بِسْمِ اللهِ الرَّحْمنِ الرَّحِيمِ

Бирбирига ёпишиб туғилган эгизаклар тўғрисидаги саволнинг жавоби

Савол: ассалому алайкум ва роҳматуллоҳи ва барокатуҳ. Бир бирига ёпишиб туғилган эгизаклар ҳақида сўрамоқчиман. Уларга Ислом ҳукмлари қандай татбиқ қилинади?

Эътибор қаратганингиз учун раҳмат.

Абдул Барр – Индонезия

Жавоб:

Ва алайкум ассалом ва роҳматуллоҳи ва барокатуҳ.

Бир бирига ёпишиб туғилган эгизаклар мавзусига нисбатан сўз юритадиган бўлсак, уларнинг ёпишган ҳолатлари турли хил бўлишига қараб, ҳукмлари ҳам ҳар хил бўлади.

Гоҳида эгизакларнинг икки ёнбошлари ёпишган ёки орқалари ёпишган ё бошлари ёпишган бўлиши мумкин. Гоҳида эса уларнинг икки тос суяги, ёки икки думбаси ёпишган бўлиши мумкин. Баъзида уларнинг қўшимча тарафлари ёки қўшимча тана ё муҳим бўлмаган ортиқча аъзолари ёпишган бўлиши мумкин ва ҳоказо.

Бундай эгизакларга битта шахснинг ҳукмлари татбиқ қилинадими ёки икки шахснинг ҳукмлари татбиқ қилинадими, буни аниқ билиш учун юқоридаги ҳар бир ҳолат алоҳида ўрганилади.

Шунинг учун ҳар бир ҳолат амалий воқеда бўлганидек, алоҳида ўрганилиши вожиб. Барча ҳолатларга битта ҳукм берилиши жоиз эмас.

Баъзи илмий тадқиқотлардан маълум бўлишича, Сиам эгизаклари деб номланадиган, бир бирига ёпишиб туғиладиган бундай эгизакларнинг дунёга келиши ўта кам учрайдиган нодир ҳолатдир. Чунки улар 50,000 ёки 100,000 боладан биттасига тўғри келиши мумкин. Уларнинг катта қисми туғилмай туриб ёки туғилиши биланоқ ҳаётдан кўз юмади. Бир неча йил яшаб қоладиганлари ўта оз учрайди.

Биродарингиз Ато ибн Халил Абу Рашта

0

0

Related posts:

Хулафои рошидийнлар «Уқоб» рояси ва ливони ишлатганликлари Аёлнинг шаръий либосига оид саволга жавоб Исломий давлатда божхоналар ҳақидаги саволга жавоб  Байъатнинг муайян вақтга чекланиши жоизми?