بسم الله الرحمن الرحيم

Роя газетаси:

Трамп насронийлар анжуманида Клинтон хонимнинг исломчи экстремистларга нисбатан заиф эканини танқид қилмоқда

АҚШ президентлик сайловларида республикачилардан номзод Дональд Трамп жума куни ўз рақиби демократлардан номзод Хиллари Клинтонга ҳужум қилиб, унинг исломчи экстремистлар олдида заиф эканини таъкидлади. Бу ҳақда инжил насронийлари томонидан ўтказилган ва Трамп қизғин олқишлар билан қарши олинган конференцияда айтди.

Эътибор билан тайёрлаб келган ўз маърузаси матнини ўқиб эшиттирар экан, Трамп суриялик қочқинларга Қўшма Штатлардан ватан бериш учун ажратилган маблағлар, юртимиз шаҳарларидаги қашшоқлик кризисини ҳал этишга сарфланмоғи лозим, деди.

Кўчмас мулклар магнати бўлган бу миллиардернинг қўшимча қилишича, Клинтон исломчи экстремистлар террори, деган иборани ишлатишни истамайди, республикачилар эса бу иборани экстремистлар зўравонлиги, дея аташни афзал билади. Клинтоннинг бу иборани қўллашни истамаслигининг ўзи уни президентликка номуносиб шахсга айлантиради.

У Клинтоннинг Суриядаги фуқаролик урушидан қочиб Қўшма Штатларга келаётган минглаб қочқинларни қабул қилишга рози эканини танқид қилди ҳамда уни қочқинларни қабул қилиш амалиётларини кенгайтиришни қўллаб-қувватламасликка ва Америка шаҳарларида иш ўринларини очишга оид янги дастурни қабул қилишга чақирди.

Трамп яна бундай деди: «Биз қочқинлар билан боғлиқ масалани вақтинча тўхтатиб туришимиз лозим. Чунки улар қаерлардан келишган, буни билмаймиз. Биз бу маблағларни америкалик камбағалларга – улар бугунги аянчли вазиятдан чиқиб олишлари учун – ғамхўрлик кўрсатиш йўлида сарфлашимиз керак». (Рейтер).

Роя газетаси шарҳи:

Кузатилишича, бугун «исломий терроризм», «диний ёки исломий экстремизм», «диний ёки исломий зўравонлик» ва бошқа шу хилдаги иборалар шу даражада кўпайиб кетдики, улардан деярли ҳамма соҳада фойдаланиладиган бўлиб қолди.

Ғарб давлатлари, хусусан, Америка юртларимизни босиб олишни, уларга қарши уруш қилишни мана шу терроризмга қарши кураш ниқоби остида амалга оширмоқда. Ҳолбуки, терроризмнинг отаси ҳам, онаси ҳам унинг ўзи. У Исломни ёмон кўриб, унга қарши курашаётгани сабабли, динимизга мана шундай айблов тошларини отмоқда.

Ғарб давлатлари ўртасида ҳам айни иборалардан фойдаланилмоқда. Бири бошқасини ўз сиёсати бўйича юришга мажбур қилиш учун мана шу ибора билан қўрқитмоқда.

Юқоридаги хабарга кўра, президентлик сайловларида республикачилардан номзод Дональд Трамп ҳам ўз рақиби демократлардан номзод Хиллари Клинтонга терроризм мавзусидан ва Клинтоннинг позициясидан фойдаланиб ҳужум қилмоқда. Унга ҳужум қилишда уни экстремистларга нисбатан заифлик қилади, заифлиги сабабли ҳам «исломчи экстремистлар терроризми» деган иборани ишлатолмаяпти, деб ҳисобламоқда.

Шу тарзда терроризм ва шунга ўхшаш бошқа иборалар қурол сифатида ишлатиладиган ибораларга айланиб қолди. Ғарб давлатлари бу сифат ва ибораларнинг воқеликка мос келмаслигидан кўз юмган ҳолда, улардан ўзларининг ифлос сиёсатларини рўёбга чиқариш мақсадида фойдаланишяпти.

Роя газетасининг 2016 йил 15 июн чоршанба кунги 82-сонидан