“Зиндон хотиралари” туркумидан

Халифалик давлатини тилларингизга жойлаган Аллоҳга ҳамдлар бўлсин!

بسم الله الرحمن الرحيم

Зонадаги ёзги клуб биродарлар билан тўлган. Саҳнадаги узун стол ва стулларга оқ чойшаб ёпилиб, гуллар қўйилган. Демак, яна кимлардир келади. Бошлиқнинг ўзи югурганига қараганда, келадиганлар анча тепароқдан экани маълум. Оперлар ҳар доимгидай савол-жавоб ва маддоҳлик учун у-бу кимларни саралаб, янги сценарий чизиб бермоқ билан овора. Рўйхатни режим бошлиғига бераркан:

– Манавилардан бошқа ҳеч ким сўзга чиқмасин, – деб тайинлади. Режим бошлиғи рўйхатдагиларни орамиздан ажратиб, кийимларини бошдан оёқ янгисига алмаштирди. Ва гапирадиган суҳбатини режиссёрлардек қайта-қайта эшитиб кўрди.

Бироздан кейин узун-қисқа, ориқ-семиз бўлиб чопон-саллали ва соқолли-ю бесоқоллар келиб стулларни банд қилишди. Биринчи сўз берилган қори домла ёдлаб келган панду насиҳатлар ва юртимиздаги диний эркинликлар ва шундай шароитларга шукр қилмаган “нонкўрлар” ҳақида куюниб гапирди. Кейин маҳкумлар билан савол-жавоблар бошланди. Ҳар галгидек рўйхатдаги “пахтачилар” чоплаб, суваб, ямаб чатий бошладилар:

– Сизлар туфайли кўзим очилди, – деб аталган қўшиғини сайрадилар. Лекин бу сафар уларни кутилмаганда меҳмонлардан бири саволга тутди:

– Сиз қанақа оқим?

– Мен, мен, ҳеч қанақа оқимданмасман!

– Ичларингда қайтмаганлардан борми?

Домланинг бу саволига режим бошлиғи:

– …йўқ, қори ака булар тузалиш йўлига ўтганлар, – дея шоша-пиша жавоб берди. Қори домла залга назар ташларкан, бошлиққа қараб:

– Ҳалиям йўлим тўғри, дейдиганидан чақирингчи, бииир гаплашайлик, – деди.

Кутилмаган талаб бошлиғу “бошсиз” ходимларни довдиратиб қўйди. Зал бўйлаб қараб чамалай бошладилар. Аллоҳнинг иродаси билан кескир ва ўткир сўзлари билан танилган бир биродаримизни ўзлари билмаган ҳолда танлаб чақиришди. Қори домла биродаримизга бошдан оёқ беписанд термулиб савол берди:

– Қани айтингчи бизга, “қачон Халифалик давлати қуриларкин” деб қамоқдан чиқмай ўтираверасизми энди? Ахир, каллани ишлатиб ўйласез бўлмейдими, хомхаёлни кўтариб қуруққа чопиб юровирмасдан? Қўлларингдан нима келди, нимани ўзгартиролдиларинг?

– Халқимиз тилидан анча нари кетган Халифалик сўзини уларга қайтардик, Аллоҳга беадад ҳамдлар бўлсин! Ва қори ака менда заррача шубҳа йўқки, Халифлик давлати деган иборани сизнинг  тилингизга жойлаган Аллоҳ ҳақ йўлга тўғаноқ бўлган золимлар бўйнига Унинг адолат қиличини  олиб келишга ҳам Қодирдир. Бор гапни айтсам, мен бу каллани ишлатганим учун шу ердаман, ишлатмаганлар эса, золим тузум хизматида хўлу қуруққа қарамай масжидининг меҳробини унутиб, зонама-зона чопиб “каллангни ишлат” деб юришибди, – деб жавоб берди ҳалиги биродар.

Бу гаплардан таъсирланган домладан сиполик кетди. Ранги ўзгарди ва сўзлаш одобини четга улоқтириб:

– Ким бу, исми фамилиясини менга беринг? – деб ўзига ярашмаган тарзда қалтирай бошлади. Биродар эса, ажойиб бир табассум билан ёнаётган оловга гўё ёғ пуркади:

– Тақсир, анави ўзизбоплар билан суҳбат қилиб жимгина кетавермайсизми, нима қилардиз сиёсатчилар ишига аралашиб, –  деб бира тўла қори домлани “портлатиб” қўя қолди. Домла биродарга ғазаб билан қараб баланд овозда “адабсиз” деди.

Зона раҳбарини имоси билан биродаримизни бира тўла клубдан олиб чиқиб кета бошлашди. Залдаги аристонлар ва биродарлардан биродаримизга паст-баланд олқишлар енгил овозларда эшитила бошлади: “Аллоҳу Акбар”, “Ҳақ сўз”, “Алҳамдулиллаҳ”, “Аллоҳим, биродаримиз Ўзингга омонат”, “Хоинларга Ўзинг кифоя қил”…

Залдаги “адабсиз” лардан баъзилари “ҳассенларни калланга…” дея авж пардага чиқа бошлади. Ходимларда саросима бошланди,  тузатилган стол ортидаги анави ориқ-семиз меҳмонлар қўзғолиб, бир-бирларидан ўзиб, ўрдак юриш қилиб чиқиб кетишди. Бу ҳам Аллоҳ Таолонинг мана бу илоҳий ваъдасини яна бир тасдиғи эди:

يُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآخِرَةِ ۖ وَيُضِلُّ اللَّهُ الظَّالِمِينَ ۚ وَيَفْعَلُ اللَّهُ مَا يَشَاءُ 

– “Аллоҳ иймон келтирган кишиларни ҳаёти дунёда ҳам, охиратда ҳам устивор Сўз (иймон калимаси) билан собитқадам қилур. Золимларни эса Аллоҳ (ҳақ) йўлдан оздирур. Аллоҳ Ўзи хоҳлаган ишни қилур”.                (Иброҳим:27)

(Кеча ўша “адабсиз”нинг зонадан чиққанини эшитиб, зиёратига бориб эслашганларимиз – ўша хотиралардан)

Ҳизб ут-Таҳрир Ўзбекистон матбуот бўлими аъзоси Зайниддин

03.07.2023й