МАТБУОТ БАЁНОТИ

Муслима синглимиз Роҳиланинг вафоти муносабати билан чуқур таъзия изҳор қиламиз

(Жиноятчи Каримов режимининг жирканчликлари бугунги кунда ҳам давом этмоқдами?!)

Қотилликми ёки лоқайдлик?!

بِسْمِ اللهِ الرَّحْمٰنِ الرَّحِيم

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً

– “Мўминлардан Аллоҳга берган ваъдаларига содиқ қолган кишилар бордир. Бас, улардан баъзилари шаҳид бўлдилар ва баъзилари эса, шаҳидликни интизор бўлиб кутиб турибдилар. Улар (иймонларига) бирор нарсани алмаштирмадилар”. (Ахзоб:23)

Муслима синглимиз Тожибоева Роҳила Ҳакимжоновна 1984 йил Наманган шаҳри Ахсикент кўчасида туғилган. Аллоҳнинг динига бўлган муҳаббати туфайли У зотнинг йўлига даъват қилишда чин маънодаги фидокорлиги мақтовга сазовор эди. Исломий ҳаётга чақиришда фаол тарзда ҳаракат қилар, Аллоҳнинг олдидаги ўз бурчини яхши англаган ҳолда умматга ҳақни етказишда жонбозлик кўрсатар эди.

2007 йил ўша вақтдаги золим режим синглимизни 5 йилга озодликдан маҳрум қилди. 2012 йил жазо муддати кўплаб мусулмон маҳбуслар сингари 3 йилга узайтирилди. 2015 йил бу ҳолат такрорланди, яна 3 йил қўшиб берилди. Ниҳоят 2018 йил муслима синглимиз қамоқдан соғлигига салбий таъсир қилган ҳолда чиқди. Бу вақтда эса, синглимизнинг турмуш ўртоғи 1982 йил Наманган шаҳрида туғилган Ибраимов Мухторжон Эшондадаевич 2001 йил Ҳизб ут-Таҳрир жамоасига аъзоликда айбланиб озодликдан маҳрум қилинганича жазо масканидан озод қилинмаган эди. Бир оз вақтдан сўнг синглимиз турмуш ўртоғини кўргани жазо масканига бориб келади.

2019 йил 31 июл куни ҳомиладор синглимизни ўз хоҳишига зид равишда, ҳатто боришни истамаслигини ёзма билдириши  мумкинлигини айтса ҳам шифокорлар мажбуран олиб кетишади. Олиб боришган ерларидан эса, она-бола иккаласининг жонсиз таналари чиқди! Синглимизнинг турмуш ўртоғи шу йил 6 август куни озодликка чиқиши керак эди!

Муслима синглимиз Аллоҳга бўлган иймони талаби билан У зотнинг йўлидан юришда Росули Муҳаммад с.а.в га эргашишда собит бўлди ва бошқалар учун ибрат бўла оладиган ҳаётни яшаб ўтди. Биз муслима синглимизни Аллоҳ йўлида шаҳид бўлганлардан, деб биламиз, албатта Аллоҳга ҳеч кимни гуноҳдан пок, дея даъво қилмаган ҳолда шаҳидлигини қабул қилишини сўраймиз.

Шаҳидлик муборак бўлсин муслима синглим!

   الَّذِينَ اسْتَجَابُواْ لِلّهِ وَالرَّسُولِ مِن بَعْدِ مَا أَصَابَهُمُ الْقَرْحُ لِلَّذِينَ أَحْسَنُواْ مِنْهُمْ وَاتَّقَواْ أَجْرٌ عَظِيمٌ

– “Улар жароҳат етгандан кейин ҳам Аллоҳ ва Пайғамбар чақириғига жавоб берадиганлардир. Улардан яхшилик ва тақво қилганларига улуғ ажрлар бордир”. (Оли Имрон:172)

Шу ўринда бўлиб ўтган воқеалар ҳар бир инсон қалбида шубҳа уйғотиши ва саволлар вужудга келиши табиий. Бу ҳолат нима?! Қотилликми? Ёки бепарволик? Тасодифми?! Қасдми?! Бугунги ҳукумат Каримовнинг Аллоҳга, Росулига, Исломга ва мўминларга бўлган душманлик йўлидан эргашмоқдами?! Ундай бўлса огоҳлантирамиз, Аллоҳнинг динига тўсиқ бўлиш учун ҳаракат қилган Каримов Жаҳаннамдан бошқа нарсага эришмади. Агар унга эргашаётган бўлсангиз, сизнинг эришадиган нарсангиз ҳам шу бўлади, холос. Огоҳлантирамиз, жонингиз уриб турар экан, Аллоҳга ўз вақтида тавба қилинг, йўқса охирингиз вой.

Синглимизнинг яқинларига ҳамдардлик билдирамиз ва Аллоҳдан гўзал сабр сўраб қоламиз. Уларга яна айтамизки, сизлар маҳзун бўлманг, бу албатта яқинингиз учун ғолибликдир, ин ша Аллоҳ!

إِنَّا لِلّهِ وَإِنَّـا إِلَيْهِ رَاجِعونَ

– “Албатта, биз Аллоҳникимиз ва албатта биз у Зотга қайтгувчилармиз”.  (Бақара:156)

وَلَا تَقُولُوا لِمَن يُقْتَلُ فِي سَبِيلِ اللَّـهِ أَمْوَاتٌ ۚ بَلْ أَحْيَاءٌ وَلَـٰكِن لَّا تَشْعُرُونَ * وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ *الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّـهِ وَإِنَّا إِلَيْهِ رَاجِعُونَ* أُولَـٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ ۖ وَأُولَـٰئِكَ هُمُ الْمُهْتَدُونَ

– “Аллоҳнинг йўлида ўлдирилганларни ўликлар деманг. Балки улар тирикдирлар, лекин сизлар (буни) сезмайсиз. Албатта, Биз сизларни бир оз қўрқинч, очлик, мол-мулкка, жонга ва меваларга нуқсон етказиш билан синаймиз. Ва сабрлиларга башорат бер. Улар мусибат етганда: “Албатта, биз Аллоҳникимиз ва, албатта, биз Унга қайтувчимиз”, дерлар. Ана ўшаларга Роббисидан бўлган саловатлар ва раҳмат бор. Ана ўшалар ҳидоят топганлардир”.                     (Бақара:154-157)

Ҳизб ут—Таҳрирнинг Ўзбекистондаги медиа офиси

02.08.2019й

+13

0

Related posts:

Даъват етказувчининг ҳалок бўлгани ҳақида хабар Каримов режими зиндонларидан яна бир “Роббим Аллоҳ” дегани учун қамалганнинг шаҳид жасади чиқди Каримов режими жаллодлари қўлида яна бир биродар шаҳид бўлди Ҳизб ут-Таҳрир-Ливан вилояти делегацияси муҳандис Муҳаммад Заворий шаҳидлигини қутлов маросимида қатнашди