Халифалик Барак ва унга ўхшаган мустамлакачиларнинг илдизига болта уради

Ҳизб ут-Таҳрир Марказий матбуот бўлими томонидан тарқатилган матбуот баёнотида қуйидагилар айтилди:

Америкасининг Сурия ва Ироқ бўйича махсус вакили ҳамда Туркиядаги элчиси Том Баракнинг Аллоҳ танлаб олган пайғамбарларга нисбатан айтган беодоб гаплари бир ёқда турсин, унинг сўзларида кўзга яққол ташланиб турган ҳақиқатларни атайлаб бузиб кўрсатиш ва уларни яшириш ҳолати ҳам бор. У 2026 йил 20 октябрь, сешанба куни Қатар пойтахти Доҳа шаҳрида бўлиб ўтган Жаҳон хавфсизлиги форуми тадбирларида иштирок этиб, шундай деди: «Агар Аллоҳ ушбу минтақага юборган пайғамбарлар сонига назар ташласак, бизда 55 нафар насроний пайғамбар, 100 нафардан ортиқ исломий пайғамбар ва яна 50 нафар яҳудий пайғамбар бор. Уларнинг бирортаси ҳам бу вазиятни ҳал қила олмади. Шунинг учун биз уни бир неча йил ичида ҳал қила оламиз, деб ишониш эҳтимоли жуда кам».

Баёнотда исломий юртлар ҳазорат, тараққиёт, адолат ва ҳақиқат бешиги, ҳар бир мазлум ва заиф учун паноҳгоҳ бўлгани таъкидланиб, қуйидагилар айтилди:

«Яқин Шарқ минтақаси ва мусулмон юртлари бир неча асрлар давомида — бугунги давлатининг умридан беш баравардан ҳам кўпроқ вақт мобайнида — бутун дунё учун нурли машъал, бутун инсоният қалблари интиладиган маскан бўлиб келган. У ҳазорат, тараққиёт, адолат ва ҳақиқат бешиги эди. Ҳар бир мазлум унга паноҳ тортар, ҳар бир заиф унинг ҳимоясига суянар эди. У ўзининг жасур қўшинлари ва буюк мафкураси билан дунё бўйлаб яхшилик ва раҳм-шафқатни ёяр эди. Ғарб подшоҳлари ўз шаҳзода фарзандларини Халифалик давлатига юборишни илтимос қилар, улар бу ерда илм, одоб, ахлоқ ва юксак дидни ўрганар эдилар».

Баёнотда, шунингдек, Баракнинг жинояткор салафлари уюштирган фитналар оқибатида юртларимиз етакчилик мавқеидан маҳрум бўлгани баён қилинди:

«ХХ аср бошларига келиб, бутун кофир Ғарб давлатимизга барҳам бериш, Исломни бошқарувдан ва халқаро майдондан четлатиш учун бизга қарши тил бириктирди. Унинг ўрнига капитализм ва Ғарб мустамлакачилигини жорий этди. Бу мустамлакачилик аввал Европа мустамлакачилиги эди, кейин унга Америка мустамлакачилиги ҳам қўшилди. Улар бизга ўзимиздан бўлган, бироқ ўзига малай ҳукмдорларни тайинладилар. Бу ҳукмдорлар уларнинг буйруқларига бўйсунадилар, юртларимиздаги мустамлакачилик манфаатларига хизмат қиладилар. Хўжайинларининг манфаати учун юртларимизни қашшоқликка маҳкум этдилар ва халқларимизни оғир азобларга дучор қилдилар!»

Баёнотда яна шундай дейилди:

«Мажнун Барак номидан гапираётган Америка дунёдаги энг йирик мустамлакачи давлатдир. Ҳукмдорларимиз унга садоқат ва итоат билан боғланганлар. Америка қўшинлари юртларимизда унинг парчаланиши, мустамлака остида қолиши ва ўзига бўйсунишини таъминлаш учун жойлаштирилган. У муборак заминда яҳудий вужудини мустаҳкамлашдан ҳам тўхтамади. Ироқ ва Афғонистонни йигирма йилдан ортиқ вақт давомида босиб олди. Бу орқали юртларимиздаги мустамлакачилигини мустаҳкамлашга ва Халифалигимизни қайта тиклашга йўл қўймасликка уринди. Энди эса Барак минтақада ҳал қилиниши керак бўлган муаммолар ҳақида гапирмоқда. Гўё унинг ва унинг раҳбарлари ҳамда унга ўхшаган мустамлакачиларнинг юзини кўргунимизга қадар бизда умуман муаммо бўлмагандек!»

Баёнотда яна қуйидагилар тушунтирилди:

«Аллоҳ таоло саййидимиз Муҳаммад ﷺни ҳидоят ва нур элтувчи Расул қилиб юборди. Аллоҳ таоло айтади:

﴿يَا أَيُّهَا النَّبِيُّ إِنَّا أَرْسَلْنَاكَ شَاهِداً وَمُبَشِّراً وَنَذِيراً ۝ وَدَاعِياً إِلَى اللَّهِ بِإِذْنِهِ وَسِرَاجاً مُّنِيراً﴾

«Эй Набий! Албатта, Биз Сени гувоҳлик берувчи, хушхабар элтувчи, огоҳлантирувчи, ҳамда Аллоҳнинг изни ила Унга даъват қилувчи ва нур сочувчи чироқ қилиб юбордик.» (Аҳзоб сураси, 45–46-оятлар).

﴿هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ﴾

«У (Аллоҳ) Ўз Расулини ҳидоят ва ҳақ дин билан юборган Зотдир» (Тавба сураси, 33-оят).

Шу тариқа инсониятнинг ишлари изга тушди. Чунки унга ҳаниф Ислом ўз рисолати билан етиб келди. Инсоният фақат Исломга қарши уруш очилиб, у бошқарувдан четлатилганидан кейингина ўз тўғри йўлидан оғди ва таназзулга юз тутди. Мустамлакачилик эса ўзининг маккорлиги ва чириган ҳазораси билан келиб, мусулмонларни шу йўл билан азоблашга, уларга ҳаётнинг машаққати, хорлик ва зулм аччиғини тоттиришга киришди».

Матбуот баёноти қуйидаги таъкидлар билан якунланди:

«Минтақани ва бутун дунёни капитализмнинг ёвузликлари, капиталистик ҳукмдорларнинг бузғунчилиги ва улар тарқатаётган фасоддан фақат пайғамбарлик минҳожи асосидаги иккинчи Рошид Халифалик давлатининг қайта барпо этилиши қутқаради. Бу давлат ишларни ўз изига солади, минтақа ва инсониятга яхшиликни қайтаради ҳамда Америка ва барча мустамлакачиларнинг илдизига болта уради».

Аллоҳ таоло айтади:

﴿إِنَّ الأَرْضَ لِلّهِ يُورِثُهَا مَن يَشَاءُ مِنْ عِبَادِهِ وَالْعَاقِبَةُ لِلْمُتَّقِينَ﴾

«Албатта, ер Аллоҳникидир. Уни бандаларидан Ўзи хоҳлаган кишига мерос қилиб беради. Оқибат эса тақводорларникидир». (Аъроф сураси, 128-оят).

Роя газетасининг 2026 йил 4 ноябр чоршанба кунги 624-сонидан