Рамазон нусрат ва фатҳлар ойидир
Рамазон нусрат ва фатҳлар ойидир
بِسْمِ اللهِ الرَّحْمٰنِ الرَّحِيم
Хабар:
Orient NET: “Мусулмонлар тарихи давомида муқаддас Рамазон ойида кўплаб муҳим аҳамиятли ва ҳал қилувчи ҳодисалар содир бўлган. Буларнинг ичида энг машҳури ҳижратнинг 20-йилида Мисрни фатҳ қилиш учун қўшин юборган иккинчи рошид халифа Умар ибн Хаттоб бошқаруви даврида мусулмонлар қўмондони Амр ибн Ос томонидан Мисрни фатҳ этилишидир. Шомни фатҳ этилиши ортидан Сурия ва Фаластинни мустаҳкамлаш ва ҳимоя қилишдаги муҳим роли ҳамда Ислом армияси учун Африкага йўл очиш мақсадида мусулмонлар Мисрга кириб бордилар. Амр ибн Оснинг ўз армияси билан Мисрга ҳарбий юришининг йўналиши Синай, Ал-Ариш, Пелузий ва Бобилнинг мустаҳкам қалъаси орқали ўтган эди. Мусулмонлар қалъани етти ой давомида қамал қилдилар ва уни Рамазоннинг биринчи кунида эгаллашга муваффақ бўлдилар. Шундан сўнг Нил дельтасидаги барча қалъалар қулади. Натижада мусулмонлар ҳижратнинг 21-йилида Искандарияга кирдилар ва Мисрда Рум бошқарувига якун ясаб, Ислом бошқаруви даврига асос солдилар, Мисрнинг биринчи волийси этиб Амр ибн Ос тайинланди”.
Ҳижрий 91 йил Рамазоннинг биринчи куни Ториф ибн Молик бошчилигидаги мусулмонларнинг 500 кишидан иборат биринчи отряди Андалусга кириб келиши билан эсда қолган. Улар Гибралтар бўғозини кесиб ўтиб, Сеут шаҳридан сузиб ўтдилар ва келгусида Ториф дея номланадиган Палом оролига ўрнашдилар.
Мусулмонлар Мағрибда барқарорликка эришганларидан сўнг, исломий қўшин қўмондони Мусо ибн Носир уммавий халифа Валид ибн Абдулмаликка мурожаат қилиб, Андалусга юриш қилишга рухсат сўради. Халифа Ибн Носирга Андалусга ҳужум қилишга фармойиш берди ва мусулмонлар бошқаруви Андалусда деярли саккиз аср давом этди”.
Изоҳ:
Юқорида Рамазон ойи ҳақида тилга олинган “Orien Net” сайтининг “Рамазон ойидаги ҳодисалар. Миср ва Андалуснинг фатҳ қилиниши” номли мақолада Рамазон ойидаги “нусрат (ғалаба, ёрдам)” мавзуси четлаб ўтилган ва бу “ҳодисага” тарихий ҳикоя сифатида эътибор қаратилган. Исломни бошқа динларга ўхшаган дин, деб ҳисоблайдиган, исломий бўлмаган илмоний сайт учун бу табиий ҳол. Шу сабабли, уларнинг фикрига кўра, рўза ойида бўлган ҳодисалар, бошқа динлар тарихи каби бир тарих, деб ҳисобланади. Шунинг учун асрлар давомида Ислом Давлати фатҳларни сиёсий асосда ва шариат ҳукмларига кўра амалга оширганини ҳамда бунинг натижасида олам муайян мазмун ва меъёрлари бўлган Дорул Ислом ва Дорул куфрга бўлинишини таъкидлаш зарур.
Қачонлардир Ислом билан бошқарилган, хавфсизлиги мусулмонлар томонидан таъминланган ҳар қандай ҳудуд абадий Ислом ерлари бўлиб қолади ва бу Қиёматгача ўзгармайди. Шунга кўра, мусулмонларнинг биринчи навбатдаги вазифаси бу ҳудудларни Ислом бошқарувига қайтаришдир. Бу ҳудудларга Испания ва Португалия, Франция, Германия, Австриянинг катта қисми ва Шарқий Европадаги кўплаб давлатлар, шунингдек Греция, Кипр ва бошқа ҳудудлар киради. Ушбу мақола орқали Умматнинг кучли давлати ва мусулмонлар ичидан чиқиб, энг аввало мусулмонларни ғамини еган, Шариатни татбиқ қилган, тақвода Аллоҳнинг Расули (с.а.в) га эргашган халифаси бўлган вақтларда муқаддас Рамазон ойидаги энг муҳим фатҳларни эслатамиз, деган умиддамиз.
Қуйида мусулмонлар тарихидаги энг муҳим ғалаба ва фатҳларни келтирамиз:
● Буюк Бадр жанги (ҳижратнинг 2-йили):
Ушбу жанг Рамазон ойининг 17-кунида содир бўлди. Бу жанг Ислом ва куфр, иймон ва зулм, Пайғамбаримиз (с.а.в) гуруҳи билан террорчи ва жиноятчилар гуруҳи ўртасидаги қатъий кураш эди. Гап буюк Бадр жанги, яъни нафақат Ислом ва мусулмонлар тарихида, балки бутун инсоният тарихида иймонни куфрдан ажратган жанг ҳақида бормоқда. У буюк Ажратиш (фурқон) жангидир:
إِن كُنتُمۡ ءَامَنتُم بِٱللَّهِ وَمَآ أَنزَلۡنَا عَلَىٰ عَبۡدِنَا يَوۡمَ ٱلۡفُرۡقَانِ يَوۡمَ ٱلۡتَقَى ٱلۡجَمۡعَانِۗ وَٱللَّهُ عَلَىٰ كُلِّ شَيۡءٖ قَدِيرٌ
– “Ва агар Аллоҳга, фурқон куни-икки жамоат тўқнашган куни бандамизга нозил қилган нарсамизга иймон келтирган бўлсангиз… Ва Аллоҳ ҳар бир нарсага қодирдир”. (Анфол:41)
● Макка фатҳи (ҳижрий 8-йил):
Макка фатҳи Рамазоннинг 23-кунига тўғри келган. Маккани фатҳ этилиши инсоният тарихидаги бурилиш нуқтаси бўлди, чунки куфрга нуқта қўйилди ва Ислом Араб яримороли ташқарисига фаол тарзда ёйила бошлади:
إِذَا جَآءَ نَصۡرُ ٱللَّهِ وَٱلۡفَتۡحُ ١ وَرَأَيۡتَ ٱلنَّاسَ يَدۡخُلُونَ فِي دِينِ ٱللَّهِ أَفۡوَاجٗا ٢ فَسَبِّحۡ بِحَمۡدِ رَبِّكَ وَٱسۡتَغۡفِرۡهُۚ إِنَّهُۥ كَانَ تَوَّابَۢا
– “Вақтики, Аллоҳнинг нусрати ва фатҳ келса… Ва одамларнинг Аллоҳнинг динига тўп-тўп бўлиб кираётганини кўрсанг… Бас, Роббингни поклаб ёд эт ва Унга истиғфор айт. Албатта, У тавбаларни кўплаб қабул этувчидир”. (Наср:1-3)
● Бувайба фатҳи (ҳижрий 13-йил):
Бувайба Куфа яқинида жойлашган бўлиб, уни Куфадан Фурот дарёси ажратиб турарди. Форс амирлари Мусанно ибн Ҳорис р.а. бошчилигида кўпсонли қўшин яқинлашиб келаётганини эшитиб, қўрқиб кетдилар ва Миқрон қўмондонлиги остидаги қўшинни юбордилар. Бу икки қўшин Бувайбада қақшатқич жангда тўқнашди ва мусулмонлар ғалаба қозондилар. Ироқдаги бу жанг аҳамияти жиҳатидан Шомдаги Ярмуқ жангига ўхшайди.
Пайғамбаримиз (с.а.в) вафотларидан 4 йил ўтиб Аллоҳ Ислом Умматига қанчалар буюклик ато этганига эътибор беринг. Мусулмонларнинг холис армияси Форс империяси қалъаларини ер билан яксон қилди ва тез суратларда уни ҳаёт майдонидан йўқ қилди.
● Аморий фатҳи (ҳижрий 223-йил):
Аморий фатҳи Батра аҳолисининг византияликлар томонидан йўқ қилинишига жавоб сифатида амалга оширилган эди. Император Михаилнинг ўғли – Византия императори Феофил мусулмонлар ерларига эга бўлишни истар эди. Мусулмонларнинг қўшини Озарбайжондаги фатҳларини давом эттираётганидан хабар топган Феофил аскарларини сафарбар қилди ва мусулмонларга қарши юз минг римликдан иборат армияга бош бўлиб ҳужумга ўтди. У Батра қалъасини ёндириб, болалар ва қарияларни ўлдирди, аёлларни асир олиб, номусларига тажовуз қилди. Айнан ўшанда асир олинган аёллардан бири Мўътасимдан ёрдам сўраб, нола қилган эди.
● Хиттин жанги ва Қуддусни қайтарилиши (ҳижрий 583-йил):
Мужоҳид Имодуддин Занкий раҳимаҳуллоҳ салибчилар гарнизони билан бўлган қақшатқич жанглар натижасида айрим шаҳар ва князликларни қайтариб олишни бошлади. Булардан энг машҳури Эдесс князлигини қайтиб олиниши бўлди (1144 й). Имодуддин Занкий ишини франкларга қарши жанг олиб борган ва мусулмонлар таъсирини Дамашққача кенгайтирган вориси Нуриддин Маҳмуд раҳимаҳуллоҳ давом эттирди. Бу давомий ғалабаларнинг энг чўққиси мужоҳидлар амири Салоҳиддин Айюбийнинг Хиттиндаги машҳур жанги бўлди ва унда мусулмонлар Қуддусни қайтариб олдилар.
● Айн-Жолут жанги (ҳижрий 657-йил):
Бу жангда мусулмонлар Сайфиддин Қутуз бошчилигида мўғуллар устидан ғалабага эришдилар. Сайфиддин ва Зоҳир Бейбарс мусулмонлар оламининг катта қисмини ўз ичига олган мўғуллар босқинини Насиро яқинидаги Айн-Жолут жангида даф қилишга муваффақ бўлган эдилар. Бу исломий жангларнинг энг муҳим ва энг машҳурларидан бири бўлган.
Хулоса шуки, Ислом Уммати уни ҳимоя қилувчи давлати ва халифаси бўлганида мана шундай эди. Бу асл фарзандлари нусратни хоҳлаганларида ва унга лойиқ бўлганларида Умматга берилган Аллоҳнинг ёрдамидир. Улар шаҳидликни истаганларида, ғолибликни қўлга киритганлар. Улар Аллоҳнинг Каломини олий қилиш учун мустаҳкам турганлар, бу йўлда учраган душманларини тор-мор қилиб, ғалабага эришганлар. Улар чўққиларни забт этиб, бу фатҳларда улкан шон-шарафларга сазовор бўлганлар. Уммат аҳволини ўнглашнинг ягона йўли аввалгиларга бу каби чўққиларни забт этишга имкон берган нарсадир ва у мусулмонларнинг илк аждодларини юксалтирган.
Ҳизб ут-Таҳрирнинг Марказий матбуот бўлими радиоси учун махсус
Ҳишом Бобо
5 Рамазон 1438 ҳ.й.
Русчадан Сайфуллоҳ таржимаси
27.05.2019й
