بِسْمِ اللهِ الرَّحْمٰنِ الرَّحِيمِ

Америка малайлари ўзларидан олдинги малайлар ҳоли нима кечганидан сабоқ олиб, уларнинг акси йўлини тутишса бўлмайдими?!

«Арабий 21» веб-сайтида (ҳижрий 1441 йил 8 жумодул-аввал, милодий 2020 йил 3 январ жума куни) нашр қилинган хабарда бундай дейилади:

«Жума куни кечқурун Эрон Инқилоб Посбонлари Американинг Бағдодга қилган ҳужуми оқибатида 5 нафар эронлик шахснинг ҳалок бўлганини, уларнинг ичида энг кўзга кўрингани Эроннинг «Қуддус гвардияси» қўмондони Қосим Сулаймоний ҳам бўлганини маълум қилди.

Бу хабарни «IRNA» расмий ахборот агентлиги Инқилоб Посбонларига қарашли «Қуддус гвардияси» кучлари баёнотига таяниб нашр қилди.

Баёнотда «жума куни Ироқ пойтахти Бағдодда АҚШнинг террористик ҳужуми оқибатида ҳалок бўлганлар 10 кишидан иборат бўлиб, 5 нафари эронлик кучлар, 5 нафари ироқлик халқ сафарбарлиги кучлари бўлган»и айтилди.

Эроннинг «Қуддус гвардияси» қўмондони Қосим Сулаймонийдан ташқари ўлган эронликлар полковник Ҳусайн Жаъфарий Нийо, полковник Шуҳуд Мухаффарий Нийо, майор Ҳодий Торамий ва капитан Ваҳид Замониён бўлган.

Жума куни эрталаб АҚШ мудофаа вазирлиги президент Дональд Трамп топшириғи билан Бағдодда Сулаймоний ўлдирилганини билдирди».

Роя газетаси шарҳи:

Американинг Қосим Сулаймоний жонига қасд қилгани унинг ўз малайларини сариқ чақага олмаслигини яна бир бор исботлаб турибди. Дарвоқе, Американинг Сулаймоний сингари малайлари Сурия, Ироқ ва бошқа юртларда, ҳатто Эроннинг ўзида ҳам шу мустамлакачи давлат манфаати йўлида минглаб мусулмонни ўлдириб юборган. Бироқ, шунча қилган «улкан» хизматлари хўжайинлари томонидан қадрланмади. Зеро, Америка малайларидан фойдаланиб бўлгач, турли йўллар билан улардан воз кечиш унинг одатидир.

Хўш, шундай бўлгач, Америка бизнинг асл душманимиз эканини, у юртларимиздаги режимлар ва уларнинг хавфсизлик кучларидан ўзининг режаларини амалга оширишда фойдаланиб, ўзларини сариқ чақалик қадрламаслигини қачон англаб етамиз?!

Роя газетасининг 2020 йил 8 январ чоршанба кунги 268-сонидан