Америка Ўзбекистондан геосиёсий мақсадларини рўёбга чиқаришда фойдаланмоқда
Америка Ўзбекистондан геосиёсий мақсадларини рўёбга чиқаришда фойдаланмоқда
بِسْمِ اللهِ الرَّحْمٰنِ الرَّحِيمِ
“Дунё” ахборот агентлиги мухбирининг хабар беришича, яъудий вужудининг етакчи нашрлари ўзи билан Ўзбекистон ўртасидаги иқтисодий алоқаларнинг мустаҳкамланишига доимий равишда катта эътибор қаратмоқда. Хусусан, етакчи “Bhol.co.il” портали Наманган вилоятида инвестиция лойиҳасини муваффақиятли амалга ошираётган яҳудий тадбиркорнинг тажрибасига бағишланган репортаж эълон қилди.
Босқинчи яҳудий вужуди Ғазода чексиз ҳарбий жиноятларини давом эттираётган бир пайтда, Ўзбекистонда бемалол фаол бизнес юритаётгани Наманган вилоятидаги тўқимачилик инвестицион лойиҳаси мисолида яққол кўриниб турибди. Инвестор Авраам Хаимнинг сўзларига кўра, у Ўзбекистондаги хавфсизлик, ишончлилик ва оддий халқнинг самимий муносабатидан илҳомланган ҳолда ўз лойиҳасини бошлаган. У раҳбарлик қилаётган “Meleh Tex” компанияси Намангандаги бир нечта тўқимачилик фабрикалари орқали юзлаб маҳаллий ишчиларнинг ишчи кучидан фойдаланиб, ҳар йили 20 миллион долларлик маҳсулот ишлаб чиқаришни мақсад қилган.
Мақолада қайд этилишича, бу каби лойиҳалар икки томонлама савдо ҳажмини ошириб, бошқа яҳудий вужуди тадбиркорлари учун Марказий Осиё бозорига чиқишда намуна бўлиб хизмат қилади. Шунингдек, яқинда ижтимоий тармоқларда тарқалган видеода Хатирчи тумани ҳокими Умиджон Адизов хорижда истиқомат қилувчи Бухоро яҳудийларини расман кутиб олиб, улар учун эшиклар доимо очиқ экани, улар ҳамма вақт қадрланишини қайта-қайта таъкидлади. Туман раҳбари туризм, иқтисодиёт сингари соҳаларда фаолият юритиш учун уларга кенг имкониятлар берилишини айтди.
Бу каби дипломатик ифодалар яҳудий диаспораси орқали яҳуд вужуди билан алоқаларни кучайтиришга хизмат қилиши билан бирга, расмий сиёсатнинг ички маҳаллий даражада ҳам мувофиқлаштирилганини кўрсатади. Чунки вилоят, туман ва шаҳар ҳокимларини амалда Президент администрацияси тайинлайди ҳамда президент сиёсати ва фармонларини жойларда амалга оширади. Шунинг учун айтиш мумкинки, Ўзбекистон ҳукумати туризмни ривожлантириш ва инвестиция жалб этиш ниқоби остида яҳудий вужудининг Ғазодаги жиноятларини оғизда танқид қилаётган бўлса-да, амалда эса қўллаб-қувватламоқда. Шунингдек, Ўзбекистон аҳолисининг 96%-97% мусулмон экани инобатга олинса, Ғазодаги геноцид-қатлиомлар фонида бу жиноятчи вужуд билан иқтисодий алоқаларни кучайтириш ички мусулмон халқ норозилигини келтириб чиқаришидан ўзбек режими чўчимаётганини кўрсатади.
Шунингдек, яҳудий вужуди иқтисодий нуфузини кенгайтириш ва Ғазодаги кескинликдан четда турган давлатлар орқали ўзига “молиявий таянч” яратишни кўзлаётганини Америка Озарбайжон орқали Ўзбекистонни халқаро геосиёсий мақсадларининг янги фронтига айлантираётгани эътиборида ҳам тушуниш мумкин. Чунки Ўзбекистон ўз ҳудудида яҳудийларга туризм ва иқтисодий имтиёзларни бераётгани Озарбайжон билан тобора кучайиб бораётган алоқалари фонида амалга ошяпти. Маълумки, Озарбайжон яҳудий вужудининг минтақадаги энг яқин стратегик иттифоқчиларидан бири ҳисобланади. Икки томон ҳарбий-техник ҳамкорлик, разведка маълумотлари алмашинуви ва энергетика соҳаларида кенг қамровли муносабатларга эга.
Худди шундай, Трамп маъмурияти Иброҳим келишувлари сиёсати доирасида Жанубий Кавказ ва Марказий Осиё режимларини яҳудий вужуди билан яқинлашувга рағбатлантиряпти. Ҳозирча Ўзбекистон Иброҳим келишувларини расман имзоламаган бўлса-да, у Озарбайжон билан бирга келишув атрофидаги иттифоққа айланиши мумкин.
Озарбайжон президенти ёрдамчиси Ҳикмат Ҳожиев ва яҳуд бош вазири Биньямин Нетаньяҳу 2025 йил 18 феврал куни Қуддусда учрашиб, стратегик алоқалар ва Иброҳим келишувларини кенгайтириш имкониятларини муҳокама қилди. “Озарбайжон сўнгги ўттиз йил давомида мусулмон оламида (исроил)нинг энг ишончли ҳамкорларидан бири бўлиб келмоқда”, – деди (исроил)нинг юқори мартабали расмийси The Jerusalem Post газетасига. “Унинг минтақавий хавфсизлик архитектурасидаги стратегик аҳамиятини юқори баҳолаш лозим”. Айни пайтда, Бегин-Садат номидаги Стратегик тадқиқотлар маркази “Трампнинг минтақавий режалари ва (исроил) манфаатларига Озарбайжонни қандай қилиб самарали жалб қилиш керак: амалий тавсиялар” номли махсус таҳлилий ҳисоботни эълон қилди. “АҚШ ва (исроил) Озарбайжоннинг “Катта Яқин Шарқ” янги архитектурасидаги имкониятларидан тўлиқ фойдаланишлари учун расмий тўсиқлар бартараф этилиши лозим”, – дейилади ҳисоботда. Озарбайжоннинг яҳудий вужудидаги элчиси Мухтор Мамедов кейинчалик Кнессетдаги Иброҳим келишувлари бўйича гуруҳ ҳамраислари билан учрашди. Кнессет сессиясида яҳуд депутатлари Иброҳим келишувларини Озарбайжонга ҳам кенгайтириш ва мамлакатни АҚШ билан яқинлаштириш тарафдори эканликларини билдирди. Шу ўринда айтиш мумкинки, Марказий Осиё режимлари энергетика, мудофаа ва бошқа муҳим соҳаларда ўзаро ҳамкорлик қилиши учун Туркий давлатлар ташкилоти доирасида бирлашиши ортида Америка Туркия етакчилигида Озарбайжон ҳамда Марказий Осиёнинг икки муҳим давлати – Ўзбекистон ва Қозоғистонни АҚШ ва яҳудий вужуди архитектурасига фаол жалб қилмоқда.
Бугунги кунда мусулмон юртлардаги малай режимлар Америка каби мустамлакачи кофир давлатлар билан Ғазо, Кашмир ва Уйғурдаги мусулмонларнинг қони, жони ва моли устида савдолашмоқда. Бу билан улар улкан хиёнатга қўл урмоқда.
«لِكُلِّ غَادِرٍ لِوَاءٌ يَوْمَ القِيَامَةِ، يُرْفَعُ لَهُ بِقَدْرِ غَدْرِهِ، أَلَا وَلَا غَادِرَ أَعْظَمُ غَدْرًا مِنْ أَمِيرِ عَامَّةٍ»
“Ҳар бир хоин учун Қиёмат кунида бир байроқ бўлади. Унинг хиёнати миқдорига қараб бу байроқ кўтарилади. Билингларки, омма раҳбарининг хиёнатидан каттароқ хиёнат йўқдир”. (Саҳиҳ Муслим, 1735)
Устоз Абдул Азиз Ўзбекий
Роя газетаси: 559-сон
