Чириб бўлган ва жирканч ҳиди ҳамма ёқни булғаб ётгани ҳолида яна демократияга чақиришга уялинг!
Чириб бўлган ва жирканч ҳиди ҳамма ёқни булғаб ётгани ҳолида яна демократияга чақиришга уялинг!
بِسْمِ اللهِ الرَّحْمٰنِ الرَّحِيم
Бугун исломий юртларда ҳам феминистик ҳаракатлар бўй кўрсатиб, ўзларининг бузуқ фикр-тушунчаларини мусулмонларга тиқиштиришга уринаётганларига гувоҳ бўлмоқдамиз. Асосий шиори аёлларни ҳуқуқий жиҳатдан ҳимоя қилиш бўлган ушбу ҳаракатларнинг орамизга суқулиб кириши бежизга эмас албатта. Бироқ бу ҳақидаги мулоҳазамизни кейинроқ давом эттирамиз. Бундан олдин эса, бу ҳаракатларнинг юзага келиш сабабларига тўхталиб ўтиш ушбу масалани яхшироқ тушуниб олишга ёрдам беришини ҳисобга олган ҳолда тарихга эътиборингизни қаратамиз. Тарихий ҳақиқат шуки, ғарб жамиятларида аввалдан аёлга паст назарда қараш, унга нисбатан ахлоқсизларча муносабатда бўлиш, камситиш, таҳқирлаш, жинсий ва жисмоний зўравонлик қилиш одатий ишлардан бўлиб келган. Ҳатто ҳозир ҳам аёлга бундай эътиборда қараш ҳолатлари жуда кўп. Бунга кўплаб статистик маълумотлар гувоҳлик бериб турибди.
Шундай қилиб, ушбу ҳаракатларнинг пайдо бўлишида аёлларга нисбатан зулмнинг ниҳоят даражада кучли бўлганлиги асосий сабаб бўлган. Ғарбнинг капиталистик ақида асосида уйғониши ҳам бунга чек қўя олмади, балки аҳволни янада оғирлаштирди. Чунки капиталистик дунёқарашга кўра, аёлга лаззат олинадиган нарса сифатида қаралади. Ғарб жамиятларида аёлга шу қарашдан келиб чиқиб муомала қилинади. Табиийки, ғарб аёллари бундай таҳқирлашлардан безиб, ўз ҳуқуқларини талаб қилиб чиқишди ва натижада феминистик ҳаракатлар пайдо бўлди. Бу ҳаракатлар аёлларга иқтисодий, сиёсий, шахсий, ижтимоий ҳуқуқлар берилишини, яъни эркаклар билан тенг ҳуқуқли бўлишларини талаб қилиб чиқишди. Гендер тенглик (жинсий тенглик) тушунчасининг юзага келишининг бош сабабчилари ҳам айнан шу ҳаракатлардир. Улар бу мақсадларини амалга ошириш йўлини мавжуд қонун-қоидаларни ислоҳ қилишда, деб ўйлашди. Бошқача қилиб айтганда, ўзлари капиталистик ақида ва ундан келиб чиққан низом қурбонлари бўла туриб, адолатни яна капитализмдан излашди.
Ислом татбиқи йўқ экан, шундай бўлиши табиий ҳолдир. Чунки Исломда аёлга аёл деган эътиборда аёлнинг ҳуқуқ-мажбуриятлари белгилаб қўйилган ва эркакка эркак деган эътиборда эркакнинг ҳуқуқ-мажбуриятлари белгиланган. Исломда жинсий тенглик деган тушунчанинг ўзи йўқ. Юқорида айтилганидек, бу тушунча капиталистик ақиданинг меваси. Аслида аёл ва эркакни бир-бирига тенглаштириш мумкин бўлмаган ишдир. Чунки аёл киши жисмонан ва маънан эркак кишидан фарқ қилади. Шундай экан, қандай қилиб ушбу икки хил табиатли жинсга бир хил ҳуқуқ ва мажбуриятлар белгиланиши мумкин? Аллоҳ Таоло Ўз бандаларининг табиати, феъл-атвори, жисмоний имкониятларини ҳаммадан яхшироқ билгувчи Зот сифатида аёл ва эркакни ўрнини ўзига хос тарзда белгилаб беришигина аёлга ҳам, эркакка ҳам зулм бўлмаслигининг кафолатидир. Мана шу ечимлар ягона тўғри ечимлардир ва улар аёлнинг ҳам, эркакнинг ҳам табиатига тўла мос келади, иккисига ҳам адолат қилади.
Ҳозирда исломий юртлардаги аёллар дуч келаётган муаммоларнинг Исломга ҳеч қандай алоқаси йўқ. Агар алоқаси бўлса, у фақат Исломнинг татбиқ бўлмаётгани жиҳатидан бўлиши мумкин холос. Феминистик ҳаракатлар мусулмон аёлларга ўз муаммоларининг келиб чиқиш сабабини Ислом ва ундан келиб чиққан эскилик сарқитлари, дея тушунтиришга ҳаракат қилишади. Ваҳоланки, ғарб аёллари керак бўлса улардан ҳам кўпроқ зулм остидадирлар. Фақат буни ўзлари ҳали етарлича тушунганлари йўқ. Феминистик ҳаракатлар ва умуман ғарб аёллари агар ўзларига нисбатан ҳақиқий маънода адолат қилинишини хоҳласалар, демак, улар ҳам Исломга муҳтождирлар.
Юқоридаги фикрлардан ойдинлашдики, мусулмон учун гендер тенглик, феминизм каби тушунчалар ўзи эътиқод қилаётган ақидага тамоман зид бўлиб, ҳатто инсон табиатига ҳам тўғри келмайдиган нарсадир. Бироқ орамизда шундай бузуқ фикрларга чақирадиганлар пайдо бўлмоқда. Ваҳоланки, мусулмон учун ўз ақидасига зид бўлган ҳар қандай нарсага чақириш ҳам жиноят, ҳам шармандали ҳолатдир. Лекин, афсуски, айнан ўзини мусулмонман, деб ҳисобловчи баъзи инсонлар эътиқодларига зидлигини тушунмай, демократияни оғиз кўпиртириб мақтаб, унга чақириб, ҳатто Исломдан дейишга ҳам уялишмаяпти. Бу ўринда Пайғамбаримиз с.а.в. дан ривоят қилинган ҳадисни келтириш ўринлидир. Пайғамбаримиз Муҳаммад с.а.в. дедилар: “Агар уялмасанг, билганингни қил!” (Имом Бухорий ривояти).
Ваҳоланки, ғарбнинг ўзи демократия ёки капитализм даври ўтиб бўлганини, бугун бу тузумларнинг яроқсизлиги очиқ кўриниб қолганини баралла жар солишмоқда. Аввалку бу тузумлар ўз аҳли бўлган ғарбнинг ишониб, етакланишидан куч оларди. Бугун эса, унга кучни ўз эътиқодига, умматига хоин бўлган кимсалар бераётганга ўхшайди. Бу худди жон таслим қилиш олдидан талвасага тушган одамни тиббий ускуналарга ула қўйишга ўхшайди. Демократиянинг бугунги ҳолати ҳам худди шундай. Фақат ғарб ундан воз кечишга алтернатива истаётган бир вақтда, юқорида айтганимиз кимсалар уни тиббий ускуналарга улаб ушлаб турмоқчилар. Аслида эса, демократия ўлиб бўлди, унинг ҳидига ҳатто ғарбнинг ўзи ҳам тоқат қила олмаяпти.
Энди тиббий ускунага улаб ҳаёти таъминлаб турилган одамнинг ҳолатига ўхшаш аҳволга келиб қолган демократияни ҳаётда ушлаб туришнинг воқелигига келсак, капитализм аввалдан мустамлакачиликка асосланган тузум эди. Унда на маънавий ўсишга ва на моддий ривожланиш, тараққий этишга яроқли омил бўлмаган. Айниқса, мусулмонлар учун бу тузум тубанликнинг ўчоғи, ўрмон ҳаёти кабидир. Бугунги кунда ҳам куфр найранглари қон қонига, онгига сингиб кетган кимсалар бизнинг умматни демократияни ушлаб қолиш учун охирги куч бўладиган энергияни беришга чақирмоқдалар. Ўлиши аниқ бўлса ҳам, шунча жирканчликлари етмагандек, демократияни бизнинг минтақаларга ёйилишини исташмоқда. Аллоҳ Таоло айтади:
أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُواْ بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُواْ إِلَى الطَّاغُوتِ وَقَدْ أُمِرُواْ أَن يَكْفُرُواْ بِهِ وَيُرِيدُ الشَّيْطَانُ أَن يُضِلَّهُمْ ضَلاَلاً بَعِيدًا
– “(Эй Муҳаммад алайҳиссалом), Сизга нозил қилинган Нарсага (Қуръонга) ва сиздан илгари нозил қилинган нарсаларга иймон келтирганмиз, деб даъво қиладиган (айрим) кимсаларнинг (Қуръонни қўйиб) шайтонга ҳукм сўраб боришни истаётганларини кўрмадингизми? Ҳолбуки, уларга унга ишонмаслик буюрилган эди. (Чунки) шайтон уларни бутунлай йўлдан оздиришни истайди”. (Нисо:60)
Демократия ҳар бир мабда сингари ёйилишда икки омилга суянади. Биринчиси фикрий омил, иккинчиси моддий омил. Моддий омил урушлар, инвестициялар, кредитлар каби бўлса, фикрий омил аввало дин сиёсатга аралашмайди, деган бузуқ фикр бўлиб, бу мафкуранинг асоси ҳисобланади, кейин бўяб-бежалган шиорлар кўринишида бўлиб ҳуқуқий давлат, тенг ҳуқуқлилик, гендер сиёсати, феминистик қарашлар ва шу каби жирканч иллатларнинг ёйилишидир.
Қаерда уруш ғарбнинг оёғи остидан келиб чиқса ёки кейин аралашса, билингки, бу ерда демократия ўрнатилишига ёки ҳимоя қилинишига ҳаракатдир. Ғарбдан олинган ҳар бир инвестиция ва кредитлар ҳам ғарбнинг шу давлат сиёсатига аралашиши учун йўлдир ва бу дегани демократик қонун-қоидалар киритилиши ҳамда шу йўл билан ғарб манфаатлари мустаҳкамланиши сари қадам ташланмоқда.
Қаерда давлат ва жамиятдаги одамлар дин давлатга ёки сиёсатга аралашмасин дея гапираётган бўлса ҳамда тенглик, гендер, феминистик қарашлар янграётган бўлса, билингки, демократия бу ҳукуматга ёки шахсга ўзининг заҳарини тутқазибди. Ва у бошқаларни бу заҳарни ичишга чақирмоқда. Бундай кимсалар ҳақида Аллоҳ Таолонинг ушбу қавли нақадар ўринлидир:
(43) — أَرَأَيْتَ مَنِ اتَّخَذَ إِلَهَهُ هَوَاهُ أَفَأَنتَ تَكُونُ عَلَيْهِ وَكِيلًا (44) — أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلَّا كَالْأَنْعَامِ بَلْ هُمْ أَضَلُّ سَبِيلًا
– “Хабар берингчи, ким ҳавойи нафсларини илоҳ қилиб олган бўлса, сиз унинг устида вакил-қўриқчи бўлурмисиз?! Ёки сиз уларнинг кўпларини (ҳақ сўзни) тинглай оладилар ё англай оладилар, деб ўйлайсизми?! (Ундоқ эмас, зеро) улар ҳеч нарса эмаслар, магар чорва ҳайвонлари кабидирлар. Йўқ, улар янада йўлдан озганроқ кимсалардир!” (Фурқон:43-44)
Ҳизб ут-Таҳрирнинг Ўзбекистондаги медиа офиси
24.07.2020й
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми