بسم الله الرحمن الرحيم

Роя газетаси:

Ҳизб ут-Таҳрир – муборак Фаластин замини: Ҳизб учраётган электрон ҳужум ортида Ғарб турибди

Ҳизб ут-Таҳрир – муборак Фаластин замини матбуот бўлими аъзоси Боҳир Солиҳнинг маълум қилишича, яқинда Ҳизбнинг веб-сайтлари ва ижтимоий тармоқлардаги саҳифаларига аёвсиз ҳужумлар уюштирилган. Чунки Ҳизбнинг веб-сайтлари юз минглаган хакер ҳужумларига юз тутган. Шунингдек, ижтимоий тармоқлардаги Ҳизб саҳифаларига жуда кўп ҳужумлар уюштирилиши натижасида Ҳизбнинг фейсбукдаги саҳифалари ва бошқа кўплаб саҳифалари ёпиб қўйилди. Яқинда соунд клауд, ундан олдин эса, ютуб Ҳизбнинг ўнлаб каналларни ёпиб қўйган эди. Ютубдаги ушбу каналлар ўн минглаган даъват видео-лавҳаларини ўз ичига олган эди. Ҳар сафар янги саҳифа очсак, бир кун ўтар-ўтмас ёпиб қўйишди… Боҳир Солиҳнинг таъкидлашича, бу ҳужумлар Ҳизб ва унинг фикрларига қарши Ғарб томонидан уюштирилган ҳужумлардир. Зеро, Ҳизб барпо этиш учун фаолият қилаётган Пайғамбарлик минҳожи асосидаги рошид Халифаликда гавдаланувчи кучли исломий альтернатив бугунги кунда намоён бўлаётган экан, Ғарб ўзининг чириган, абгор капиталистик ҳазорати учун Ҳизб фикрларини таҳдид дея ҳисоблайди. Боҳир Солиҳ ўзининг бу сўзларини пайшанба куни Рамаллоҳ шаҳрида ўтказилган рамазон кечаси учрашувида зиёлилар, таниқли кишилар ва муфаккирлар олдида айтди.

Боҳир Солиҳ йиғилганлар билан бўлган баҳс-мунозарада бундай деди: Шуни онгли тарзда тушунмоқ лозимки, бугун Ғарб ўзининг мусулмон юртларидаги малай ҳукмдорлари ва медиа минбарлари ёрдамида кучли медиа урушига етакчилик қилмоқда. Улар шу орқали муаммо ва масалаларимизнинг, асосан, Фаластин масаласининг шаръий ечимларини ёки бу ҳақдаги исломий қарашларни кўз олдимиздан ўчириб ташлашни кўзлашган.

Унинг таъкидлашича, Ғарб ва оммавий ахборот воситалари муборак Фаластин заминининг асл ечимини, яъни ушбу заминни озод этиш сари мусулмон армияларни сафарбар қилишга асосланган ечимни кўздан нари қилиш учун зўр бериб ҳаракат қилмоқда. Улар мустамлакачиликнинг турли-туман лойиҳалари доирасидан ташқарига чиқмай, бир жойда тураверадиган ечимларнинг сақланиб қолишини жуда-жуда хоҳлашмоқда.

Сўзининг ниҳоясида у йиғилганларга – сизлар Фаластин масаласи ва мусулмонларнинг бошқа барча масалаларига нисбатан мустамлакачиликнинг разил режалари ва кишанларидан қутулиш йўлини Уммат ва Фаластин аҳли онгига қуймоғингиз даркор, деди.

Роя газетасининг 2018 йил 13 июн чоршанба кунги 186-сонидан