Уларнинг ягона айблари “Роббим Аллоҳ” деган сўз эди холос!
بسم الله الرحمن الرحيم
Уларнинг ягона айблари “Роббим Аллоҳ” деган сўз эди холос!
Иймон неъматига муяссар этган Аллоҳга ҳамду-санолар бўлсин! Шериксиз бўлган Аллоҳдан ўзга ҳақ илоҳ йўқлигига ҳамда Муҳаммад соллаллоҳу алайҳи васаллам Аллоҳнинг бандаси ва элчиси эканлигига гувоҳлик бераман! Пайғамбаримизга ва унинг аҳли-оиласига ҳамда асҳобларига Аллоҳнинг кўпдан кўп салот ва саломлари бўлсин!
Бугунги кунда бутун дунёга очиқ кўз билан назар солган киши аксар мусулмонлар яшаётган диёрларда уруш оловлари ёқилган, аёллар ёш гўдакларидан ажраб қолаётган, изғиринли қиш ойлари яқинлашаётганига қарамай, вайронагарчиликлар туфайли яшаётган уйларидан айрилаётган ёки тинчлик юрти дея жар солинаётган диёрларда эса қамоқхоналар муслиму-муслималар билан тўлдирилаётганлиги каби адолатсизликларга тўлиб тошаётганини гувоҳи бўлиши мумкин. Ҳар қандай ақли расо бўлган инсонда табиий савол туғилади, бу ишларнинг асл сабаби нимада? Нега беозор оналар, мурғак гўдаклар, ёши бир жойга бориб қолган қария ота-оналар бундай ташвишли кунларни бошларидан ўтказмоқдалар? Уларнинг жиноятлари, айблари нимада? Нега улар ўзлари хоҳлаганидек яшашга имконлари йўқ? Нега? Нега? Нега?
Аллоҳ Субҳанаҳу ва Таъоло ўзининг китобида ушбу сизу-бизларни қийнаётган саволларнинг сабабини баён қилди-ки, мана шу сабаб ила кофирлар мусулмонларга қарши жанг қиладилар, азоб-уқубатлар берадилар, дарғазаб бўладилар, зиндонбанд қиладилар ҳамда уларга қарши қўшин тўплайдилар. Бундан мурод эса, одамларни ҳақ йўлдан – ягона Аллоҳга ибодат қилишдан тўсишдур. Бу ҳақда Аллоҳ Таъоло ўз каломида шундай дейди:
وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ
“Улар (мўминлардан) фақат у (мўмин)лар қудрат ва мақтов эгаси бўлган Аллоҳга — осмонлар ва ернинг подшоҳлиги Ўзиники бўлган зотга иймон келтирганлари учунгина ўч олдилар! Аллоҳ барча нарсага гувоҳдир!” (Буруж. 8-9)
Ҳа, Роббимиз айтганидек куфр йўлини тутган кимсалар, ҳақни эшитган чоғда юраклари сиқилади, сабр косаси тўлади, шайтонлари эса ушбу арзимас дунёни чиройли кўрсатиб, барча мол-дунёсини, илмини, бор куч-қувватини шу дунёсини сақлаб қолишга ундайди. Бу кимсалар гўёки, мусулмонларни ер юзидан супуриб ташлаш учун макр қиладилар. Аллоҳ Таъоло уларнинг қилмишларидан ўз Росулини огоҳ этиб, шундай дейди:
وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ ۚ وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ
“(Эй Муҳаммад), кофирлар сизни ҳибс қилиш ё ўлдириш, ёки (Маккадан) чиқариб юбориш учун сизга макр қилган пайтларини эсланг! Улар макр қилурлар, Аллоҳ ҳам «макр» қилур. Аллоҳ «маккор»роқдир.” (Анфол. 30)
وَلَنْ تَرْضَىٰ عَنْكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ ۗ قُلْ إِنَّ هُدَى اللَّهِ هُوَ الْهُدَىٰ ۗ وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ ۙ مَا لَكَ مِنَ اللَّهِ مِنْ وَلِيٍّ وَلَا نَصِيرٍ
“Яҳудий ва насронийлар уларнинг динига кирмагунингизча ҳаргиз сиздан рози бўлмайдилар. Айтинг: «Аллоҳнинг йўлигина ҳақиқий йўлдир». Қасамки, агар сизга қелган ҳақиқий билимдан кейин уларнинг нафс-ҳаволарига эргашсангиз, Аллоҳ тарафидан сизга на бир дўст ва на бир ёрдам бергувчи бўлмайди.” (Бақара. 120)
Ўз ҳаёт йўлини Ислом асосига қураётган диндош дўстим, мана сизга кофирларнинг мусулмонлар билан бирга тинчлик-омонликда яшашликка ҳеч қачон рози бўлмаслигини асл сабаби. Шуни алоҳида ёдда тутингки, мен ибодат қилсам, итоатдан четлашмасам, Роббимни барча нарсадан яхши кўрсамда, нега мусибат келди экан деб ўзингизни шубҳага солманг. Чунки, агар бирор кимса ўзининг хулқи, ақли, фазилати билан кофирларнинг ҳийла-найранглари-ю зулму-ситамларидан омонда бўлганда, аввало Аллоҳнинг пайғамбарлари омонда бўларди. Чунки улар одамларнинг ичида энг гўзал хулқлисидирлар, одамлар ичидан сараланиб олинганларидир. Улар қайси йўлдан юриш кераклигини жуда яхши англаганлар.
Эй Роббим! Ислом ва мусулмонларнинг душманларини қалби ҳам одамзотнинг қалбими ё тошга айланган бир парча гўштми? Кофирларнинг қалбларидан юзага чиқиб келаётган адоватлар, мана шу ваҳшиёна ҳаракатлар шу кунларда ҳар қачонгидан кўра шиддатли паллага кириб бормоқдаки, мусулмонлар ўз юртларидан қувғин қилинмоқда, асирга олинмоқда, уларга таҳдид солинмоқда, уларни ушлаб берганларга катта мукофотлар ваъда берилмоқда, улар қатл қилинмоқда ва ҳоказо. Буларнинг сабаби фақатгина Ҳамид ва Азиз бўлган Аллоҳга ибодат қилиб, Муҳаммад соллоллоҳу алайҳи васалламга эргашганларидир. Ҳамда Аллоҳдан ўзгаларга ибодат қилмай, уларнинг низомларини, куфр конституцияларини инкор қилинганлигидир. Бир сўз билан айтсак, уларнинг ягона айблари “Роббим Аллоҳ” деганларидир!
Ушбу мусибатлар сўнгидан мўминларга севинчли хушхабар бериб, Аллоҳ Таъоло ўз каломида шундай дейди:
أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمْ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلاَ إِنَّ نَصْرَ اللَّهِ قَرِيبٌ
“Ёки (эй мўминлар) сизлардан илгари ўтган зотлар мисоли — ибрати сизларга келмай туриб жаннатга киришни ўйладингизми? Уларга бало ва мусибатлар (устма-уст) келиб, шундай ларзага тушган эдиларки, хатто пайғамбар ва иймонли кишилар: «Ахир қачон Аллоҳнинг ёрдами келади?» дейишган эди. Шунда (уларга бундай жавоб бўлган эди): «Огоҳ бўлингизким, Аллоҳнинг ёрдами яқиндир” (Бақара. 214)
Ҳизб ут-Таҳрирнинг Ўзбекистондаги медиа офиси Зайниддин
12.11.2015й.
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми