Терроризмга қарши кураш Исломга қарши халқаро урушдир
Терроризмга қарши кураш Исломга қарши халқаро урушдир
(2-қисм)
بسم الله الرحمن الرحيم
Мақоланинг ўтган қисмида терроризмга қарши кураш номи остида Исломга қарши олиб борилаётган курашнинг биринчиси ҳақида сўз юритган эдик, энди иккинчи кураш ҳақида гапирадиган бўлсак, яъни ҳазорат кураши Ғарб учун асосий ва муҳимдир. Ғарб бунда Уммат билан курашаётганини яширади. Чунки Уммат ўзи яшаётган аҳволдан норози ҳамда содир бўлаётган ҳодисалардан биринчи навбатда Ғарб жавобгар деб билади ва ҳокимларни Ғарб қўлидаги қурол деб ҳисоблайди. Шунинг учун у ҳокимларни ўзгартиришни истайди ва ўзгартиришнинг йўли Аллоҳнинг шариатини тиклаш, деб билади. Шу жиҳатдан олиб қараганда Уммат Ғарбга қарши қўзғалар экан, аввало ҳокимларига қарши қўзғалди. Бу қўзғолонлардаги биринчи мақсад Ғарбдир, чунки вазиятларнинг ёмон тус олишидан биринчи навбатда у жавобгардир. Ғарб бу қўзғолонлар Умматдаги ёлғиз йўналишнинг ифодаси эканини, у ҳам бўлса, мавжуд сиёсий воқени рад этиб, ўрнига бошқасини яъни Халифалик давлатида ўз тимсолини топадиган сиёсий исломни хоҳлаётганини билади.
Шунингдек Ғарб бу қўзғолонларни шундай ташлаб қўйса, минтақадаги бошқа давлатларга ҳам ўтиб кетишини билади. Демак у манфаатлар борасида давлатлар ўртасида сиёсий кураш борлигини инкор қилмаса-да, бу курашга ҳазорат кураши деб қарайди.
Ҳа, Ғарб Уммат ундан ва унинг малай ҳокимларидан халос бўлишни ва ўз дини бағрида яшашни хоҳлаётганини яхши билади. Шунинг учун Америка ўз режасини ишлаб чиқар экан, минтақани барчасини янгидан шакллантириш учун ишлаб чиқди. Бу янги шакл минтақани янгидан парчалаш, Умматни ўз дини атрофида бирлашиш тўғрисида фикрлашига йўл бермаслик ҳамда тоифачилик, ирқчилик, мазҳабпарастликка гижгижлаш асосида тақсимлаш, тақсимланган бу бўлаклар ўртасига адоват солишдан иборат бўлди. Агар Америка бу тақсимлашда муваффақиятга эришса, бирлашиш маҳол ишдек бўлиб қолади. Афсуски ишни Эрон ва курдлардан бошлади. Шунингдек ўзлари майда миллатлар деб номлаётганлардан тақсимлаш ишида баҳона сифатида фойдаланади.
Курашнинг Ғарб кўз юмишга ҳаракат қилаётган мана шу тарафи ёритилиши ва уни Уммат ичида кучайтирилиши лозим. Шунингдек ҳис туйғулар диннинг нусрати сари йўналтирилиши ҳамда Ғарб ва унинг малай ҳокимларига нисбатан мабдаий асосда адоватда бўлиш лозим. Мана шу бугуннинг талабидир. Агар даъватчилар шу даражага кўтарилмаса, улар кўтариб чиқаётган даъватнинг даражаси паст бўлади. Бир қанча кишилар борки, Уммати ҳаққига зарар етказган, чунки уларнинг бу курашдаги даражаси Умматникидан паст. Бир қанча даъватчилар борки , мана шу даражага етмагани туфайли Ғарбга хизмат қилмоқда ёки улар бу курашда халқаро кураш билан чекланмоқда. Бунга ўхшаганлар Умматни энг оғир аҳволда ёрдамсиз қўйишмоқда.
Шунингдек айрим ҳаракатлар борки, ўзларини исломий ҳаракат деб ҳисоблайди, аммо асосий кураш ҳазорат кураши эканини тушунмайди. Шунинг учун улар террорга қарши ҳужум Исломга қарши кураш эмас деб биладилар. Улар мана шу оддий ҳақиқатни тушунмаганларидан Ғарбга чиройли йўлни таклиф қилишяпти ва Уммат йўналишига зид ҳамда Умматнинг Ғарб ҳукмронлигидан озод бўлиш сари интилишига зид янги йўналишни эълон қилишмоқда. Натижада улар номларини ва тариқатини ўзгартирганини эълон қилишди, сиёсий исломдан воз кечишди. Шунингдек сиёсий ишларда Ғарб тариқатини қабул қилишганини эълон қилишди ва Ғарбнинг демократия ҳақидаги тушунчалари ва ҳокимиятни галма-гал бошқариш тушунчаларини қабул қилишди… Бунинг сабаби улар бугун бўлаётган кураш ҳақиқатини тушунишмади.
Бу ҳаракатлар фурсатдан фойдаланиши ва Уммати ўз дини томон йўнала бошлаганини кўриши билан унга ёрдам бериб, кўмаклашиши лозим. Бу йўналиш мавжуд бўлса ва у кучайтирилса унинг қандай кучга эга бўлишини бир тасаввур қилиб кўринг.
Шунинг учун исломий ҳаракатлар ва даъватчилар доим Умматга назар ташлаб, уни керакли йўналишга буришлари лозим. Мана масалан 1967 йил мағлубият рўй бериб, у билан бирга Абдунносирнинг чўпчаклари ҳам тугагач, зийрак ва буюк ҳамда нодир шайх Тақийюддин Набаҳоний роҳимаҳуллоҳ барча таҳлилчи, муфаккир ва стратегларга Уммат учун Ислом билан бошқаришга йўл очилди деб эълон қилди. Бу таҳлил кўпчилик , ҳатто даъватчиларга ҳам тасодиф бўлди.
Шайх ўта билимдонлиги ҳамда даъватига қаттиқ эътибор берганлиги, воқеа ва ҳодисаларни нозик кузатганлигидан йўл Абдунносир етакчилигидан ва Исломдан бошқа барча фикрлардан халос бўлганини кўра олган эди. Ҳа, йўл Ислом учун холи қолган эди. Бу каби биринчилардан бўлиб илғай олиш сиёсатчи, муфаккир ва кузатувчиларга қаттиқ таъсир қилади. Чунки у уларни мана шу йўналишга юришга мажбурлайди ва уни мана шу эътибор билан ушлашга ундайди.
Юқоридагилардан келиб чиқиб айтамизки, Ғарб барча мусулмон юртларда ғалаба қилиши ва уларни ўз қўрғонига қайтариши иш ниҳоясига етди дегани эмас. Чунки агар бу муаммолар барчаси турлича ва бир биридан ажралган муаммо бўлганида биз, Тунисда вазият Британия фойдасига ва Мисрда Америка фойдасига ҳал бўлди, Яман, Ливия ва Сурияда эса ҳали уруш тугагани йўқ ва курашаётган йирик давлатлардан бирининг фойдасига ҳал бўлиш арафасида, деб айтган бўлар эдик. Лекин иш бундай эмас, чунки у Уммат муаммоси ва ҳазорат кураши масаласидир. Умматнинг барчаси бугун содир бўлаётган ҳодисалардан алам чекмоқда. Уммат ҳар бир юртда бўлаётган ва уни қийнаётган фалокат ва қирғинлар уни яна ҳам кўпроқ дини томон йўллаяпти, деб ҳисобламоқда. Шунинг учун биз хурсандчилик билан айта оламизки, содир бўлаётган барча ҳодисалар Умматни Халифалик лойиҳасига қўшилиш учун тайёрламоқда. Олам давлатлари Ислом халқаро майдонга қайтаётганини сезиб, уни йўқ қилишга келишаётган экан, халқаро майдонда куфр кучларининг Исломга қарши шафқатсиз ҳужуми мусулмонларни араб ва ажамини бир нуқтаи назар атрофига йиғмоқда. Аллоҳ Таъоло бу Умматга ўз нусратини берса, улар мана шу мақсад сари янада кўпроқ йиғилаверади.
Чунки нусрат на Америка ва на бошқасининг қўлида, балки у ёлғиз Аллоҳнинг қўлидадир. Исломий ҳаракатлар ва мусулмон уламолар барчаси нусратни ёлғиз Аллоҳгина беради деб эътиқод қилишлари лозим. Шунингдек улар Уммат улардан баланд даражада эканини билишлари ҳамда Ғарбни рози қилиш мақсадида ўз номлари ва программаларини ўзгартирганларини эълон қилсалар бу уларга катта хатар бўлишини билишлари лозим.
يَحْلِفُونَ بِاللّهِ لَكُمْ لِيُرْضُوكُمْ وَاللّهُ وَرَسُولُهُ أَحَقُّ أَن يُرْضُوهُ إِن كَانُواْ مُؤْمِنِينَ
“Улар сизларни рози қилиш учун Аллоҳнинг номи билан қасам ичарлар. Агар мўъмин бўлсалар, Аллоҳни ва Унинг Расулини рози қилмоқлари лойиқроқ иш эди”. (Тавба. 62)
Биз уларга айтамизки, сизлар ҳар қанча уларга яқинлашманг улар сиздан рози бўлишмайди.
وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ
“Яҳудий ва насронийлар уларнинг динига кирмагунингизча ҳаргиз сиздан рози бўлмайдилар. Айтинг: “Аллоҳнинг йўлигина ҳақиқий йўлдир”. Қасамки, агар сизга келган ҳақиқий илмдан кейин уларнинг нафс—ҳаволарига эргашсангиз, Аллоҳ тарафидан сизга на бир дўст ва на бир ёрдам бергувчи бўлмайди”. (Бақара. 120)
Бу вазиятлар асло Ғарб хоҳишига қараб юрмайди, балки ёлғиз Аллоҳнинг иродаси билан юради. Ғарбнинг капиталистик мафкурасига ичкаридан емирилиш уруғи экилган бўлса, Аллоҳнинг ҳақ дини бўлмиш Исломга ичкаридан қайта тирилиш уруғи экилган. Биз кўриб турибмизки, халқаро вазият Ғарб режалаштирган томондан тескарисига қараб юра бошлади. Унинг тушунчаси эскирди ва қулай бошлади, жамиятлари қариди ва ҳалокат ёқасига келди. Унинг халқлари мабдасига бўлган ишончни йўқотиб, нима қилишини билмай қолди. Ғарб мабдасининг татбиқидан пайдо бўлган инқирозлар кўпайгани унинг муваффақиятсизликка юз тутганидан дарак беряпти. Унинг офати барча оламга тарқалди ва разилликлари фош бўлди. Асосларини мустаҳкамлаш ва ҳалокатини олдини олиш учун моддий кучни ишга солиш ва макр ҳийла қилишдан бошқа чораси қолмади.
Ғарб ўз мабдаси қулаётгани ҳамда Исломий Уммат ўз дини ва Халифалик давлатини тиклаш сари ҳаракатлана бошлаганини кўрди.
Шунинг учун у илгарилаб кетишни хоҳлаб, мусулмонларнинг бугунги уйғониш сари қилаётган ҳаракатларига нисбатан Ислом давлатини қулатишда қилган муносабатини қиляпти. Бошқача айтганда бу ҳаракатларга мабдаий нуқтаи назардан келиб чиққан ҳолда муносабат билдирмоқда. Шунинг учун уни ҳеч нарсани ҳисобга олмай ва рақибсиз қотиллик ва макр ҳийла билан тўла очкўз варварлик қилаётганини кўриб турибмиз.
Ҳа, биз бугун гувоҳи бўлиб турган замон буюк ўзгариш замони бўлиб, унда айрим йирик давлатлар қуласа, бошқаси қад кўтармоқда ҳамда етакчилик биридан бошқасига ўтмоқда. Ўтган аср бошида содир бўлган энг кўзга кўринган ҳодиса Халифалик давлати қулаши бўлса, бугун Ғарб мусулмонлардан кутаётган ва тўхтатиб қолишга ҳаракат қилаётган ҳодиса Халифаликнинг қайта тикланиши бўлиб қолди.
Мусулмонлар исломий юртларда содир бўлаётган Исломга қарши шафқатсиз ҳужумни мана шу нуқтаи назар билан тушунсалар, бу вазиятни ўз динлари фойдасига буради лар. Шунингдек Ғарбнинг макр ва ҳийласи ҳамда ёлғонларига чек қўядилар.
قَدْ مَكَرَ الَّذِينَ مِن قَبْلِهِمْ فَأَتَى اللّهُ بُنْيَانَهُم مِّنَ الْقَوَاعِدِ فَخَرَّ عَلَيْهِمُ السَّقْفُ مِن فَوْقِهِمْ وَأَتَاهُمُ الْعَذَابُ مِنْ حَيْثُ لاَ يَشْعُرُونَ
“Албатта, улардан олдингилар ҳам макр қилганлар. Бас, Аллоҳ биноларини пойдеворидан йиқитди. Шифт уларнинг устига қулаб тушди. Ва уларга ўзлари сезмаган томондан азоб келди”. (Наҳл .26)
Ҳизб ут-Таҳрирнинг Ўзбекистондаги медиа офиси ходими Муслим Ал-Вайъ журналидан фойдаланиб тайёрлади.
03.02.2018й.
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми