Бугунги аҳвол учун кўз юмишлар етар, кўзларни каттароқ очиш вақти келди
بسم الله الرحمن الرحيم
Бугунги аҳвол учун кўз юмишлар етар, кўзларни каттароқ очиш вақти келди
Юксалиш йўлида ҳаракат давомий суратда қилинаётган, қурбонликлар берилиб ва яна берилаётган бўлсада, Умматим сенинг ечилмаган муаммоларинг, дардларинг бугунги куннинг бирламчи масаласи бўлиб қолмоқда. Энг катта муаммо, Уммат вакиллари орасида ана шу муаммоли дардларни ҳамон хис қила олмаётганлар борлигидир. Эй Уммат кўзларингни беркитиб турган қўлларни олиб ташла, сени жарлик томон судраётган бошқарувчилардан юзингни бур, ёлғончи каззобларнинг, ноҳақларнинг гапларини эшитиб шу гапларга ишониб яшашни бас қил!
Қанча – қанча қонлар тўкилаётган бўлсада Уммат вакиллари орасида бу ҳолатни тинчлик деб атаётганлари борлиги аламлидир. Бугунги кунда Умматнинг ўзи тушунмаётган кўплаб нарсаларни унинг устида турган золимлар яхши англаб туришибди. Шунинг учун бу золимлар ҳар хил бахоналар билан Умматни алдаб, ўзлари билан бирга бўлиш шу Уммат учун яхшилик эканлигини инсонлар онгига сингдиришмоқда. Бу золимлар қилаётган зулмларга қарамай уларнинг жиноятлари борасида фикрламаётган Уммат вакиллари уларга кўр кўрона эргашишда давом этмоқда. Бу аянчли аҳволдан сўнг, кўзи очиқ, фикран уйғоқ ҳар бир инсоннинг Умматга ачиниши табиий ҳолдир. Лекин Умматнинг баъзи вакиллари бу алданиш ва натижада тубанликка чўкишдан қутулиб кетиш тўғрисида ўйлаб ҳам кўргани йўқ.
Жамиятимиздаги инсонлар ҳаётида юқорида биз айтган ҳолатлар очиқ кўриниб турибди. Бу воқеликларни тафаккур қилиш орқали жамиятимиздаги баъзи тубан инсонлар ўзлари билмаган ҳолда қулликка рози бўлаётганликларини тушуниш мумкин. Чунки қулликка рози бўлмаслик бугун ўзгартириш учун ҳаракат қилишни талаб қилади. Афсуски бундай ҳаракат бизнинг жамиятда оммавий тарзда англанмаган воқеликлигича қолмоқда. Иш шу даражага бориб етдики, золимларнинг зулмларида ҳам ана шу англашдан йироқ инсонлар ўз аҳлларини, биродарларини айблайдиган бўлишди. Уларнинг бундай муносабатлари, яъни алдовлардан таъсирланишлари айнан ўша золимлар томонидан режалаштирилганлиги уларнинг ҳаёлларига ҳам келмади. Худди, ўз фарзандларини қурбон бўлишларига рози бўлгандай золимларнинг қўлларига тутқиздилар. Ҳамда бу қурбонликни амалга ошираётган золимлардан миннатдор бўлмоқдалар.
Мўъмин биродарларимиз ва муслима аёлларимиз бугун бу жамиятнинг кўзини очиб, ўша золимларнинг кимлигини танитишга ҳаракат қилаётганларига қарамай, шу жамиятнинг ичидаги инсонларнинг баъзилари қўрқувга ўраниб олган бўлсалар, баъзилари шу золимларни химояси учун бел боғламоқдалар (холис бўлиб адолат учун ҳаракатга шайланаётганлари эса булардан мустасно, улардан Аллоҳ рози бўлсин). Золимлар химоясига чоғланаётганларнинг бу ҳолатлари гўёки ихтиёрлари билан ўзларини жарликка отишга, унданда ёмонроғи, ўз зурриётларини ҳам қўшиб ўзлари билан бирга шу жарликка қулатишларига ўхшайди. Бугун билинмаётган бўлсада, эртага ёки қачондир шу ишни қилаётганларнинг ўзлари афсусланадилар, лекин у вақтда афсуслар ёрдам бермаслиги мумкин. Шунинг учун бу жамиятдаги ҳар бир инсонга, хоҳ бирор мансаб эгаси бўлсин, хоҳ оддий фуқаро бўлсин тезлик билан кўзларини каттароқ очишларини, жамиятдаги зулмлар борасида фикр юритиб кўришларини ва бугун жиноятга ботган золимларнинг хизматида бўлишни тарк этишлари лозим эканлигидан огоҳлантирамиз.
Бугун бизнинг жамиятни алдаб, чалғитиш йўли билан қул каби қилиб олганлар, ўзларини бу жамиятга содиқдек кўрсатиб, аслида арзимас манфаатлар эвазига мустамлакачиларга сотиб юбораётганлар, асло, химоя қилишга ва хеч қандай бахона билан оқлашга арзимайдилар. Уларнинг жамиятни алдаш учун фойдаланадиган фикрларини кўтариб юрганлар эса, ўша золимларга хизматкорлик қилаётганликларини англаб етишлари шарт.
Бизнинг кўзларимизни очадиган, асл яхшилик сари қадам ташлашамизга сабаб бўладиган Исломий даъватчиларга айблов тошларини отишдан тийилиб, уларнинг фикрларига қулоқ солишни қанчалик тезроқ бошласак, бу хорлик ботқоғидан қутулишимиз ва азизлик сари боришимиз шунчалик тезлашади, ин ша Аллоҳ. Шуни тушунишимиз лозимки, шу Исломий даъватчиларнинг фикрлари кимнинг қулоғига етиб борган бўлса, ўша мусулмонларга, айнан ана шу етказилган фикрлар устида холис бўлиб тафаккур қилиб кўришлари лозимдир. Чунки ким бўлишидан қатъий назар бизни ҳаққа чорлаётган ҳар бир инсонга қулоқ солишимиз бизнинг бўйнимиздаги вожиб ишдир.
Бугун барчамиз иқрор бўлиб турибмизки, бизнинг мана шу хорлик домига шўнғишимизга асл сабаб ўз динимиз Исломдан йироқлашганимиз бўлди. Ва бу ҳолатдан чиқиб кетишимизга ҳам ягона ва ишончли сабаб Ислом ақидасига ақлий иймон келтириш орқали Ислом шариати бўйича яшашлигимиздир. Исломдан бошқа чора қидиришлигимиз бизларни янада ёмонроқ адашишимизга сабаб бўлади, холос. Чунки, бу кунда бизларни хорликда ва тубанликда қолишимиз учун янада жидду жаҳд билан тиришаётган золимлар ҳар томондан бизларга зулмлар ва ҳар хил чалғитувчи воситалар билан ўз таъсирларини ўтказишга ҳаракат қилмоқдалар. Ҳозирча, бу золимларнинг қилаётган зулмлари жамиятимизда уларнинг фойдасига самара бераётганга ўхшамоқда. Сабаби, жамиятимиздаги мусулмонлар Исломий фикрларга қулоқ солиш ва Исломий фикрлар билан ҳаракат қилиш кераклигини тўла англаб олганларича йўқ. Буларни англаб етиш учун зулм билан етаклаб кетаётган золимларнинг аслида ким эканлигини таниб, уларга эргашишдан тўхташлари керак.
Эй Уммат! Бу йўлда сенга елкадош бўлган фарзандларинга қулоқ тут! Улар сенга асло ёмонликни раво кўрмайдилар! Улар золимлар айтаётганидек, сени алдаб ишонтиришга ҳаракат қилаётганларидек эмаслар! Бу золимлар фарзандларинга туҳмат ва бўҳтонларни ёғдирмоқдалар, холос, Сен золимларга ишонма! Асл фарзандларинга қулоқ солсанг аслида золимлар киму мустамлакачи ва уларнинг малайлари ким эканлигини билиб оласан. Шу фарзандларингина Сени Ислом билан яшашлигингни хоҳлайдилар ва бу азизлик йўлини танлашингни, ҳамда икки дунё саодатига эришишингни Аллоҳдан сўраб ҳаракат қилмоқдалар! Сени юксалишингни истаб Аллоҳ учун ҳаракат қилаётган фарзандларинга Сен ҳам Аллоҳ учун қалбингни оч, ишон ва қўлларингни бер!!!
Ҳизб ут-Таҳрирнинг Ўзбекистондаги медиа офиси Абдуллоҳ
13.01.2015й.
