بِسْمِ اللهِ الرَّحْمٰنِ الرَّحِيمِ

АҚШнинг Судандаги элчиси худди юртбошидек ҳаракат қиляпти

2022 йил 10 сентябр шанба куни АҚШнинг Судандаги элчиси Жон Годфри Дарфур вилоятидаги Фашр шаҳрига бориб, вилоят ҳокимлиги билан учрашди. Менинг келишимдан мақсад, Дарфурдаги вазият билан танишиш ҳамда Жуба тинчлик шартномасининг қандай амалга ошаётгани, тараққиёт ва барқарорликни ўрганишдан иборат, деди у. Элчи ва ҳамроҳларининг «Замзам» муҳожирлар лагерига боришлари ва маъмурият билан учрашишлари, шунингдек, Фашир жоме-масжидини зиёрат қилишлари ҳам режалаштирилган.

Бунга нисбатан Ҳизб ут-Таҳрир – Судан вилояти расмий нотиғи устоз Иброҳим Усмон (Абу Халил) қуйидагиларни таъкидлади:

«АҚШ элчисининг бу ишлари давлатнинг ички ишларга бурнини суқиш ва юрт раҳбари вазифаси билан шуғулланишдан бошқа нарса эмас. Ёки АҚШнинг Судандаги элчиси юртбошига айланганми?!».

Абу Халил матбуот баёнотида қўшимча қилди:

«Ўз мустақиллигини даъво қилган бир давлатда бундай ажнабий аралашув бўлмаслиги керак. Халқаро қонунларда элчиларнинг ўзлари хизмат қилаётган давлатларнинг ички ишларига аралашмасликлари таъкидланганига қарамай, Суданда ажнабий аралашув давом этмоқда…

Ғарб ва унинг Судандаги вакиллари бу ўлкани мустақил суверен, деб ҳисоблашмайди. Шу боис, ҳар қандай элчига ҳалол бўлиб қолган. Элчилар унинг ишларига икир-чикиригача бурун суқишяпти. Уларни бундан қайтаришга, ҳатто бир оғиз гап айтишга ҳозирги ҳукмдорлар ҳам, собиқ ҳукмдорлар ҳам журъат қилишолмайди. Бироқ, агар Халифалик давлати барпо этилган бўлса эди, бирорта мустамлакачи давлатларнинг элчиси ёки фуқароси халифанинг рухсатисиз юртларимизга киришга журъат эта олмас эди».

Баёнот сўнггида устоз бундай деди:

«Судан аҳли ва исломий юртлардаги бошқа мусулмонлар Пайғамбарлик минҳожи асосидаги рошид Халифалик давлатини барпо этишга ҳаракат қилмоқлари лозим. Зеро, Халифалик давлатигина юртларимиз суверенитетини кафолатлаб, мустамлакачи кофирнинг чўзган қўлини чопиб ташлайди. Ҳатто АҚШ, Британия ва мусулмон юртларига кўз олайтираётган бошқа давлатларнинг юртларимизда элчихоналари ҳам, элчилари ҳам бўлмайди».

Роя газетасининг 2022 йил 21 сентябр чоршанба кунги 409-сонидан