Огоҳ бўлинг! Эмлаш фарзандларимиз учун давоми ё…?
Огоҳ бўлинг!
Эмлаш фарзандларимиз учун давоми ё…?
بِسْمِ اللهِ الرَّحْمٰنِ الرَّحِيم
Эмлаш – бу даволанишдир. Бу ишга ҳеч қандай монелик йўқ. Зеро, Росулуллоҳ САВ шундай марҳамат қилдилар:
إِنَّ اللَّهَ حَيْثُ خَلَقَ الدَّاءَ، خَلَقَ الدَّوَاءَ، فَتَدَاوَوْا
“Аллоҳ қаерда дардни яратса, давосини ҳам яратди, шундай экан, даволанинглар”. (Аҳмад ривояти)
Лекин бу эмлашдан яхши ниятда даволанишни қасд қилинган бўлсагина ижобий ҳисобланади, акс ҳолда ёмон оқибатларга олиб келиши мумкин. Албатта ёмон ниятни қасд қилган ҳолда ҳам эмлаш мумкинми, деган савол туғилиши табиий. Бугунги мақоламизнинг мавзуси айни шу тўғрида бўлади.
Мавзумиздан кўзланган қасдни яхшироқ тушунишингиз учун тарихий маълумотларга, хусусан “евгеника” (қадимги юнон тилида eugenics — яхши зот) ҳақидаги маълумотлар билан таништириб ўтсак. Евгеникага Чарльз Дарвиннинг амакиваччаси Френсис Гальтон томонидан 1883 йили Англияда асос солинган бўлиб, инсон зотини яхшилаш, ҳам жисмонан, ҳам ақлан такомиллаштиришга асосланган, жуда кўп фанларни ўзида мужассам қилган таълимот сифатида қаралган. Бу таълимотни соддароқ қилиб айтадиган бўлсак, кимнинг авлоди давом этиши ёки этмаслигини инсонлар томонидан белгиланиши, деса бўлаверади. Чунки айни шундай асосда инсонлар ҳаётига аралашиш XX асрнинг биринчи ярмига келиб кучайди. Жумладан, 1904 йилдан бошлаб 26 йил давомида АҚШнинг 40 та штатида жамият учун кераксиз, деб қаралган ароқхўр, руҳий хаста ва хавфли жиноятчиларни авлоди давом этмаслиги учун уруғ каналларини кесиш орқали (стерилизациялаш) бичиш амалиёти кенг қўлланилган. Евгеника таълимоти фашистлар Германиясида олий ирқ ғоясининг асоси бўлди. Учинчи Рейх томонидан олий ирқ вакили бўлмаган минглаб одамлар ирқий тозалаш баҳонасида қириб ташланди.
Бугун дунёга етакчилик қилаётган капиталистик давлатларнинг сиёсатларида евгеника алоҳида ўрин тутади. Жумладан, Карнеги институти америкада евгеника ҳаракатининг тамал тоши қўйилишида алоҳида ўрин тутади. 1904 йилда Лонг-Айленд оролида жойлашган Колд Спринг Харборда (Cold Spring Harbor) Карнегилар оиласи евгеника билан шуғулланувчи биринчи лабораторияга асос солишди. АҚШ да евгеника ғояларини амалга оширишда сарфланган энг кўп маблағлар Рокфеллерлар оиласига тегишли. Рокфеллерлар Фонди евгеникага асосланган лойиҳалар асосида бошқа ирқ вакилларини мажбурий стерилизациялаш амалиётларини молиялаштириб келганлар. Жумладан, 1990 йилларда Никарагуа, Мексика ва Филиппинда қоқшолга қарши мажбурий эмлаш орқали минглаган аёл-қизларни вакциналар таркибига қўшилган инсон хорионик гонадотропини (ХГЧ (hCG)) гармони ёрдамида яширин стерилизация (яширин аборт, ҳомилани мажбурий тушуришни) қилингани аниқланган бўлса, Пуэрто-Рикони Рокфеллерлар оиласи аҳоли сонини қисқартириш борасида инсонлар устида тажриба ўтказадиган майдонга айлантиришган. 1950 йилдан бошлаб то 1965 йилгача оролдаги туғиш ёшидаги аёлларнинг 35 фоизи стерилизация қилинган. Бу амалиётлар Жон Рокфеллерга тегишли бўлган “Аҳоли жамоат кенгаши”, Нельсон Рокфеллер вазир ўринбосари бўлган “Соғлиқни сақлаш, таълим ва ижтимоий ҳимоя” вазирлиги ва Рокфеллерлар томонидан асос солинган “Бутунжаҳон соғлиқни сақлаш ташкилоти” дастурлари асосида олиб борилган.
Бугунги кунда ҳам дунёнинг энг бой одамлари томонидан евгеника асосида кенг кўламли ишлар олиб борилмоқда. Жумладан, 2009 йилнинг 5 май куни “Рокфеллер” университети президенти Пол Нурсининг уйида “Chase Manhattan Bank” бошлиғи Девид Рокфеллер мезбонлигида Американинг энг бой одамларининг яширин учрашуви бўлиб ўтди. Бу учрашув Билл Гейтс, Девид Рокфеллер ва Уоррен Баффетларнинг ташаббуслари асосида ўтказилди. Учрашувда инвестиция қироли Уоррин Баффет, CNN ахборот агентлиги асосчиси медиамагнат Тед Тёрнер, кўчмас мулк орқали миллиардер бўлган Эли Брод, миллиардер ва Нью-Йорк мэри Майкл Блумберг, Уолл Стритлик миллиардер ва Халқаро алоқалар агентлигининг собиқ бошлиғи Питер Ж.Петерсон, шунингдек 1997-98 йилги Осиё тақчиллиги (Азиатский кризис) ортидан миллиардерга айланган кичик Жулиан Робертсон, Гейтслар фондининг собиқ ижрочи директори Патти Стоунсайфер ва Cisco Systems трансмиллий компаниясидан Жон Моргрижлар иштирок этди. Учрашувда қатнашган иштирокчиларнинг бойликлари йиғиндиси 125 млрд долларга тенг эди. Бу учрашув “Яхши клуб” (Good Club) номини олди.
Бу учрашувда асосий ҳисобланган ва Билл Гейтс томонидан таклиф қилинган “туғилишни назорат қилиш ва аҳоли кўпайишини олдини олиш дастурларини такомиллаштириш” масаласи кўриб чиқилди. Учрашув давомидаги баҳслар натижасида “аҳолининг ўсиб бориши масаласи экологик, ижтимоий ва саноат таҳдиди” деган хулосага келинди. Хулоса тушунарли бўлиши учун айрим учрашув қатнашчиларининг бу борадаги фикрларига эътиборингизни қаратамиз. Тед Тёрнер 1996 йили Audubon журналига берган интерьвюсида “Дунё аҳолисини 95 фоизга қисқартириб, 225-300 миллион нафарга етказиш мақсадга мувофиқ бўлар эди” деди. 1998 йилда Тед Тёрнер БМТнинг дунёда аҳоли сонини камайтириш сиёсати бўйича олиб бораётган лойиҳаларини молиялаштириш учун 1 млрд доллардан ортиқроқ маблағни тақдим қилишини таъкидлаган. 2008 йили Филадельфияда Temple University га берган интервьюсида “Бугун аҳоли сонини 70 фоизга қисқартириб, 2 млрдга тушириш керак, чунки дунёда ҳаддан ташқари одам кўплигидан глобал исиш келиб чиқмоқда. Бизга камроқ мулкни ишлатадиган камроқ одамлар керак” деди.
Билл Гейтснинг дўсти ва аҳоли сонини қисқартириш масаласидаги ҳаммаслаги миллиардер Уоррен Баффет туғилишни чеклаш фаолияти билан шуғулланувчи ташкилотларга 37 млрд доллар миқдоридаги маблағни берди. У 2006 йилда ўзининг 30 млрдлик Баффет фондини Гейтслар фонди билан бирлаштириб, 60 млрд маблағга эга бўлган, солиқлардан озод қилинган хусусий фондни ташкил қилишга қарор қилди.
Бугунги куннинг энг бой одамларидан бири ҳисобланган Билл Гейтс 2010 йилда Калифорния штатининг Лонг-Бич шаҳрида “TED2010 Conference” номи билан ўтказилган ёпиқ конференцияда сўзлаган нутқида “Бугун дунёда 6,8 млрд одам яшаяпти ва бу сон таҳминан 9 млрдгача ўсади. Агар биз янги вакциналар ишлаб чиқиш, соғлиқни сақлаш ва репродуктив саломатлик соҳаларида қаттиқ иш олиб борсак аҳоли сонини 10 ё 15 фоизга қисқартиришга эришамиз” деди.
Дунёнинг энг бой одамларидан бирининг дунё аҳолиси ўсишини олдини олиш ва шу мақсадни амалга ошириш учун зарур бўлган вакциналар тез орада пайдо бўлишини гапирганига ҳайрон бўлмаслик керак. У нима ҳақида гапираётганини аниқ билади ва бу борада салмоқли ишларни амалга ошириб келмоқда. Жумладан, 1999 йили “Билл ва Мелинда Гейтслар фонди” 2.2 млрд доллар миқдоридаги маблағни аҳоли сонини қисқартириш борасида иш олиб бораётган ташкилотларга хайрия тариқасида ўтказиб берди. АҚШ нинг “Оилани режалаштириш” ташкилоти, БМТнинг “Аҳоли масалалари” фонди ва бошқа аҳоли сонини назорат қилиш фаолияти билан шуғулланувчи фондлар шулар жумласидандир. Шунингдек, 2007 йилгача Билл Гейтс дунё аҳолиси сонини назорат қилувчи ташкилотлар ҳисобига 30 млрд доллардан ошиқ маблағ ўтказди. 2010 йилнинг январ ойида Швейцариянинг Давос шаҳрида ўтган “Бутунжаҳон иқтисодий форуми”да Билл Гейтс яқин ўн йил ичида унинг фонди томонидан янги вакцина ишлаб чиқариш ва ривожланаётган давлатларга етказиб бериш мақсадлари учун 10 млрд доллар миқдоридаги маблағни ажратишини эълон қилди.
Гейтслар оиласи томонидан асос солинган “Билл ва Мелинда Гейтслар фонди” ўз фаолиятини асосан вакцинация (эмлаш) ишларини амалга оширишга қаратган. Бу фонд 2000 йилда Жаҳон банки, Бутунжаҳон соғлиқни сақлаш ташкилоти, БМТнинг ЮНИСЕФ (UNICEF) ва вакцина ишлаб чиқарувчи фондлар ҳамкорлигида ГАВИ (GAVI — Global Alliance for Vaccines and Immunisation) альянсига асос солган. Унинг асосий фаолияти ривожланаётган ва қашшоқ давлатларга эмлаш воситалари, вакциналарни етказиб беришдан иборат.
ГАВИ альянси томонидан 2009 йилда Хиндистоннинг Андхра-Прадеш штатида 9 ёшдан 15 ёшгача бўлган 16000 нафар қизни одам папилломаси вируси (ОПВ) га қарши эмлаш ишлари ўтказилган. Бир неча ойдан кейин кўпчилик қизлар касаллана бошлаган, 2010 йилга келиб 5 нафари вафот этган. Эмлаш жараёнини давом эттириш мақсадида касалланиш ва ўлимлар эмлаш билан боғлиқ эмас, деган тушунтиришлар олиб борилган ва эмлашга розилик хатлари олинган.
Энди диққатингизга ББС Ўзбек ҳизматининг 2014 йилнинг 10 март кунги мақоласидан келтирилган иқтибосга қаратаман: “Дунё аҳолисини иммунизациялаш билан шуғулланувчи “Гави” Альянси Уганда, Руанда ва Ўзбекистонда бир ярим миллион қизни бачадон найи саратонидан эмлаши ҳақида эълон қилган. Алъянснинг маълум қилишича, келгуси йилдан бошлаб мазкур уч мамлакатда бир ярим миллион қиз бачадон найи саратонига қарши эмланади. Бачадон найи саратони хасталиги дунёнинг йўқсил мамлакатларида кенг тарқалгани айтилади”.
Шунингдек, Озодлик радиосининг 2019 йил 3 октябр кунги хабарида шундай дейилади: “Жорий ой Ўзбекистон бўйлаб 9 яшар қизларни одам папилломаси вируси (ОПВ)га қарши ëппасига эмлаш бошланди. Озодлик гаплашган тошкентлик оналарнинг айтишича, айни кунларда тиббиëт ходимлари мактабларда бу вакцина ва унинг афзалликлари ҳақида маълумот бермоқда, оналардан қизларининг эмланишига рухсат берувчи қоғозга қўл қўйиш сўралмоқда. 2017 йили ОПВга қарши вакцинани Миллий иммунизация жадвалига киритган Ўзбекистон Соғлиқни сақлаш вазирлигига кўра, 2019 йили 400 минг нафар 9 ëшли қиз эмланади”.
Сизларни юқоридаги маълумотлар асосида бу кофирларнинг устимизда олиб бораётган ишларини айримлари билангина таништирдик. Шунинг ўзи ҳам уларнинг турли жирканч йўллар ва ваҳшийлик билан инсониятни қирғин қилаётгани учун етарли далил бўлади. Бугун улар ваҳший нигоҳларини мусулмонлар юртларига қаратганлар. Улар бугун нафақат ўзимизнинг, балки фарзандларимизнинг ҳаётига чанг солишни бошлади. Уйғониш вақти келди. Куфрнинг юртларимиздаги қадамларини қирқиш орқали ваҳшийликларига чек қўйиш вақти етди. Аллоҳ Таоло айтади:
يَا أَيُّهَا الَّذِينَ آمَنُواْ لاَ تَتَّخِذُواْ بِطَانَةً مِّن دُونِكُمْ لاَ يَأْلُونَكُمْ خَبَالاً وَدُّواْ مَا عَنِتُّمْ قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِن كُنتُمْ تَعْقِلُونَ
– “Эй иймон келтирганлар, ўзингиздан бошқадан сирдош тутманг. Улар сизга ёмонлик қилишини қўймаслар. Машаққатда қолишингизни хоҳларлар. Душманликлари оғизларидаги (сўзлари)дан билиниб турибди. Дилларида махфий тургани яна ҳам каттароқ. Агар ақл юритадиган бўлсангиз, биз сизларга оят-белгиларни баён қилиб бўлдик”. (Оли Имрон:118)
Бу ишнинг ягона йўли эса, ўз Исломимизга қайтиш билан бўлади холос ва буни қанчалик тез амалга оширсак, фарзандларимизнинг ҳаётини сақлаб қолиш имкониятимиз шунчалик ортади. Токи устимизда Аллоҳнинг шариатини қоим қилувчи, меҳрибон халифамиз бўлмас экан, бу кофирларнинг ваҳшийлиги давом этаверади. Росулуллоҳ с.а.в. марҳамат қиладилар:
الإِمَامُ رَاعٍ وَهُوَ وَمَسْؤُولٌ عَنْ رَعِيَّتِهِ
“Имом-халифа бошқарувчидир ва у ўз қўл остидагилардан жавобгардир”. (Имом Бухорий Абдуллоҳ ибн Умардан ривоят қилган)
Бу даъватимизгага қулоқ тутинглар! Энди сусткашлик ва беэътиборлик қилиш ўлим билан баробар бўлиб қолди. Акс ҳолда келажак авлодларимизнинг катта қисмидан айриламиз. Қолганлари ҳам бизларни сўроққа тутмайди, чунки бунга мажоли бўлмайди, майиб ва мажруҳ бўлгани ҳолида фақатгина хаста ва мунгли кўзлари билан унсиз саволомуз боқиб, бизни қайта-қайта “ўлдиради” холос. Бундан-да оғирроқ азоб борми?!
Ҳизб ут-Таҳрирнинг Ўзбекистондаги медиа офиси. Салоҳиддин
08.10.2019й
