بِسْمِ اللهِ الرَّحْمٰنِ الرَّحِيمِ

Абдуллоҳ IIнинг нажас Нетаньяхуни кутиб олиши Иордания аҳлига душманликдан бошқа нарса эмас

Яҳудий вужуди бош вазирининг Иорданияга келиши ва бу вужуд тинимсиз жиноятлар қилаётган бир пайтда, қироллик саройида мамлакат қироли томонидан кутиб олиниши ҳақида Ҳизб ут-Таҳрир – Иордания вилояти матбуот бўлими баёнот нашр қилиб, қуйидагиларни таъкидлади:

«Нетаньяхунинг Иорданияга келиши Абдуллоҳ режимининг ўз стратегик муносабатларидан ҳамда унинг яҳудий вужудини муборак заминда мустаҳкамлашдек мустамлакачи Ғарб чизиб берган ролидан асло воз кечмаслигини кўрсатмоқда. Шунингдек, яҳудийларнинг ҳар қанча душманлик ва террорчилик қилишларига қарамай, улар билан ўзаро ва минтақалараро сиёсий, иқтисодий ва хавфсизлик шартномаларини имзолаш ҳамда Иордания аҳли, унинг суверенитети, куч-қудрати ва ҳурмат-иззати ҳисобига яҳудий вужуди билан муносабатларни нормаллаштириш орқали уни тириклик воситалари билан таъминлашдан ҳеч воз кечмаслигига ҳам далолат қилмоқда».

Матбуот баёнотида яна бундай дейилди:

«Иорданиядаги одамлар яҳудий вужуди билан бўладиган ҳар қандай алоқада хорлик ва шармандаликдан бошқа нарсани кўрмаяптилар. У билан тинчлик, дея иддао қилинаётган шартномалардан қашшоқлик, мутелик ва юртнинг зое кетиши каби «самара»лардан бошқа нарсани олмадилар. Халқимиз Фаластин масаласининг ечимини яҳудийларга қарши жанг қилиш деб, яъни фақат ҳарбий ечим ўлароқ кўрадилар. Чунки улар ўзларининг бунга тайёргарлик ва сон-саноқ жиҳатидан қодир эканликларига ва бунинг уддасидан чиқа олишларига ишонадилар».

Баёнот сўнггида Иордания аҳлига хитобан бундай дейилди:

«Биз яҳудий вужудининг сизга, Фаластин аҳлига ва бутун мусулмонларга душман эканини таъкидлаймиз. Бу вужуд Фаластин аҳлига очиқ душманлик қилиб, на халқаро қонунни тан оляпти, на икки давлат ечимини ва на битта давлат ечимини. Ҳатто ҳукмдорларингизни ҳам – ҳар қанча бу вужудга ён бериб, у билан муносабатларни нормаллаштиришларига ва унга итоатгўйлик қилишларига қарамай – заррача ҳурмат қилмаяпти. Яҳудий вужуди билан бўлган муаммонинг бирдан бир ечими бу вужудни илдизи билан қўпориб ташлашдан иборат. Бу эса, мусулмонлар армияларини мусулмонлар сифатида сафарбарлик қилиш билангина амалга ошади. Бу босқинчи вужуд шунчалик заиф нимжонки, агар мустамлакачи кофир ва исломий юртларимиздаги унинг малайлари томонидан тириклик воситалари билан таъминланмаганда эди, бир зум ҳам оёғида туролмас эди.

Роя газетасининг 2023 йил 1 феврал чоршанба кунги 428-сонидан