Матбуот баёноти

Исломий шариат Исломдан ажралмайди

У келажакка янги йўл очишнинг ягона умидидир

Мусулмонлар Исломни қўллаб-қувватлаяптими?! Бу – Даниядаги кўплаб оммавий ахборот воситалари, сиёсатчилар ва сохта «экспертлар» талқинига кўра, ҳар қандай мезон билан ўлчаганда ҳам ҳақиқий шармандаликдир. Шу боис мазкур ҳолатга қарши «курашиш» учун уни тақиқлашдан тортиб, суд таъқибини қўллаш ва қатъий назорат остига олишгача бўлган турли таклифлар ҳам илгари сурилди.

«Исломий нуқтаи назар» (Det Islamiske Perspektiv) подкастининг қисқа бир лавҳасидаги фош этишга нисбатан кескин реакциялар билдирилди. Мен Ҳизб ут-Таҳрирнинг икки нафар аъзоси билан бирга YouTube ва ижтимоий тармоқлар орқали очиқ намойиш этилган «Сиз шариатни қўллаб-қувватлайсизми?» номли ушбу кўрсатувда иштирок этган эдим.

Бу шов-шув – кўрсатувда таъкидланганидек – жамиятдаги айрим Ислом душманларининг оммавий баҳсларда шариат тушунчасини фақат жисмоний жазолар билан чеклашга уринаётганидан келиб чиқмоқда. Улар шу йўл билан мусулмонларга босим ўтказиб, уларни ўз шариатидан воз кечтиришни кўзламоқда.

Шариат ҳаётни тартибга солувчи исломий аҳкомлар ва қоидалар мажмуидир. У шахсий масалалардан тортиб, ижтимоий муносабатлар, жамият тузилиши, сиёсат, иқтисод ва жиноят кодексигача бўлган барча соҳаларни қамраб олувчи мукаммал ҳаёт низомидир. Бошқача айтганда, шариат Исломнинг ажралмас қисми бўлиб, мусулмонлар уни азалдан тўлиқ қўллаб-қувватлаб келганлар.

Бироқ шариатнинг қамрови бу билан чекланмайди, у кенг ва мукаммал ҳаёт низомидир. Бугун кўз ўнгимизда Ғарб шакллантирган дунё тартиби ўз қийматлари ва сиёсий йўналишлари билан бирга қуламоқда: «демократик ўзини ҳимоя қилиш» ниқоби остида ҳарбий босқинчилик оқланмоқда, геноцид ва этник тозалашлар қўллаб-қувватланмоқда, босқинчи кучлар эса қоралов ўрнига қуроллантирилмоқда. Шу аснода даъво қилинган садоқат ва бирдамлик қуёш остидаги шудрингдек йўқолиб бормоқда, иттифоқчилар эса ҳокимият ва соф капиталистик манфаатлар илинжида бир-бирига қарши чиқмоқда. Ғарбнинг сиёсий, сақофий ва иқтисодий элитасининг юқори табақаси – кутилганидек – коррупция ҳамда тизимли ахлоқий таназзулнинг кенг қамровли ва бузуқ тармоғи сифатида парчаланиб бормоқда… Ана шундай бир замонда ягона ҳақиқий альтернатива – шариат, яъни исломий ҳаёт тизими бўлиб қолмоқда.

Ҳизб ут-Таҳрир мазкур тизимни исломий юртларда халқларнинг исломий эътиқод ва қадриятларига мувофиқ тарзда қайта ўрнатиш, шунингдек, янги ва адолатли раҳбариятни барпо этиш йўлида ҳаракат қилмоқда. Зеро, халқлар шариат раҳматига яна қайтадан мушарраф бўлиши, Ғарбнинг капиталистик мустамлакачилиги ҳамда мутакаббирона сақофий ҳукмронлигидан халос бўлиши лозим.

Геноцидни қўллаб-қувватлаётган «сариқ матбуот»нинг турли кампаниялари ҳам, халқларга таклиф этишга арзийдиган ҳеч қандай реал қадрияти қолмаган ноумид сиёсатчиларнинг таҳдидлари ҳам бизни фаолиятимизни давом эттиришдан тўсиб қўя олмайди. Биз оғир дамлардан чиқиш йўлини қидираётган ҳар бир инсонга Исломнинг ҳаётга нисбатан раҳм-шафқатли қараши ва унинг низомлари ҳақидаги билимни етказишни давом эттирамиз.

Илёс Ламуробит

Ҳизб ут-Таҳрирнинг Даниядаги матбуот вакили

0

0