بسم الله الرحمن الرحيم

Роя газетаси:

Трампнинг стратегик масалалар бўйича бош маслаҳатчиси Исломга қарши салибчилик урушидан манфаатдор

Исломга нисбатан Бэннон позицияси ва минтақа кураши

5 феврал якшанба куни «Арабий 21» сайтида нашр қилинган бир мақолада АҚШ президенти Трампнинг стратегик масалалар бўйича бош маслаҳатчиси Стивен Бэннон «Исломга қарши кураш олиб бориш орқали Америка миллий манфаати улуғлигини» қайта тиклашдан манфаатдор экани айтилди.

Мақолага кўра, бошқа маслаҳатчиларга нисбатан Трампга кўпроқ таъсир ўтказувчи Бэннон кўпинча, Нетаньяхунинг гапларидан, аниқроғи «экстремистик Ислом, юқори даражада таҳдид туғдирувчи саратон бези ҳисобланади», деган гапидан таъсирланган.

Мақолада таъкидланишича, Бэннон Трампга қўшилишидан олдин Брит-Брит ўнгқанот сайтини бошқарган ва унда мақолалари чиқиб турган. Шу мақолаларига мурожаат қилинадиган бўлса, Бэнноннинг Яъжуж ва Маъжуж уруши келиб чиқишига ишониши маълум бўлади ҳамда унда салибчилик урушлари пайтида машҳур бўлган Европа адабиётларидан аниқ таъсирлангани таъкидланади.

Шунингдек, Бэннон насронийларнинг Исломга қарши муқаддас уруш эълон қилишлари каби салибчилик урушларининг «маънавий» сабабларига ишониши ҳам қўшимча қилинади. Сўнг салибчилик урушлари ўша пайтда мусулмонларни жиҳоднинг фарзлигига қайта амал қилишга ундагани таъкидланади.

Яҳудий тарихчи Шелиф мақолалардан бирида келган Бэннон сўзларидан иқтибос келтириб бундай дейди: «Ҳозирда юз бераётган ҳодисалар, салибчилик урушларида юз берган ҳодисаларнинг аксидир. Чунки бугун айнан Ислом Ғарбни босиб олиш ва вайрон этиш учун ўз йўлида юрибди. Ғарб эса илмоний ва либераллар қўлида қудрати емирилиб тугаб бўлди».

Шелиф эса Бэннон даъво қилаётган воқеликдан ўзгача, деб билади. Чунки кўплаб яҳудий тарихчилар фикрича, тарихий воқеа-ҳодисалар асрлар мобайнида яҳудийлар бошдан кечирган жазоларга мусулмонлар эмас, насронийлар жавобгар эканига далолат қилади. (Арабий 21, 2017 йил 5 феврал).

Роя газетасининг 2016 йил 8 феврал чоршанба кунги 116-сонидан