Эпштейн ҳужжатлари ва Ғарб ҳазоратининг қулаши
بِسْمِ اللهِ الرَّحْمٰنِ الرَّحِيمِ
Эпштейн ҳужжатлари ва Ғарб ҳазоратининг қулаши
Устоз Аҳмад Хутвоний
АҚШ Конгресси АҚШ ҳукуматини, жумладан адлия вазирлигини ҳам, Эпштейн ишига доир айрим ҳужжатларни ошкор қилишга мажбур этди. Бу эса XXI асрда Ғарб давлатлари гувоҳ бўлаётган энг йирик ҳазорий шармандаликдир.
Бу воқеа шунчаки бирор президент, раҳбар ёки мансабдорга тааллуқли – Уотергейт ёки «Эрон-Контрас» можаролари каби – тор доирадаги шахсий-сиёсий можаро эмас. Аксинча, у ижтимоий, сиёсий, ахлоқий ва қийматларга оид умумий шармандаликдир.
Инсон ҳуқуқлари, хотин-қизлар ва болалар ҳуқуқларини ҳимоя қилишни узоқ йиллар давомида даъво қилиб келган Ғарбнинг сохталиги мазкур шов-шувли можаро орқали фош бўлди. Бу воқеа унинг инсонга нисбатан ҳайвоний ва тубан ҳазорий қарашини очиқ кўрсатиб берди.
Ғарб инсонга ҳис-туйғу ва ахлоқдан маҳрум, жонсиз бир модда сифатида қарайди. Шу боис, бир гуруҳ бузуқлар, оғишганлар ва садистларга хизмат қилиш йўлида инсон устида ҳайвоний тажрибалар ўтказади. Ғарб аёл кишига қора қул бозорларида ва телбаларча жинсий бузуқлик инларида сотиладиган, сотиб олинадиган арзон товар сифатида қарайди. Болани эса фақат ундан «адренохром» деб аталувчи моддани ажратиб олиш учун ваҳшийларча азоб бериш ва бу азобдан лаззатланиш манбаи сифатида кўради. Уларнинг даъволарига кўра, мазкур модда фоний ва кекса вужудларига доимий ёшлик қувватини бахш этар, ҳатто дунёвий абадиятга яқинлаштирувчи боқий ҳаёт эликсири вазифасини ўтармиш.
Ушбу ёппа шармандалик жиноятида Трамп ва Клинтон каби президентлар, Британия, Швеция ва Норвегиядан айрим шаҳзодалар ва маликалар, Билл Гейтс ва Илон Маск каби миллиардерлар, Стивен Хокинг каби олимлар, шунингдек, турли мамлакатлардан келган сиёсатчилар, актёрлар, қўшиқчилар, олимлар, тадбиркорлар ва бошқа машҳур шахслар иштирок этган.
Булар Ғарбнинг энг юқори элитаси ҳисобланган кимсалардир. Улар ўз шаҳват ва залолатларига асир бўлиб, Жеффри Эпштейннинг «шайтон ороли»га ўз ихтиёри билан ошиқдилар. Улар ўз инсонийлиги ва фитратини сотиб, эвазига «роҳат» ва «бахт» деб ўйлашган нарсани сотиб олишди. Оқибатда энг жирканч фаҳш ишларга ва ҳалокатли гуноҳларга қўл уриб, оғир жиноят ва маъсиятларни содир этдилар.
Бу шармандаликлар фақат номусни поймол қилиш, вояга етмаган қизларни сотиш, болаларни қийнаш ва ўлдириш, уларнинг беғуборлигини йўқ қилиш билан чекланиб қолмади. Аксинча, у адолат ва адлия тизимини вайрон қилиш, судлар ва қонунларни фасодга ботириш, шунингдек, мазкур жиноятларни чорак асрдан зиёд вақт мобайнида турли ҳийла-найранг ва шубҳали ҳуқуқий келишувлар орқали яшириб келишни ҳам ўз ичига олди.
Америка давлати ўзининг барча идоралари ва партиялари билан бирга мазкур жирканч жиноятларга доир аниқ ҳақиқатларни яширишга, шунингдек, унга аралашганларни ҳар қандай йўл билан оқлашга уриниб келди ва бу уринишлар ҳануз давом этмоқда. Ушбу шармандалик ва унинг ортидаги жиноятлар 2005 йилдаёқ фош бўлган эди. Бироқ шундан кейин Жеффри Эпштейн билан тузилган шубҳали «қонуний» келишувлар орқали бости-бости қилиб келинди. Ниҳоят, 2019 йилда можаро илк бор портлаб, Эпштейн ҳибсга олинди. Ортидан эса можарони Эпштейннинг ўлими билан бутунлай ёпиш ва ундан қутулиш мақсадида у қамоқхона ичида ўлдирилди. Бироқ можаро ўзининг кўп қиррали оқибатлари сабабли қайтадан алангаланди. Натижада Америка ҳукумати жамоатчилик босими остида жами олти миллион ҳужжатнинг бир қисмини эълон қилишга мажбур бўлди. Ҳозирга қадар уч миллион ҳужжатнинг оммавий ахборот воситаларида эълон қилинишига рухсат берилди. Аммо ошкор қилинишига рухсат берилган ушбу ҳужжатларнинг чорак миллиони асл жиноятчиларни яшириш мақсадида пуч хавфсизлик баҳоналари билан тўсиб қўйилди.
Шармандаликнинг кўлами шунчалик улкан бўлишига қарамай, бу ишда ҳануз бирорта ҳам айбланувчи йўқ. Сабаби, унга алоқадор шахслар ҳали-ҳамон кенг ваколатларга эга бўлиб, ушбу ваколатлари воситасида қонунларни четлаб ўтиш, ўзларини айбдор қилувчи ҳужжатларнинг ошкор этилишига тўсқинлик қилиш ҳамда жамоатчиликни ҳақиқатдан чалғитиш мақсадида улкан ҳажмдаги ҳужжатларни тарқатиш имкониятига эгадирлар. Аслида, мана шу ҳолатнинг ўзи ҳам алоҳида бир шармандаликдир. У Америкада судлар, адлия тизими, оммавий ахборот воситалари ва ҳукуматнинг фасодга ботганини очиқ тасдиқлайди ҳамда «суд мустақиллиги» ва «ҳокимият тармоқларининг бўлиниши» ҳақидаги даъволарнинг пуч эканини намоён қилади.
Трамп Эпштейн ҳужжатлари сабабли айбдор деб топилган тақдирда, сиёсатчиларни, суд тизими ва медиа вакилларини ўтмишдаги шармандаликлар ҳамда уларнинг «қаҳрамонлари»ни фош қилиш билан таҳдид қилди. У агар бирор иш юзасидан судга тортилса, Кеннеди ва Мартин Лютер Кингнинг ўлими, шунингдек, 11 сентябр воқеаларига оид сир-асрорларни ошкор этишга тайёр эканини маълум қилди. Яъни у: «Мен қулаcам, душманларим ҳам мен билан бирга қулайди», деган мазмунда огоҳлантирди. Натижада улар саросимага тушиб, у билан тил бириктириш йўлини танладилар.
Шундай қилиб, миллионлаб ҳужжатлар ошкор этилганига қарамай, бу ҳолат, афтидан, мазкур ишга алоқадор шахсларнинг ҳибсга олинишига олиб келмайдиган кўринади. Чунки улар давлатнинг ҳақиқий ҳукмдорлари саналадиган, мамлакатдаги асосий таъсир доирасига эга нуфузли шахслардир.
Ушбу шармандаликнинг араблар ва мусулмонларга дахлдор бўлган қисми, хусусан, Бирлашган Араб Амирликларида истиқомат қилувчи саудиялик тадбиркор аёл Азиза Аҳмадийнинг Каъбаи Мушаррафа кисвасидан уч бўлакни Жеффри Эпштейнга ҳадя этгани билан боғлиқ ҳолат, унинг энг уятли ва оғриқли жиҳатидир. Қайд этилишича, мазкур бўлаклар Британия самолётлари орқали Саудиядан АҚШнинг Флорида штатида жойлашган Эпштейннинг уйига юборилган.
Бу аёл томонидан содир этилган мазкур иш жирканч, шармандали ва кескин қораланиши лозим бўлган қилмишдир. Бироқ Саудия ва Амирликлар бу масала юзасидан мутлақо чора кўрмади: ҳеч қандай муносабат билдирмади, тергов бошлаш у ёқда турсин, ҳатто расмий изоҳ беришни ҳам лозим топмади. Гўё бу ҳолат оддий ёки рухсат этилган ишдек. Ҳолбуки, ушбу ҳолат бу ҳақда хабардор бўлган миллионлаб мусулмонларнинг ғазабини қўзғатди. Аммо мазкур давлатлар аслида Ислом ва мусулмонларга душман давлатлардир; улар учун мусулмонларнинг туйғулари ҳам, муқаддасотлари ҳам ҳеч қандай аҳамият касб этмайди.
Эпштейн ҳужжатларида унинг кўплаб шармандаликларига қўшимча равишда, разведкага оид яна бир можаро ҳам тилга олинади. У Америка махсус хизматлари ва Моссад билан боғлиқ. Зеро, содир этилган жиноятларнинг барчаси тасвирга олинган, ёзиб олинган ва чоп этилган ҳолда ҳужжатлаштирилган. Маълумотларга кўра, видеолар сони 200 мингтага, суратлар сони 180 мингтага етган, бундан ташқари миллионлаб босма ҳужжатлар ҳам мавжуд. Бу ҳолат фақат бир нарсадан далолат беради: мазкур жиноятлар – асосий мақсади бундай қилмишларнинг олдини олиш ёки жиноятчиларни қўлга олиш эмас, балки унга алоқадор шахсларни шантаж қилишдан иборат бўлган – давлатлар разведка идораларининг тўлиқ хабардорлиги остида содир этилган. Бу эса мазкур идораларнинг талаб этилган сиёсий режаларни ўтказиш учун мусулмон ўлкаларидаги кўплаб сиёсатчиларга нисбатан одатда қўллайдиган услубдир.
Ёзиб олиш, тасвирга тушириш ва жосуслик Ғарб махсус хизматлари мунтазам қўллайдиган одатий амалиётлардир. Улар шу йўл билан хорижий сиёсатчиларни шантаж қилиб, уларни Ғарб давлатлари манфаатларига хизмат қилувчи ёлланма малайларга айлантириб келади.
Ғарбда катта шов-шувга сабаб бўлган мазкур ҳазорий таназзул – яъни XXI асрнинг биринчи чорагида Эпштейн ҳужжатлари орқали фош этилган бу ҳолат – аслида Ғарб ҳазоратининг заволи яқинлашгани ва исломий ҳазоратнинг қайтаётганидан даракдир. Зеро, юзага келган қийматлар бўшлиғини инсон фитрати ва табиатига мувофиқ тарзда тўлдиришга қодир ягона куч исломий ҳазоратдир.
Роя газетасининг 2026 йил 11 феврал, чоршанба кунги 586-сонидан
