Ўзбекистон ҳукуматидан Ҳизб ут-Таҳрирга навбатдаги туҳмат
بِسْمِ اللهِ الرَّحْمٰنِ الرَّحِيم
Матбуот баёноти
Ўзбекистон ҳукуматидан Ҳизб ут-Таҳрирга навбатдаги туҳмат
Шу йилнинг 16 апрелида Ўзбекистондаги давлат телеканалларидан бири – “Ёшлар” телеканалида “Долзарб мавзу” кўрсатуви намойиш қилинди. Кўрсатувда прокуратура, халқаро Ислом академиясидан вакиллар қатнашди. Бош мавзу ҳизб ғоялари бузғунчилик, одамлар орасида фитна ва нафрат уруғини экиши, Исломни ниқоб қилиб олиб, одамларни нотўғри йўлга бошлайди деган мавзу бўлди. Шунингдек, ҳизб террорчи ташкилот сифатида талқин қилинди. Унга аъзо бўлган ёки унинг фикрларидан таъсирланган мусулмонларнинг афсус-надомат чекиб айтган гапларининг видеотасвирлари намойиш қилинди. Кўрсатув давомида ҳизб ўз фикрларини қабул қилмаганларни кофирга чиқариши ҳам айтиб ўтилди. Ва бундан бошқа қатор асоссиз, шаръий далилга таянилмаган, туҳматга тўла бўлган бўҳтонлар ёғдирилди.
Биз ушбу кўрсатув Ўзбекистон ҳукуматининг мусулмонларни Ҳизб ут-Таҳрирдан узоқлаштириш ва ундан қўрқитиш мақсадидаги навбатдаги буюртмаси эканлигини жуда яхши биламиз. Бу биринчиси ҳам, охиргиси эмаслигини ҳам яхши биламиз. Аввало, яна такрор эслатиб қўймоқчимизки, ҳизбнинг террористик ташкилот эмаслигини бутун дунё билади. Унинг бирор жойда куч ва зўравонлик ишлатганлиги тўғрисида бирорта ҳам далил йўқлигига қарамасдан ҳалигача унга терроризм тамғаси ёпиштирилаётгани кулгили ҳол. Ҳозиргача аниқ бир таъриф берилмаган бундай сўзларни Ислом ва мусулмонларга, хусусан ҳизбга нисбатан ишлатиш репрессив, золим ҳукуматлар одатига айланган.
Ҳизб фикрларига келсак, улар Қуръон, Суннат, ижмо ва қиёсга асосланган саҳиҳ ижтиҳод орқали чиқарилган раъйлар, фикрлар ва аҳкомлар бўлиб, ҳизбнинг очиқ манбаларида, расмий сайтларида турибди. Хоҳлаган одам уларни бемалол текшириб олиши мумкин. Агар бирор ери тушунарсиз бўлса ёки нотўғри деб билинса, марҳамат, сайтимиз орқали бизга мурожаат қилиши мумкин. Биз ҳар доим баҳсга ва мулоқотга тайёрмиз. Бироқ ҳизб фикрларини ўрганмай туриб, одамларга улар ҳақида туҳмат ва ёлғонга тўла бўлган гапларни айтиб, шу орқали золимларни рози қилмоқчи бўлаётган анави кўрсатув иштирокчилари Аллоҳдан қўрқсинлар. Ҳизб ут-Таҳрир унга ишонганларни ҳеч қачон алдамаган, анави ҳукуматга ўхшаб фойдаланиб бўлиб, керак бўлмай қолганидан кейин ахлат қутисига ирғитиб юбормаган. Видеотасвирлардаги мусулмон биродарларимиз таҳдид ва қўрқув остида ҳизбга қарши гапиртирилгани ҳам ойдек равшан. Чунки улар шу каби буюртма кўрсатувлар учун куч органлари томонидан махсус тайёрланган. Шунингдек, ҳизб ўз фикрларини қабул қилмаганларни кофирга чиқариши ҳам туҳмат ва ёлғондан ўзга нарса эмас.
Сўнгги сўз ўрнида шундай савол берамиз. Бузғунчилик, одамлар орасида адоват, террор каби ёмонликлар ҳизбдан чиқяптими ёки устимизга куч ва алдов билан ўрнашиб олган, охиратини кофир давлатлар дунёси эвазига сотган хоин ҳукмдорларданми? Ҳизбнинг “айби” сизларнинг асл башарангизни очаётгани, Ислом Шариатидан юз ўгириб, куфр қонунлари билан бошқараётганингизни мусулмонларга тушунтираётганими? Роббим Аллоҳ, дегани учунгина минглаган мусулмонларни ҳизб қамадими, азобладими, ўлдирдими?…
Бундай саволлар кўп. Фақат инсоф билан жавоб бергувчи йўқ. Ҳизб мусулмонларга Исломни мабда (система) сифатида тушунтираётгани учун унга эргашишмоқда, у билан бирга фаолият қилишга бел боғлашмоқда. Сизларнинг ожизларча бераётган раддияларингиз Исломни ҳаётга келишидан асло тўса олмайди. Ҳизб эса, бу йўлда моли ва жони билан ҳаракат қилишда давом этаверади. Аллоҳнинг ҳукми келгунича шундай бўлади. Аллоҳ Таоло айтади:
وَقُلْ جَاء الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا
– ““Хақ келди ва ботил йўқ бўлди, албатта ботил йўқ бўлувчидир”, – деб айт”. (Исро:81)
Ҳизб утТаҳрирнинг Ўзбекистондаги матбуот офиси
