабаб бўлади. Аллоҳ Таоло айтади:
وَلَقَدۡ أَرۡسَلۡنَا مِن قَبۡلِكَ رُسُلًا إِلَىٰ قَوۡمِهِمۡ فَجَآءُوهُم بِٱلۡبَيِّنَٰتِ فَٱنتَقَمۡنَا مِنَ ٱلَّذِينَ أَجۡرَمُواْۖ وَكَانَ حَقًّا عَلَيۡنَا نَصۡرُ ٱلۡمُؤۡمِنِينَ
– “Аниқки, Биз сиздан илгари ҳам пайғамбарларни ўз қавмларига юборганмиз. Бас улар (қавмларига) аниқ-равшан ҳужжатлар келтирганлар. Сўнг Биз жиноят қилган кимсалардан интиқом олганмиз ва имон келтирган зотларни ғолиб қилиш Бизнинг зиммамиздаги ҳақ бўлган”. (Рум:47)
Абдулкарим Абу Мусъаб қаламига мансуб
(“Ал—Ваъй” журналининг 385—сонидан)
