Покистон армиясидаги холис офицерлар!

Покистон Қуролли Кучларидаги холис офицерлар! Сизлар ҳукмдорларингиз ва қўмондонларингизнинг яҳудий вужуди, насронийлар ва ҳиндуларга бўлган садоқатини ўз кўзларингиз билан кўриб турибсиз. Улар сизларни муборак Фаластин заминидаги ўз биродарларингизга ёрдам беришдан ва икки муқаддас масжиддан учинчиси бўлган Масжидул Ақсони озод қилишдан тўсдилар. Яҳудийлар эса муборак замин аҳлини қиришда давом этмоқда. Шундай бўлса-да, ҳукмдорларингиз ва қўмондонларингиз ҳеч қандай ҳаракат қилмадилар, уларга ёрдам бериш учун минг нафар ёки қирқ минг нафар аскар ҳам жўнатмадилар. Ҳолбуки, сизлар қўрқоқ яҳудийларга қарши жанг қилиш, уларни ўлдириш ва Масжидул Ақсони озод этиш учун жасур аскарларимиздан минглаб мужоҳидлар талаб қилинмаслигини яхши биласизлар.

Шундай бўлса-да, мана, улар аскарларимизни Америка ва яҳудий вужуди каби мустамлакачи кофирлар байроғи остида жанг қилишга жўнатмоқдалар. Аллоҳ сизлардан Ислом ва мусулмонларни ёрдамсиз қолдирганингиз ҳамда хоин қўмондонларингизга нисбатан сукут сақлаганингиз ҳақида сўраганида, Унинг ҳузурида келтириш учун сизларда бирор узр қолдими?!

Аллоҳга қасамки, Покистон ҳукмдорлари ва ҳарбий қўмондонлари мамлакатни олиб келган шармандали ҳолатдан фақат уларни ағдариш ва пайғамбарлик минҳожи асосидаги Халифаликни барпо этиш учун Ҳизб ут-Таҳрирга нусрат бериш орқалигина қутулиш мумкин.

Аллоҳ таоло айтди:

﴿الَّذِينَ آمَنُوا يُقَاتِلُونَ فِي سَبِيلِ اللَّهِ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ فَقَاتِلُوا أَوْلِيَاءَ الشَّيْطَانِ إِنَّ كَيْدَ الشَّيْطَانِ كَانَ ضَعِيفاً﴾

«Иймон келтирганлар Аллоҳ йўлида жанг қиладилар. Кофир бўлганлар эса тоғут йўлида жанг қиладилар. Бас, шайтоннинг дўстларига қарши жанг қилингиз! Албатта, шайтоннинг макри заифдир». (Нисо сураси, 76-оят.)

Роя газетасининг 2026 йил 11 ноябр чоршанба кунги 625-сонидан