بِسْمِ اللهِ الرَّحْمٰنِ الرَّحِيمِ

Ҳар қандай қўзғолон ва ўзгартириш даъвати Ислом аҳкомларини татбиқ қилиш сари йўналтирилмоғи даркор

Пайшанба куни кечқурун Тааз вилоятида юзлаб яманликлар 11 феврал қўзғолонининг ўн бир йиллигини нишонлашди. Тинчлик билан тугаган ўша қўзғолонда Али Солиҳ ҳокимиятдан ағдарилган эди.

Ҳизб ут-Таҳрир – Яман вилояти матбуот бўлими чиқарган баёнотда бу ҳақда қуйидагилар таъкидланган:

«Ямандаги ўша қўзғолон Тунис, Миср, Шом ва Ливиядан келиб чиққан қўзғолонларга ҳамоҳанг бошланганди. Аммо Яман режими ва унинг коррупциясига қарши реакция сифатида бошланган бу қўзғолон яманликлар истаган ҳақиқий ўзгаришни амалга оширмади, чунки йўлидан адашди. Шунга қарамай, қўзғолонлар халқлардаги қўрқув деворини ағдара олди ҳамда ҳукмдорларнинг хоин ва малайликларини очиб ташлади. Шунинг учун бу бузуқ режимларга қарши ҳар қандай қўзғолон ёки ўзгартиришга бўлган даъват Ислом аҳкомларини татбиқ қилиш сари йўналтирилиши лозим. Чунки бу режимларнинг ҳар бири мустамлакачиларга хизмат қилиш учун Сайкс-Пико келишуви натижасида ўрнатилган. Яманда ёки бошқа юртларимизда қўзғолон амалга ошса-ю, аммо у Ливия, Тунис, Жазоир, Миср, Сурияда юз бераётган воқеаларга лоқайд позицияда тураверса, бундай қўзғолоннинг ҳеч кимга кераги йўқ! Қўзғолон амалга ошмади, дегани умидсизликка тушишни ва ўзгартириш фаолиятидан ўтириб қолишни англатмайди. Йўқ. Балки қўзғолон амалга ошмаса ҳам у ўзгартириш ҳаракатига туртки бўлиши керак. Бироқ, туб ўзгартириш учун эса, ўзгартиришни истаган кишилар юрадиган бир тариқат бўлиши даркор. Бу тариқат Ислом ва унинг аҳкомларини онгли равишда тушунадиган ҳамда ҳаёт воқеида фикрий ва сиёсий кураш орқали Уммат билан ҳамжиҳатликда ҳаракат қиладиган холис уюшмани тайёрлашда ўз ифодасини топади».

Баёнот сўнггида қўзғолонни 11 йиллигини нишонлаётганларга мурожаат қилинди:

«Сизнинг ғоянгиз Пайғамбарлик минҳожи асосидаги рошид Халифалик давлатини барпо этиш орқали шариат аҳкомларига мувофиқ исломий ҳаётни қайта бошлаш бўлсин. Ушбу давлатда мусулмонлар халифани сайлаб, унга Исломни бутун дунёга даъват ва жиҳод орқали олиб чиқиши шарти билан байъат қиладилар».

Роя газетасининг 2022 йил 23 феврал чоршанба кунги 378-сонидан