Нима учун Швеция Қуръонни ёқишга рухсат берди?
Нима учун Швеция Қуръонни ёқишга рухсат берди?
Хабар: Швеция Исломга қарши курашувчи исломофобга Қуръонни ёқишга рухсат берди; бир неча кундан кейин воқеа Дания ва Голландияда такрорланди. Мусулмонлар орасида норозилик намойишлари бошланди, мусулмон мамлакатлари бошлиқлари бу ҳаракатни қоралаб чиқишди. Туркия эса Швециянинг Натога қўшилиши бўйича музокаралар жараёнини тўхтатди.
Изоҳ: Америка НАТОни мустаҳкамлаш ва кенгайтириш устида ишламоқда, унинг ёрдамида улкан ҳудудларни назорат қилади. 2022 йил 28 июнда Туркия АҚШнинг кўрсатмасига биноан Швеция ва Финляндия билан уларнинг НАТОга қўшилиши тўғрисидаги меморандиумни имзолади. Ўз навбатида Туркия, агар шартлар бажарилса, уларнинг киришини тамоман маъқуллашини айтди, улардан энг муҳими Швециядаги Туркияга қарши партиялар фаолиятини таъқиқлаш эканлигини билдирди. Жумладан, Туркия швед партиялари ва парламентида асли курд миллатига мансуб бўлган шахсларни қўллаб-қувватланишини таъминлайдиган сепаратист Курдистон ишчилар партияси (КИП) фаолиятини таъқиқлашни талаб қилмоқда. Швециянинг ўзида Туркиянинг бу харакатларига қарши Курдистон ишчилар партиясини таъқиқлаш ва унинг аъзоларини экстрадиция қилиш талабларига қарши чиқаётган кучлар мавжуд.
Швеция Ислом душманига Қуръони Каримни ёқишга рухсат бериб, бу билан мусулмонларни ғазаблантирди ва Туркия ҳукуматини талабларидан воз кечишга мажбур қилмоқчи бўлди. Кейин Швеция Туркияни мусулмонлар олдида ноқулай аҳволга солмаслик учун Қуръонни ҳақорат қилиш ва шунга ўхшаш ҳодисаларнинг олдини олиш эвазига курд партияларини таъқиқлаш талабларини юмшатишни сўрайди. Шу тариқа Швециянинг иттифоққа қўшилиши бўйича музокаралар қайта бошланади. Аслида, Швеция бу ёвуз исломофобни Франция ва Голландия каби бемалол тўхтата олиши мумкин эди: улар бу шахсни ҳибсга олишди, уни мамлакатдан чиқариб юборишди ва киришини таъқиқлашди, кейин у Швецияга кўчиб ўтди ва у ерда бошпана олди. Бу эса Туркия ва Швеция ўртасида ўзаро келишув шартномаси имзоланиши билан Исломга қарши бундай ҳаракатлар тўхташини тасдиқлайди. Қуръонга ҳамла қилган жиноятчига келсак, у мутафаккир ва сиёсатчи сифатида муваффақиятга эришмагани аниқ. У мусулмонларни ғазаблантириб, ўзига эътиборни жалб қилмоқчи эди, чунки у тарқоқ жамият, бузилган оилалар, таназзулга учраган қадриятлардан азият чекаётган Европанинг муаммоларини ҳал қилиш учун бундан кўпроқ нарсани таклиф қила олмайди.
Финляндия Туркия билан музокараларни Швециясиз давом эттириш имкониятини кўриб чиқаётганини айтди, чунки Туркия билан алоқаларида бундай муаммолар йўқ. Кейин Американинг жавоби кузатилди, унда улар Швеция билан муаммони мураккаблаштирмаслик ва унинг НАТОга киришини кечиктирмаслик ҳақида огоҳлантирилдилар. Оқ уй вакили Жон Кирби 27 январ куни шундай деди:
"Вашингтон Швеция ва Финляндиянинг НАТОга қўшилишини қатъий қўллаб-қувватлайди, бироқ Туркия билан уч давлат ўртасидаги келишмовчиликларни ҳал қилиш зарурлигини кўради".
Швеция Қуръонни ёқиш билан боғлиқ воқеадан фойдаланиб, Туркияга муаммо Туркия ҳукуматининг мухолифларида эмаслигини, балки турк халқига ва умуман барча мусулмонларга бўлган нафрат ҳақида эканлигини айтмоқчи. Ва буни сўз эркинлиги эканлиги, мусулмонлар бунга ҳеч қандай тўсқинлик қила олмаслигини билдирди. Улар Туркияга қарши чиқаётган ҳар бир киши ўз фикрини айтиш эркинлигига эга, чунки у резидент ёки Швеция фуқаролигини олган худди шу жиноятчи каби Швеция фуқароси.
Аслида, муаммо 71 йилдан бери НАТО аъзоси бўлган Туркиянинг ўзида. Шимолий Атлантика Иттифоқи — ўзини христиан деб ҳисоблайдиган Ғарб дунёсини ҳимоя қилиш учун ташкил этилган салбчилар Иттифоқидир. Улар дунёвийлик, демократия ва жамият эркинликларини қабул қилдилар ва ўзларини эркин, маданиятли ва ривожланган дунё деб ҳисоблайдилар! Ушбу иттифоқ сафида Туркия 1950-1953 йиллардаги Корея урушида қатнашган, у ерда кўплаб турк аскарлари ҳалок бўлган. 2001 йилларда у афғон урушида қатнашган. Туркия АҚШ билан биргаликда Сомалига қарши урушда қатнашган, 2003 йилда Туркия АҚШни Ироққа қарши урушда қўллаб-қувватлаган. 2015 йилда Инжирлик авиабазаси "терроризм"га қарши кураш баҳонасида Сурия ва Ироқ халқига қарши АҚШ кучлари учун очилди. Бу ҳаракатларнинг барчаси Қуръони Kаримда қатъий таъқиқланган.
Туркия аслида 1924 йилда, Мустафо Камол Расулуллоҳ ﷺ томонидан асос солинган Давлатни вайрон қилганида Қуръонни ёқиб бўлган эди, бу давлат 1300 йилдан бери Қуръон қонунларини амалда қўллаган Давлат эди. Бугунги кунда Қуръон ўликларга ва касалларга ўқиладиган, мусобақаларда қўлланиладиган ва Уни ёдлаган ҳар бири киши мукофотланадиган китобга айланди! Қуръонни давлат, сиёсат ва жамиятда татбиқ этиш таъқиқланган, бундан ташқари, ҳаромнинг барча турига рухсат берилган, жумладан зино, судхўрлик, гомосексуализм, қимор, аёлларнинг яланғочлашуви, эркаклар ва аёлларни аралашуви, ахлоқсизлик, маст қилувчи ичимликлар ва бошқалар. Қуръон ибодатлар, вақти-вақти билан такрорланиб, одамларни ахлоққа чақирадиган ваъзлар ва таъсирсиз хутбалар ичидан ташқарига чиқмасликка маҳкум қилинган. Айни пайтда давлат таълим тизими, оммавий ахборот воситалари, фильмлар, телесериаллар ва мусиқалар орқали бузуқликни тарғиб қилмоқда.
Туркия давлати Қуръонни ҳаётдан, давлатдан ва жамиятдан ажратиб турадиган дунёвийликка, қонун манбаи инсон бўлган демократияга асосланган эди. Республика эълон қилинди, бу эса хўжайинлик кўпчиликка тегишли дегани эди; хўжайинлик Қуръон ва Суннатга тегишли бўлган Халифалик давлати қулатилган эди. Бошқа мусулмон давлатларидаги режимлар билан ҳам худди шундай. Мустамлакачи Халифалик вайроналари устига қўғирчоқ ҳокимларни ўрнатди ва ажралиб чиқиб кетмасликлари учун уларни ўз Конституциясига боғлади. Шунинг учун Швеция ва бошқа давлатлар Қуръонни ҳақорат қилишга рухсат беришга журъат этадилар, чунки улар Аллоҳнинг Китобини амалда татбиқ қиладиган ва Уни ҳимоя қиладиган Давлат йўқлигини билишади. Агар бундай Давлат бўлганида эди, у жиноятчиларнинг қалбига қўрқув солар эди ва улар Қуръонни ёқиш, йиртиш ва оёқ ости қилишга журъат қилолмас эдилар!
Эрдоғаннинг Туркияси ҳозирча Швеция билан музокараларни тўхтатди, аммо яқин келажакда музокаралар яна қайтадан тикланади ва турғун сувлар ўз оқимига қайтади. Илгари яҳудий вужуди билан содир бўлгани каби, Эрдоған босқинчи яҳуд президентини қаҳрамон каби қўллаганидек! Туркиянинг Бирлашган Араб Амирликлари, Саудия Арабистони ва Миср давлатлари ўртасидаги зиддиятлари вақт ўтиши билан сусайганидек. Ва ниҳоят, бугун турк режими Суриянинг золими Башар Асад билан ярашишга тайёрлигини билдирди.
Қуръони Каримнинг ёқиб юборилишига асосий сабаб мусулмон мамлакатларидаги турк ва бошқа режимлардир. Айнан улар Қуръон қонунларини ёқиб юборишди, улар Ислом даъватини ташувчиларига қарши уруш эълон қилишди ва Аллоҳ Таолонинг қонунларига асосланган Давлат яратилишига тўсқинлик қилишмоқда.
Эй, мусулмонлар ҳукмдорлари! Қуръон саҳифалар тўплами сифатида бир қисмини кўрсатиб, иккинчи қисмини яширишингиз учун нозил қилинмаган. Қуръон инсоният учун нур ва ҳидоят сифатида нозил қилинган, У йиллар давомида барча ҳаётий муаммоларга ечим бўлган оятлар билан бирин-кетин нозил қилинган. Қуръон инсонга унинг Яратувчиси билан (иймон, ибодат), ўзи билан (озиқ-овқат, кийим-кечак, ахлоқ) ва бошқа одамлар билан (муносабатлар, жазо-чоралар) каби алоқаларини тушунтириб берди. Шу асосда Расулуллоҳ ﷺ унинг биринчи ҳукмдори бўлган Давлат барпо этилди ва Расулуллоҳ ﷺ Умматга Қиёмат кунигача бу Давлатни ҳимоя қилишни, Қуръон ва Суннатга мувофиқ бошқарадиган Халифаларга содиқ бўлишни буюрди. Биринчи Адолатли Халифа Қуръонни битта китобга жамлади, учинчиси эса Уни муқаддаслаштириш ёки жавонда сақлашлик учун эмас, балки сақлаб қолиш ва йўқолишини олдини олиш учун нусхаларини чоп эттирди. Агар сиз ҳақиқатан ҳам Қуръони Каримга жонкуяр бўлсангиз, Унга асосланиб қарор қабул қилинг ёки ҳокимиятни унга лойиқ бўлган кишига — иккинчи Адолатли Халифаликни ўрнатиш учун ҳаракат қилаётган кишига топширинг!
Махсус Ҳизб ут-Taҳрир Марказий ахборот идораси радиоси учун
Асад Мансур
10 Ражаб 1444 ҳ.й.
1 Феврал 2023 м.й.
