Варроқ ороли: Режим душманга айланган пайт!
Матбуот баёноти
Варроқ ороли: Режим душманга айланган пайт!
Қайта-қайта такрорланаётган бир манзарада, Мисрдаги золим режим фақат сиёсатчилар ва исломий мафкура соҳибларини қамоққа ташлаш билан чекланмай, балки унинг мустабидлик лойиҳасига қарши чиққан ҳар бир кишини қамоққа отмоқда. Ваҳоланки, унинг бу лойиҳалари бузуқ капитализм манфаатларига ва гегемонлик режасига хизмат қиляпти. Варроқ ороли ҳодисалари полиция билан орол аҳолиси ўртасидаги оддий тўқнашув эмас. Балки бу Миср ва исломий юртларда содир бўлаётган ҳодисаларнинг кичик бир кўринишидир. Бу юртлардаги ҳукмрон режимлар ўз халқларини ҳимоя қилиш ўрнига уларни сиқувга олиш қуролига айланмоқда.
Хўш, Варроқ оролида нима бўляпти?
Варроқ ороли, Нил дарёсида жойлашган кичик бир ҳудуд. У Миср режими билан Варроқ аҳли ўртасидаги кураш майдонига айланиб қолди. Мажбурий кўчириш Варроқ аҳлини бир неча йилдан бери нишонга олиб келяпти. Улар кўчишдан бош тортишмоқда. Миср режими йирик сармоядорлик лойиҳаси фойдасига оролни бўшатиб бермоқчи. Лойиҳа фойдаси режимга алоқадор ишбилармонлар ва кўчмас мулк компаниялари дохил бир сиқим бенефициарлар чўнтагига тушади. Орол аҳолиси эса номаълум тақдирга улоқтирилади, на қониқтирадиган пул оладилар, на адолатли муқобил ер.
Воқелик қисқача бундай:
Орол бўғиб ташлайдиган даражада қамалга олинган, асосий эҳтиёж молларининг кириши тақиқланган;
Орол аҳолисидан камида 12 киши қамоққа олинган, айблари ўз уйларини тарк этишдан бош тортганликлари;
Полиция ҳаддан ташқари куч қўллаш билан ўз халқига нисбатан зулм машинасига айланди;
Мажбурий кўчириш сиёсати қурбонларига айланишни истамаган Варроқ аҳли қаҳрамонларча собит турибди.
Мажбурий кўчириш шаръан ҳам, қонунан ҳам жиноят. Ислом ушбу оролга ўз эгаларининг мулки, уни куч билан босиб олиш ёки ноҳақ тортиб олиш ножоиз, деб қарайди. Росулуллоҳ ﷺ марҳамат қилганлар:
«مَنْ أَخَذَ شِبْراً مِنْ الْأَرْضِ ظُلْماً فَإِنَّهُ يُطَوَّقُهُ يَوْمَ الْقِيَامَةِ مِنْ سَبْعِ أَرَضِينَ»
«Ким бир қарич ерни зулм билан олса, қиёмат куни унинг миқдори етти қават ердан унинг бўйнига бўйинбоғ қилинади». Миср режимнинг оролга нисбатан қилмишлари инсонлар ҳаққига очиқ тажовуз ҳамда Ислом аҳкомларини очиқ бузишдир. У қуйидаги қилмишларни содир этяпти:
1 –Одамларнинг ерини босиб олиб, уларни ерни тарк этишга қурол ёрдамида мажбурлаяпти.
2 –Яхши яшашдек қонуний ҳуқуқларидан маҳрум қилиб, адолатли муқобил уй билан таъминламасдан кўчага ҳайдаяпти.
3 –Ҳимоя қилиниши керак бўлганларга қарши репрессив куч ишлатяпти, бу билан ўз халқига душман давлатга айланяпти.
Буларнинг барчаси шаръан ҳаром ва улкан жиноятдир. Чунки Ислом ҳукмдорга халқ манфаатларини ғамхўрлик билан таъминлашни буюрган, вайрон қилишни эмас!
Варроқ аҳлини кўчириш кимнинг фойдасига бўляпти?
Режим «оролни ривожлантириб, уни туристик ёки сармоя ҳудудга айлантирамиз», деган оқловлар келтиряпти. Аммо бу тил бириктирувни яширишдан бошқа нарса эмас. Чунки аслида оролни эвакуация қилиб, уни инвестиция компанияларига ва нуфузли тадбиркорларга беришмоқчи. Бу компания ва тадбиркорлар билан ҳукумат ва режим ўртасида эса мустаҳкам алоқа бор.
Бу биринчи марта бўлаётгани йўқ, Мисрда бошқа жойларда ҳам бу каби операциялар кузатилган. Жумладан:
- Терроризмга қарши кураш ниқоби остида Синайни эвакуация қилиш. Бироқ бундан асл мақсад яҳудий хавфсизлигига оид режа асосида минтақани аҳолидан бўшатиш бўлган.
- Кўп миллиард долларлик кўчмас мулк лойиҳалари учун Қоҳирадаги айрим маҳалларни эвакуация қилиш. Бундан асло одамлар фойда кўрмайди, аксинча, уни ҳукмрон синф билан нуфуз эгалари монополия қилишмоқда.
- Миср аҳолиси орасида қашшоқлик ва уларни менсимаслик тобора ортиб бораётган бир пайтда, давлат активлари сотилиб, ресурслари хусусийлаштирилди ва улар ажнабийларга сариқ чақага бериб юборилди.
Демак, Варроқ оролида ривожлантириш эмас, билъакс, куч билан босиб олиш иши кетяпти. Яъни бу мусулмон ўлкаларидаги мавжуд малай режимлар томонидан систематик равишда олиб борилаётган ва мустамлакачилар билан уларнинг қўғирчоқлари манфаатигагина хизмат қилаётган оч қўйиш ва зулм қилиш сиёсатининг бир қисмидир.
Аслида, армия билан полиция тоғутлар қўлидаги репрессия машинаси эмас, балки халқнинг мудофааси бўлиши керак эди! Лекин Мисрдаги воқеликда – бошқа исломий юртлардаги каби – бу аппаратлар халқ ва унинг ҳақ-ҳуқуқларининг посбони бўлиш ўрнига, коррупциячи режим ва манфаатларининг хизматкорига айланиб қолган!
Нега Миср армияси Варроқ аҳлини бостириш учун ҳаракатга келгани каби уларни ҳимоя қилиш учун ҳаракатга келмади?!
Нега қуролли кучлар Умматнинг асл душмани бўлмиш яҳудий вужудига қарши эмас, Миср фарзандларига қарши йўналтирилди?!
Армия ва хавфсизлик хизматининг ўз мажбуриятларидан бундай оғиши режим коррупцияси кўринишларидан биридир. Бу эса айни режимларнинг Умматга мансуб эмасликларига, аксинча, унга қарши эканлигига яққол далилдир!
Ислом ўз халқига зулм қиладиган ва ерларини босиб оладиган кимсани ҳукмдор деб тан олмайди. Аксинча, уни Умматга хиёнат қилган, ҳокимиятини босиб олиб, ўз қонунийлигини йўқотган кимса деб ҳисоблайди. Зеро, Набий ﷺ
«أَفْضَلُ الْجِهَادِ كَلِمَةُ حَقٍّ عِنْدَ سُلْطَانٍ جَائِرٍ»
«Жиҳоднинг афзали золим ҳукмдор олдида айтилган ҳақ сўздир», деганлар. Мудом бугун Мисрдаги ҳукмрон режим сиёсатида мана шу зулмларнинг барчаси мавжуд бўлиб, у хавфсизлик кучларидан бир сиқим коррупциячилар манфаатини қўриқлашда фойдаланаётган экан, демак, уни йўқ қилиб, ўрнига исломий ҳақиқий ҳокимиятни ўрнатиш Миср аҳлининг вазифасидир. Шундай ҳокимиятгина уларнинг ҳуқуқларини ҳимоя қилади ва Ислом адолати асосида ҳукм юритади.
Ечим шикоят-аризалар тақдим этишда ҳам, режимдан раҳм-шафқат кутишда ҳам эмас. Балки ечим туб ўзгариш сари ҳаракатга келиб, коррупцияга ботган бундай режимни илдизи билан қўпориб ташлашдан иборат. Бунинг учун қуйидагиларни амалга ошириш лозим:
1 –Воқеликка таслим бўлишни бас қилиб, айни жиноятларга барча қонуний воситалар ёрдамида қарши курашмоқ керак.
2 –Муаммо фақат Варроқ оролида эмас, балки бутун ўлкани талаш ва еб-битириш тушунчаси асосида бошқараётган режимда эканини англамоқ лозим.
3 –Айни азоб-уқубатларга чек қўядиган ҳамда Аллоҳ нозил қилган аҳкомлар билан ҳукм юритиб, халқ ҳуқуқларини ҳимоя қиладиган ва ўрталарида адолат ўрнатадиган Ислом бошқарувини барпо этишга даъват қилиш лозим.
4 –Армия билан хавфсизлик аппаратини тоғут ва жинояткорларга хизмат қилиш ўрнига Уммат сафига ўтиш сари ҳаракатга келишга чақириш керак.
Варроқ оролида бўлаётган ҳодисалар нафақат Миср аҳлига, балки бутун Умматга қарши жиноятларнинг давомидир. Ўз халқини кўчириб чиқариб, бостираётган айнан шу режим яҳудий вужудига қарши жиҳоддан уни тўсмоқда ва Ғарб фойдасига қашшоқлаштириш ва оч қўйиш сиёсатини татбиқ қилмоқда.
Эй Миср аҳли!
Зулм ва золимларга сукут қилманг, хорликка рози бўлманг, динингиз, тупроғингиз ва ҳурмат-иззатингиз учун курашинг.
﴿إِنَّ ٱللَّهَ لَا يُغَيِّرُ مَا بِقَوۡمٍ حَتَّىٰ يُغَيِّرُواْ مَا بِأَنفُسِهِمۡ﴾
«Аниқки, то бирон қавм ўзларини ўзгартирмагунларича Аллоҳ уларнинг аҳволини ўзгартирмас» [Роъд 11]
Ҳизб ут-Таҳрирнинг Миср вилоятидаги матбуот бўлими
