Ёш авлодга янги йилни “байрам” сифатида сингдириш унинг ақли ва қалбини ҳаромга ўргатиб боришдир

بِسْمِ اللهِ الرَّحْمٰنِ الرَّحِيم

Хабар: Қандолат маҳсулотлари ишлаб чиқарувчи Туркиянинг “BISCOLATA” савдо белгиси Тошкент шаҳрининг туман секторлари билан ҳамкорликда анъанавий равишда ҳар йили ташкил этиладиган Меҳрибонлик уйларидан бирининг тарбияланувчиларини байрам билан табриклади.

Бу йил 29 декабрь куни Яшнобод туманидаги 30-сонли Ёрдамчи меҳрибонлик уйи тарбияланувчилари учун байрам табриги хайрия акцияси тадбири ўтказилди. Ташкилотчилар болажонларни самимий табриклаб, мустаҳкам соғлиқ ва келгуси йилга муваффақиятлар тиладилар, шунингдек, уларга “BISCOLATA” савдо белгисидан ширинликларга тўла совғаларни топширдилар. (kun.uz, 30.12.2021й)

Изоҳ: Дунёда тарбияланадиган ва парваришланадиган нарса борки, уларнинг нав-ниҳол пайти тарбия учун энг қулай ва энг самарали давр ҳисобланади. Чунки гўдаклик софлик пайти бўлиб, унга нима таълим берилса уни мустаҳкам қабул қилади. Юқорида хабари берилган ҳодиса ҳам оддий саналган кунни шодиёнага айлантириш орқали ёш авлодда янги йил байрами шукуҳини пайдо қилиш мақсад қилинган. Чунки ҳар тарафга қувноқ ёғдули чироқлар илиниб, янги йилнинг ранг-баранг чамбарлари ва бежирим совғалари туҳфа қилиниши ёшлар хотирасида абадий муҳрланиб қолади. Улар улғайганларидан кейин ҳам ўша ҳислар билан яшайди.

Айримлар гўдакларнинг янги йил нишонлашида ҳеч қандай хатар ва гуноҳ йўқ, дейишади. Бироқ шу нарса маълумки, гўдаклар 6 ойлик бўлганларида уларнинг хотира тизимида ривожланиш бошланади. Шу пайтдан инсонларни ва ҳодисаларни фарқига бора бошлайди. Боғча ва мактаб тарбияланувчиларига байрам тадбирларида иштирок этишни мажбурий қилиб қўйилиши ҳам мафкуравий дастурдир. Чунки бу машғулот ва кўникмалар болаларнинг ақли ва қалбини эгаллайди. Болаликдаги ҳислар ва тушунчалар улар тўғри ёки нотўғрилигидан қатъий назар ҳақдек туюлаверади.

Янги йил байрами ва унга алоқадор ишлар куфр ва ширк бўлиб, мусулмонларнинг эътиқодига тамоман зиддир. Расулуллоҳ ﷺ айтадилар: “Ким ўзини бирон қавмга ўхшатса, бас, у ўшалардандир”. (Имом Аҳмад ривояти)

Гўдаклар ва меҳрибонлик уйининг бошқа тарбияланувчилари фойда ва зарарни ўзлари кўра олмагани учун уларга сохта табассум билан тақдим қилинаётган моддий ва маънавий озуқаларни беғараз туҳфалар сифатида қабул қилишмоқда. Бундай ғайриисломий урфларга давлат ва унинг диний идораси тарғиб қилаётган бўлса-да, мусулмонлар унга қарши туришлари керак. Токи ҳақ ойдинлашсин. Авлодларимиз қорбободан эмас, Аллоҳдан дунё ва охирати учун неъматлар сўрайдиган бўлишсин. Арчани эмас, Каъбатуллоҳни айланиб дуо ва илтижолар қиладиган бўлишсин. Исломимизни ўрганиб унга амал қилайлик, акс ҳолда бошқалар фарзандларимиз онгги ва шуурини бузуқ фикрлар ва хурофотлар билан тўлдиришади.

Абу Ҳурайра р.а.дан ривоят қилинишича, Набий ﷺ шундай деганлар: “Ҳар бир туғилган бола фақат фитрат (соф табиат) ила туғилади. Бас, ота‑онаси уни яҳудий ёки насроний ёки мажусий қилади. Бу худди ҳайвоннинг бус-бутун ҳайвон туғишига ўхшайди. Сиз унда қулоқ-бурни кесилганини ҳис қилганмисиз?”

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

03.01.2022й