То куч-қудрат аҳли тоғутларни ағдариш ва Умматга нусрат беришдек ўз шаръий бурчларини бажармагунларича исломий юртлардаги қўзғолонлар ҳақиқий ўзгаришга олиб келмайди
Матбуот баёноти
То куч-қудрат аҳли тоғутларни ағдариш ва Умматга нусрат беришдек ўз шаръий бурчларини бажармагунларича исломий юртлардаги қўзғолонлар ҳақиқий ўзгаришга олиб келмайди
Бангладеш ва Афғонистондаги режим ўзгаришлари, улардан олдинги бир қанча режимларнинг ўзгариши ва яқинда юз берган Сурия режими ўзгариши ортидан ҳукмрон гуруҳлар одамларнинг ҳукмдорларга қарши уюшган қўзғолонларини «тартибсизлик, бузғунчилик ва беқарорликка олиб келади» дея эски чўпчакларини такрорлай бошлади. Хоҳ Покистон армияси қўмондони генерал Осим Мунир бўлсин, хоҳ бошқа ҳукмдорлар бўлсин, фарқсиз, барчалари «ўз мамлакатларининг Ливия, Сурия, Ироқ, Судан ва бошқа юртлардаги фалокатларга тортилишига асло йўл қўймасликлари»ни даъво қилишяпти. Бунинг чўпчак эканини кўрсатиб бериш учун қуйидаги пунктларга тўхталиб ўтамиз:
Биринчи: давлат ўз моҳиятига кўра халқнинг фикр ва туйғуларини ифодаловчи тузилмадир. Табиий барқарор давлат инсонлар ишларига улар иймон келтирган қонунлар ва ақида қадриятлари орқали ғамхўрлик қилади. Шунинг учун Уммат ва унинг давлати худди шу асосда бўлиши керак. Яъни мусулмонларнинг давлати Ислом шариатига асосланади ва мустамлакачи кофир Ғарбнинг нуфузи, ҳукмронлиги, тузуми, малайлари ва ҳазоратидан холи бўлади. Бундан бошқача ҳар қандай давлат ғайритабиий, вақтинча, беқарор ва мустабид давлат ҳисобланади. Бугунги кунда Ислом оламидаги элликдан ортиқ давлатнинг бирортасини ҳам на табиий ва на барқарор тузилишга эга деб бўлмайди. Шу сабабдан, одамларда исломий онгнинг ўсиши сабабли бугун давлат билан одамлар ўртасидаги бўшлиқ тўлдириш мумкин бўлмайдиган даражада кенгайиб кетди. Шунинг учун бугун ё эрта қўзғолонлар аланга олиши муқаррар. Бугунги Мубораклар, Ибн Алилар, Ҳасиналар, Башарлар, Ибн Салмонлар ва уларнинг генераллари бу нарсани олдини ололмайди.
Иккинчи: ҳукмдордан ҳисоб талаб қилиш Уммат учун ҳам шаръий фарз, ҳам замонамизнинг энг муҳим эҳтиёжларидан биридир. Бинобарин, баланд овоз билан зулмга, малай тоғут ҳукмдорларга ва улар бажараётган мустамлакачилик сиёсатига қарши гапириш «тартибсизлик ва бузғунчилик» эмас. Бунинг «тартибсизлик» эканини изоҳлашга ҳеч қандай сабаб йўқ. Бироқ ҳисоб сўраш, албатта, Аллоҳ ва Росулининг амру фармонларига мувофиқ амалга оширилиши керак. Ана шунда бу нарса ҳозирги мавжуд тузум ва ҳукмдорларнинг ағдарилишига ва уларнинг ўрнига рошид Халифаликнинг барпо этилишига сабаб бўлади. Ҳозирги ҳукмрон тузум, одамларнинг нафратини ҳозирги режимдан Мушарраф, Зардорий, Навози Шариф, Башар Асад, Қаззофий, Ибн Али каби шахсларга қаратиш орқали мавжуд режимга қуллик қилинишини таъминламоқда. Бинобарин, ҳукмрон гуруҳ ҳукмдорнинг фақат башарасини алмаштириб қўйиш орқали халқ ғазабини босишга уринмоқда. Башараларни ўзгартириш бевосита ғарблик хўжайинлар назорати остида бўляпти. Бунинг оқибати ўлароқ, одамлар маълум вақт ўтгандан сўнг янги ҳукмдорга ҳам қарши чиқишяпти ва шу тарзда самарасиз ҳаракат давом этмоқда.
Учинчи: Ливиядан Судангача, Ямандан Ироққача мусулмон юртларида давом этаётган хаос-тартибсизликнинг жавобгари Уммат эмас, балки куч-қудрат эгаларининг муваффақиятсизлигидир. Куч-қудрат эгалари Уммат ишларини Қуръон ва Пайғамбар ﷺнинг суннатлари асосида бошқариш учун мустамлака миллий-давлат тизимини, Ғарбнинг либерал тизимини ва малай ҳукмдорларни ағдариш ўрнига, тоғут ҳукмдорлар томонида туришибди ёки шармандаларча сукут қилишяпти! Куч-қудрат эгаларининг бу ҳаракатсизлиги малай ҳукмдорларга халқни бостириш ва зулм қилиш учун чексиз имконият яратди. Уларнинг айни шу ҳаракатсизлиги тартибсизликни келтириб чиқармоқда. Агар куч-қудрат эгалари ҳукмдорларни ағдариш ва Исломни қайта ҳокимиятга олиб чиқиш учун ўз Умматлари тарафида турганларида эди, ҳеч қандай тартибсизлик бўлмас эди. Куч-қудрат масъулият демакдир. Нусрат-ёрдам беришга қодир бўлганлар бу кучдан фақат Ислом ва мусулмонлар манфаати учун фойдаланишлари керак! Бироқ бу ёқда Уммат ҳамма нарсасини қурбон бераётган, молу жонини фидо этаётган бир пайтда, қуролли кучлар қўл қовуштириб турди, масъулиятини эътиборсиз қолдирди ва ҳукмдорларнинг чўпчакларини қўллаб-қувватлади. Уммат ҳар доим қурбонликларга тайёр бўлган. Куч-қудрат аҳли уни ёрдамсиз қолдиргач, бу нарса миллионлаб мусулмоннинг шаҳид бўлишига олиб келди.
Шунинг учун қуролли кучлардан ким мусулмон юртларини хаос-тартибсизликлардан қутқариб, ҳақиқий ўзгаришларга олиб келмоқчи бўлса, Ҳизб ут-Таҳрирга нусрат бермоғи даркор. Мадинаи Мунавварада давлат барпо этилганда бўлгани каби кенг қамровли ўзгаришларга тартибсизлик, қон тўкилиши ва фитнага сабаб бўлмасдан эришишнинг ягона йўли мана шудир. Росулуллоҳ ﷺ марҳамат қилганлар:
«ثُمَّ تَكُونُ مُلْكاً جَبْرِيَّةً فَتَكُونُ مَا شَاءَ اللهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةً عَلَى مِنْهَاجِ النُّبُوَّةِ»
«Сўнг золим—зўравон подшоҳлик бўлади ва у Аллоҳ хоҳлаганча давом этади. Сўнг Аллоҳ Ўзи хоҳлаганда уни кўтаради. Сўнг пайғамбарлик минҳожи асосидаги Халифалик бўлади». (Муснади Аҳмад).
Ҳизб ут-Таҳрирнинг Покистондаги матбуот бўлими
