بِسْمِ اللهِ الرَّحْمنِ الرَّحِيمِ

Саволга жавоб

Яҳуд вужуди ва унинг Америкага чиппа ёпишиб олгани!

Савол:

Нетаньяху 2015 йил 3 мартда Америка конгресси олдида сўзлаган нутқида Американинг Эрон билан ядровий программаси борасида олиб бораётган музокараларини рад этишини таъкидлади. Бу унинг одатдаги протоколдан ташқари, яъни Обаманинг ва ҳатто конгрессдаги демократлар партиясининг рухсатисиз қилган сафари чоғида бўлди. Баъзи кузатувчилар буни Обамани таҳқирлаш дея баҳолашмоқда. Хўш, бу Американинг яҳудийлар давлати билан бўлган алоқалари келишмовчилик босқичига ёки қайсидир даражада душманлик ҳолатига кирганини англатадими? Бу ҳодисаларнинг яҳудийлар давлатидаги ва Америкадаги сайловларга алоқаси борми? Ҳар икки тарафдаги сайловларнинг кутиладиган натижалари нималардан иборат? Аллоҳ сизга яхшиликни мукофот қилсин.

Жавоб:

Жавоб аниқ бўлиши учун қуйидаги ишларни кўриб чиқамиз:

1 – Маълумки яҳудийлар Аллоҳ Субҳанаҳу:

ضُرِبَتْ عَلَيْهِمُ الذِّلَّةُ أَيْنَ مَا ثُقِفُواْ إِلاَّ بِحَبْلٍ مِّنْ اللّهِ وَحَبْلٍ مِّنَ النَّاسِ

«Агар Аллоҳнинг ва одамларнинг (арқонида) аҳди паноҳида бўлмасалар, албатта уларга қаерда бўлмасинлар, хор-зорлик битиб қўйилди»  [Оли Имрон 112]

деб айтганидек фақат Аллоҳнинг ва одамларнинг аҳди паноҳида бўлсаларгина мавжуд бўлиб тура оладилар. Акс ҳолда улар ўзларича мустақил мавжуд бўлиб тура олмайдилар. Аллоҳ арқонини улар ўзларининг пайғамбарлари давридан кейин узиб бўлишган, натижада ҳаёт кечиришларини давом эттиришлари учун фақат бошқа давлатлар пинжида текинхўрларча кун кўришлари ва ана шу давлатларга чиппа ёпишиб олишларидан бошқа йўл қолмаган. Бу иш уларда ана шу даврлардан бери кузатиб келинади. Янги асрда улар Британия пинжига киришди, Британия уларнинг Фаластинни осонгина босиб олиб ўзларининг давлатларини қуришга имкон қилиб берди. Бугун эса улар текинхўрларча Америка пинжига кириб олишмоқда ва унга паразитлардек чиппа ёпишиб келишмоқда. Шунинг учун яҳудийлар билан Америка ўртасидаги келишмовчилик қанчалик даражага етмасин яҳудийлардаги ҳолат Америкага душманлик қилишлари даражасига етиши эҳтимолдан узоқдир…

2 – Яҳудийлар бошқа давлатларга тобе бўлган пайтда ўзларининг манфаатларига эришишга уринишади. Демак улар ана шу давлатларга хизмат қилиш учунгина эмас, балки ўзларининг манфаатларига эришиш учун ҳам йирик давлатларга хизмат қилишади ва бу давлатларга паразитлардек чиппа ёпишиб олишади. Бу тўғрида яҳуд партиялари ўртасида ҳеч фарқ йўқ. Шунинг учун, Меҳнат партияси ҳукмронлик қилиши ёки Ликуд партияси ҳукмронлик қилишидан қатъий назар яҳудийлар Америкага хизмат қилиш учунгина эмас, балки яҳудийлар манфаатларига эришиш учун ҳам Америкага тобе бўлиб келишмоқда ва унга паразитлардек чиппа ёпишиб келишмоқда… Шунинг учун яҳудийлар бу масалада мусулмонлар юртларидаги ҳокимлардан фарқ қилади. Чунки мусулмонларнинг ҳокимлари Ғарб малайлари бўлиб, улар ўз юртларининг манфаатлари эвазига эмас, аксинча фақат тожу тахтда қолишлари эвазигагина йирик давлатлар манфаатларини амалга ошириб беришади…

3 – 1992 йилдан эътиборан Рабин яҳуд бош вазири бўлган пайтда – бу демократ Клинтоннинг 1993 йилдан Америкага президент бўлган даврда бўлган эди – Рабин яҳудийлар давлатининг манфаати Клинтон таклиф қилган ечимларга рози бўлишдадир деб билган эди. Ана шундан кейин 1995 йилда унинг жонига бошқа яҳудийлар тарафидан суиқасд қилиниб у ўлдирилди… Кейин Меҳнат партиясининг демократлар партиясига мойил эканлиги, Ликуд партиясининг эса республикачилар партиясига мойил экани аниқ кўриниб қолди. Бу иш Америка ва яҳудийлар давлатининг ҳар биридаги ҳукмрон муассаса ўртасидаги сиёсий алоқага қайсидир даражада бўёқ берди…

4 – Капиталистик демократик низом асосида юрадиган давлатлардаги сайловлар даври фош қилиб очиб ташловчи давр бўлади, бу даврда ҳеч қандай қизил чизиқлар бўлмайди. Шунинг учун ҳар бир партия ахлоқий ва ахлоқсиз воситаларини ишга солади, ўзаро курашишади, бир-бирига маломат тошларини отишади, отибгина қолмай балки ўзларининг шармандаликларини овоза ҳам қилишади… Ҳозир эса яҳуд вужудида эълон қилинганидек бу йил 17 мартда муддатидан олдин сайловлар ўтказилади… Америкада ҳам келгуси 2016 йилнинг охирларида, ноябрда сайловлар ўтказилади. Шунинг учун иккала тараф ғалабага эришиш учун муносиб имкониятлардан фойдаланишга уринмоқда, бунда Ликуд партиясининг республикачилар билан, Меҳнат партиясининг эса демократлар билан алоқалари яққол кўзга ташланмоқда, ҳар бири ўз шеригини имкони борича қўлламоқда…

5 – Нетаньяху Америкага хизмат қилишда ва яҳудийлар манфаатларига эришишда ҳаракат қилаётган умумий чизиқ – ҳозиргина айтиб ўтганимиздек – республикачилар партияси сиёсатига яқинроқдир. Услуб ва воситаларда у Обама ва демократлар партияси сиёсатига тескаридир. Бу тескарилик ёки келишмовчилик Обама ҳокимиятни ўз қўлига олганидан бошлаб бошланган эди. Нетаньяху ҳокимиятга Обама ҳокимиятга келган вақтнинг ўзида келди, иккаласининг ўртасидаги келишмовчилик Фаластин мавзусида, кейинчалик эса Эроннинг ядровий программаси мавзусида анча эрта кўзга ташланди. Нетаньяху ана шу давр орасида бу икки иш борасида имкони борича энг самарали ютуққа эришиш учун Америкадаги яҳудий лоббиси орқали Обама идорасига узлуксиз босим ўтказишга уринган эди…

6 – Бу ўзаро келишмовчиликни қуйидаги икки омил озиқлантирмоқда: Биринчиси ҳозир айтиб ўтганимиздек партиялар ўртасидаги алоқа бўлса, иккинчиси Обама ва Нетаньяхунинг табиатидир… Яъни келишмовчилик сиёсий вазиятга нисбатан муносабатда бўлиш жиҳатидан бўлган нуқтаи назарларнинг қарама-қаршилигидадир. Чунки Нетаньяхунинг қараши минтақадаги ҳодисаларни яҳудийлар давлати фойдасига шакллантириш учун қаттиқ, қўпол куч «энг аввало ҳарбий куч» зарур деб айтадиган қарашга асосланадиган қаттиқроқ қарашдир. Шунинг учун якка тартибда ҳаракат қилиш Нетаньяху сиёсати хусусиятидир, бундай қараш америкалик неоконсерваторлар ўртасида кенг тарқалган. Қолаверса Нетаньяху ўзини Буш идорасидаги неоконсерваторлар ва республикачилар партияси аъзолари тарафдори қилиб кўрсатмоқда. Шунинг учун собиқ яҳудий бош вазири Ёҳуд Баракнинг маслаҳатчиси бўлиб ишлаган Дэниэл Леви Нетаньяхунинг сиёсий қараши ҳақида бундай деди: «Мен Бибининг, яъни Нетаньяхунинг доимо Америка ўнгчиларига яқин бўлган деб биламан, чунки у сиёсий таълимни улардан олган». («Обама ва Нетаньяху: фақат шахсиятлардагина эмас, нуқтаи назарларда ҳам мавжуд фарқлар» CNN, 2015 йил 2 март). Нетаньяху буни яхши тушунади, у республикачилар партияси ўзини қўллаб-қувватлашини ҳам билади.

Обама эса тамоман реалист бўлиб, у неоконсерваторларнинг республикачилар партиясида ҳукмрон бўлган сиёсий қарашга қарши туради. Чунки Обама қаттиқ, қўпол куч ғояси билан юмшоқ куч (дипломатия), қарзлар ва бошқа алдаб-авраб қизиқтиришларни бир-бирига қориштириш қоидаси тарафдоридир. Обама сиёсий ҳодисаларни Америка фойдасига шакллантириш учун мана шу сиёсатни юргизиш зарур деб билади. Бундан ташқари реалистлар иш юритишда якка тартибдаги услубларни қўллашдан – гарчи шарт-шароитлар бунга йўл берса ҳам – ўзларини олиб қочишади… Бундан мақсад сиёсий ишларни иттифоқлар ва келишувлар орқали амалга оширишдир, бу иттифоқ ва келишувлар Америка режаларини амалга ошириш вазифасини юклайди.

7 – Бу барча қарама-қаршиликларга қарамасдан республикачилар партияси ва демократлар партияси яҳудийлар давлатини очиқдан-очиқ ҳимоя қилишда мусобақалашмоқда. Республикачилар яҳудийлар давлатини амалга оширган ҳар қандай жиноятида уни олқишлаш даражасида кучли қўллаб-қувватлади… Чунки, улар яҳудийлар давлатини кенг доирада қўллаб-қувватлади ва бу кичик Буш даврида эътиборни тортадиган даражада бўлди… Обаманинг қўллаб-қувватлаши ҳам бундан кам бўлмади… Ҳатто Нетаньяху конгрессда сўзлаган нутқида буни тилга олди ва бунинг учун Обамага раҳмат айтди. У ўз нутқида қуйидагича гапирди: «Биз президент Обаманинг Исроил учун қилган барча ишларини, шунингдек, ўтган ёздаги амалиётларимиз пайтида бизни қўшимча қарши турувчи ракеталар билан ёрдам қилганини юксак қадрлаймиз… Мен президент Обамага бундай ёрдам учун доим миннатдорчилик билдириб қоламан… Исроилга қилган ёрдамингиз учун, хусусан, ракета мудофаасида, шу жумладан темир гумбаз (ракетага қарши ҳаво мудофааси) соҳасида сахийларча қилинган ҳарбий ёрдам учун биз сиздан ва Америка конгрессидан миннатдормиз…». Сайловлар яқинлашган пайтда яҳудий лоббисининг овозига эҳтиёж борлиги баҳонасида бундай баёнотларни бериш ортади. Чунки яҳудийлар пропагандаси бу лоббининг ҳажмини икки баробарга ошириб кўрсатади.

8 – Юқоридагилардан аён бўляптики, Нетаньяху билан Обама ўртасидаги бу келишмовчилик Америка билан душман бўлиш ва у билан алоқани узиш ҳолати эмас, аксинча у Ликуд билан республикачилар партияси ўртасидаги ва Ликуд билан демократлар партияси ўртасидаги турли алоқалар натижаларидир, холос… Бу келишмовчилик яққол кўзга ташланди, чунки у иккала мамлакатдаги сайлов ҳолатига мос келади. Масалан Нетаньяху яҳуд вужудидаги жамоатчилик Эроннинг ядровий қуролларга эга бўлишидан қўрқади. Шунинг учун Нетаньяху Обаманинг Эронга нисбатан ядровий масала борасида очиқ кўриниб турган юмшоқ муомаласидан фойдаланиб ўзини яҳуд вужудининг мана шу ядровий хатар қаршисидаги ҳимоячиси қилиб кўрсатди. У Америкадаги республикачиларнинг Обаманинг музокараларда тутган йўлига қарши бўлган сиёсатидан ҳам фойдаланиб, ўзини республикачилар партияси томонида қилиб кўрсатди, натижада иккала партия ҳам сайловларда фойда кўради. Бу билан у демократлар Байден ва Керрининг Меҳнат партияси раиси Герцог билан бўлган учрашувига муносиб рад жавоби берган бўлади. Герцог бош вазир Нетаньяхунинг Исроилда бўладиган сайловлардаги бош рақибидир. Ана шу учрашувлар 2015 йил 1 февралда Мюнхен саммитидан алоҳида бўлиб ўтди, ваҳоланки бу икки учрашув кун тартибида йўқ эди… Герцог ўзининг Мюнхен конференциясида сўзлаган нутқида Нетаньяхунинг конгрессдаги нутқини бундай деб баҳолади: «Нетаньяхунинг «сайлов олди» маҳсули деган эътиборда хатоликда дунёга келган нутқи Исроил фуқаролари хавфсизлигига ва Исроил билан Қўшма Штатлар ўртасидаги ўзига хос алоқаларга таҳдид туғдиради»… айни вақтда Байден идораси «вице президент мамлакат ташқарисида бўлади, шунинг учун Нетаньяхунинг 3 март конгресс олдидаги Эрон хусусида тортишувни келтириб чиқарадиган нутқига ҳозир бўлолмайди» деб билдирди.

Хулоса:

а) Буларнинг барчасидан аён бўляптики, Нетаньяху ва Обама мазкур сабабларга кўра ўзаро келишолмаяпти, иккаласидан ҳар бири бўлғуси сайловларда бошқа рақибни қўллаб-қувватлайди… Нетаньяхунинг Оқ уйга кириб ўтмасдан ёки лоақал конгрессдаги демократлар билан келишиб олмасдан республикачилар партияси билан бевосита келишиб Америка конгрессига қилган сафари мана шу мазмунда юзага келди, демак унинг бу зиёрати икки арбоб ва икки партия ўртасидаги бир ҳақиқий келишмовчиликни акс эттириб турибди. Бу келишмовчиликни Америкадаги ва яҳуд вужудидаги сайловлар муҳити янада қайноқ тус олдирди… Шундай қилиб сионист вужуднинг етакчиси Биньямин Нетаньяху 2015 йил 3 мартда Қўшма Штатлар конгрессининг қўшма йиғинида нутқ сўзлаш учун таклиф этилди. Бу одатдан ташқари иш бўлди. Чунки бу таклиф Обама томонидан бўлгани йўқ, балки республикачи намояндалар палатаси раиси Жон Бейнер томонидан бўлди. Бу эса Нетаньяху ҳукумати билан Обама идораси ўртасидаги кескинликларни очиққа чиқарди, чунки кўпгина ахборот воситалари бу таклифни ёритди.

Обама идораси бу таклифни танқид қилиб чиқди. Айни пайтда Америка президенти Нетаньяху билан учрашмаслигини билдирди… Керри ҳам шундай муносабат билдирди. Чунки у ҳам Нетаньяху Вашингтонда турган пайтда Вашингтонни тарк қилиб хорижга кетди… Натижада Обама идораси билан конгресс ўртасида даҳанаки жанг бошланди. Бу эса республикачилар партияси сайловларда ўзи билан ҳукмрон демократлар партияси ўртасидаги рақобат доирасида яҳудий лоббисининг энг кўп овозини олиш бўйича сайлов олди ишларини юритишни истаётганини кўрсатиб турибди. Республикачилар партияси келгуси йилда бўладиган президентлик сайловларида шу тариқа кўпроқ овозларга эришмоқчи.

б) Нетаньяху эса конгрессда Обаманинг Эрон билан олиб бораётган музокараларига қарши гапирди ва Обама тузмоқчи бўлаётган келишувни ёмон деб атади… Нетаньяху бундай деди: «Халқаро кучлар Эроннинг ядровий қуролларга эга бўлишига йўл қўймаслик мажбуриятини олган, лекин уларнинг бу мажбуриятдан воз кечгани кўриниб турибди». У бундай деб қўшимча қилди: «Оқ уйни ва Қўшма Штатлар президентини ҳурмат қиламан, лекин бундай тақдирий масала борасида айтадиган бўлсак у бизнинг мавжуд бўлиб туришимиз ва турмаслигимизни аниқ кўрсатиб бериши мумкин, Исроилга бўлган бундай улкан хатарга йўл қўймаслик учун барча нарсани қилишим лозим». У яна бундай деди: «Эронга қилинган таклиф Эронга Исроил давлатининг сақланиб қолишига таҳдид қилиш имконини беради». (Си-Эн-Эн 2015 йил 10 феврал). Шуларнинг барчаси орқали Нетаньяху ўзини яҳудийлар манфаатлари ҳимоячиси қилиб кўрсатмоқчи, натижада сайловда бундан фойдаланмоқчи. Айниқса фикр сўровлари Америка республикачилар партиясининг сайловларда – бу партиянинг ўтган йил охиридаги ярим тур сайловларда ғолиб чиққанини ҳисобга олинса – ғалаба қозонишини кўрсатиб тургани учун Нетаньяху шундай қилмоқчи, мана шундан Ликуд республикачиларнинг мойиллигига янада кўп сазовор бўлмоқда… Бундан ташқари Нетаньяху Эроннинг ядровий қуролга эга бўлишига йўл қўймаслик зарурлигига чуқур ишонади, шунинг учун ҳам Нетаньяху ҳукумати бир неча йиллардан бери ядровий программани баҳона қилиб Эронга зарба беришга тайёргарлик кўриб келди, масалан 2011 йил охирида шунга тайёрлигини билдирди. Европа Американи қийин аҳволга солиб қўйиш учун (Исроил)ни шунга гижгижлаб келди. Чунки Франция яҳуд вужудини Эроннинг ядровий иншоотларининг сунъий йўлдошлар орқали олинган суратлари билан таъминлади. Германия эса (Исроил) ихтиёрига ракеталар билан қуролланган энг замонавий сув ости кемаларини юборди. Британия (Исроил)ни ҳарбий ва разведка маълумотлари билан таъминлади. Чунки Британия бош штабининг ўша пайтдаги бошлиғи яҳуд вужудига келди ва у ерда зарбага тайёргарликни бевосита кузатиб уч кун турди. Италия эса ўз осмонида яҳудий самолётларининг узоқ масофаларга учиш бўйича ва ҳавода ёнилғи билан таъминланиш бўйича машғулотлар ўтказишига рухсат берди. Америка эса яҳудийлар давлатини «жиловлаш»га ва яҳуднинг кескинликни авж олдирмаслиги, Эронга қарши жорий қилинган жазо чораларининг ўзи етарли экани ва Обама сиёсати фойдали экани тўғрисида (Исроил)га босим ўтказиб келди… Яҳудийлар давлати Нетаньяху сайлов муҳитида республикачилар партияси билан келишиб мана шу зиёратини қилгунига қадар бу босимга бўйсуниб келди…

в) Сайловларнинг кутилаётган натижаларига келсак, бу натижалар бир-бирига яқин бўлади, Чунки оппозиция ва унга бошчилик қилаётган Меҳнат партияси Нетаньяху билан Обама ўртасидаги бу келишмовчилик, яъни Американинг яҳудийларни қўллаб-қувватламай қўйиши эса уларнинг давлатига катта зарар келтиради, деб зўр бериб жар солишмоқда. Улар Обаманинг яҳудийлар хавфсизлигини сақлаб қолиш ҳақида айтган гапларини ҳам бўрттириб кўрсатишга уринишмоқда, унинг Эроннинг ядровий хатарига йўл қўймаслик сари кетаётган ядровий сиёсати пухта стратегик сиёсатдир, деб жар солишмоқда. Улар бундан Америкадаги яҳудий лоббисининг қўллаб-қувватловига эга бўлишларини кўзлашмоқда. Айни вақтда улар яҳудийлар давлатини ҳам тинчлантириб худди шундай кўп овозларни олиш режасини тузишмоқда… Бунга қарши Нетаньяхунинг республикачилар партиясига яқинлашиши (бу партиянинг Америкадаги бўлғуси сайловларда ғолиб чиқишини кутишмоқда) ва Нетаньяху ўзини яҳудийлар манфаатларининг ҳимоячиси ва яҳудийлар давлатидан ядровий хатарни даф қилиш тарафдори қилиб кўрсатаётгани, буларнинг барчаси унга яҳудий лоббисининг қўллаб-қувватловини ва яҳуд вужуди ичкарисидаги овозларни олиб келади… Шундай қилиб демак буларнинг барчасидан кутилаётган нарса шуки иккала тараф, Меҳнат партияси ва Ликуд партияси (ғолибликни таъминловчи) асосларда бир-бирига яқин. Обаманинг Меҳнат партиясини қўллаб-қувватлаши, республикачилар партиясининг эса Ликуд партиясини қўллаб-қувватлаши қайсидир даражада бир-бирига яқиндир. Лекин агар Обама ўзининг президент сифатидаги ролини пухта ўйнаб, бундан Меҳнат партияси билан бўлган алоқаларда фойдаланса унда бу Нетаньяхунинг ғалаба қозонишига таъсир қилиши мумкин… Лекин Обаманинг Нетаньяхуга нисбатан бундай кучли иш юритиши эҳтимоли кучсиз ишдир. Айниқса Обаманинг келгуси президентликка ўз номзодини қўйиши мумкин эмас экан бунинг эҳтимоли кучсиздир. Бу эса Нетаньяху билан унинг Меҳнат партиясидаги рақиби Герцогнинг имкониятлари бир-бирига яқин бўлиши кутилишини англатади. Шунинг учун икковидан бирининг ҳукумат тузишга муваффақ бўлиши қийиндир, фақат бир заиф коалиция бўлиши мумкин. Чунки икки йирик партиянинг коалиция тузиши қийин кечади, аксинча бу икки партиядан ҳар бири кичик озчиликлар билан шерик бўлишга мажбур бўлади. Бу озчиликлар бу партияга ўзининг ҳажмидан каттароқ бўлган шартларни қўяди. Оқибатда яҳуд вужудида келгусида ташкил этиладиган ҳар қандай ҳукумат заиф бўлади, фақат агар бу икки партия ўзаро бир-бирига яқинлашса бундай бўлмайди…

Америкадаги сайловлар ҳақида айтсак, нашр қилинаётган фикр сўровлари республикачилар партиясининг ғалаба қозониши эҳтимолини кучлироқ қилиб қўйяпти. Бу бўлиб ўтган ярим тур сайловларга биноан шундай, чунки республикачилар партияси конгрессда кўпчилик ўринни эгаллади. Айниқса Обама халқаро муаммоларни Американинг ички вазиятини ва хорижий вазиятни рози қиладиган шаклда муваффақиятли ҳал қилолмади.г) Энди Америка билан душманлик ёки алоқани узиш ҳолати ҳақида айтадиган бўлсак бу ҳозиргина айтиб ўтганимиздек эҳтимолдан узоқдир. Аксинча яҳуд вужуди Америкага ёпишиб олишда ва унинг пинжида текинхўр бўлишда давом этаверади. Чунки яҳудийлар одамлар томонидан бўлган арқон-аҳди паноҳисиз яшай олишмайди, бу «арқон» шу кунларда Америкадир… Лекин бу арқон Аллоҳ изни билан албатта кесиб ташланади. Бу ана шу давлатлар ўзлари билан Фаластинни босиб олган яҳудийлар давлати ўртасини боғлаб турган бу арқон ўзларига бир фалокат эканини ҳис қилган пайтда рўй беради. Бу эса Ислом, унинг аҳли ва давлати қуввати билан бўлади, у Аллоҳ изни билан албатта бўлади.

وَلَتَعْلَمُنَّ نَبَأَهُ بَعْدَ حِينٍ

«Албатта сизлар унинг (илоҳий ваҳи эканлиги ҳақидаги) хабарни (озгина) вақтдан сўнг (Қиёмат куни) билиб олурсизлар»  [Сод 88]

17 жумодул-аввал 1436ҳ

8 март 2015м