بِسْمِ اللهِ الرَّحْمٰنِ الرَّحِيم

Демократиядан зада бўлдик!

Олдимизда 2017 йилги сайловларга икки ойдан озроқ вақт қолди. Бу сайловлар ўн иккинчи парламент учун бўлади. Одатдагидек, сиёсий партиялар қўллови остида қабилачиликка асосланган коалициялар тузилди. Коалициялар раҳбарлари оддий халқни алдаб-авраб сайловларда қатнашишга рағбатлантириш учун уларга маблағлар тарқатишмоқда. Ҳатто сайловлардан олдин ҳам демократиянинг ифлослиги яққол сезилди: Сайловолди чора-тадбирларини кўраётган партиялар юртда турли тартибсизликлар, бошбошдоқлик ва қотилликларга қўл урди! Ҳеч шубҳа йўқки, бу демократиянинг аҳмоқоналигидир. Ахир, у воқеда жамиятларни бирлаштиришга муваффақ бўлолмаганидан ташқари, ҳатто очкўзлик, қабилачилик ва коррупцияга кенг йўл очиб берди.

Мусулмон диаспора учун бу сайловлар полициянинг мусулмонларга қарши амалиётларидан бир неча йил ўтганидан кейин келди. Мусулмонлар кўпчиликни ташкил қилувчи соҳил минтақаларида, шимоли шарқий минтақаларда ва Найроби шаҳрида мусулмон йигитлар полиция қўлида изсиз йўқолган эди. Эйстли аҳолиси чеккан азоб-уқубатни ҳеч ким унутгани йўқ. Ўшанда улар «Usalama Watch», деб аталган амалиёт орқали уйларидан зўрлаб ҳайдаб чиқарилиб, қаҳратон совуқда футбол майдонига жойлаштирилгандилар… Ҳукумат йирик Ғарб давлатлари босими билан бу каби стратегик чора-тадбирларни тез-тез қўллаб туради ва табиийки буларни, «терроризм, экстремизм ва зўравонлик»ка қарши кураш доирасида олиб боради.

Шунинг учун бу сайловлар мусулмонлар келажагини кўплаб савол остига қўймоқда. Тўғри, раҳбарлар орасида мусулмонлари ҳам бор ва улар юртдаги мусулмонларни овоз беришга тарғиб қилишяпти. Бироқ бу тарғиботлар мусулмонлар эътирозларига дуч келяпти. Чунки «терроризм»га қарши курашнинг энг биринчи қурбонлари шу мусулмонлар бўлмоқдалар. Шунга қарамай, парламентдаги мусулмон депутатлар ва уларга қарашли партиялар курашда мусулмонлар манфаати йўлида кўп ваъдалар беряпти, аммо мусулмонларнинг аҳволи баттар ёмонлашмоқда.

Гарчи сайловларга ҳали анча бор бўлса-да, унинг ҳароратини ҳозирданоқ сезиб турибмиз. Гап шундаки, сайловлар бошланганда энг муҳим нарса сайлов ва унинг устувор вазифалари бўлиб қолади, қолган нарса аҳамиятсиз нарсага айланади. Иқтисод, таълим, соғлиқни сақлаш ва хавфсизлик каби масалалар, ҳатто қурғоқчилик, сув тошқини, шифокорлар иш ташлаши каби офатлар… буларнинг барчаси сайловлардан сўнг иккиламчи масалаларга айланиб қолади. Буларга эътиборни қаратиш, асосан, овоз олиш учун халқ базасини қўлга киритишга ҳаракат қилиш мақсадида бўлади.

Бинобарин, сайловлар пайтида такрорланадиган ҳар сафарги ишлардан нега сабоқ олмаймиз?! Ўртага ташлаш шарт бўлган савол шуки, сайловлардан олдинми, кейинми ёки ўша пайтдами нега биз бу демократик сиёсий режим сафида курашишимиз керак, ахир, унинг узоқ вақтдан бери қимирламай турганини билмаймизми?! Ваҳоланки, оддий инсонлар ўзгариш бўлади, деган умидда сайловларда қатнашсалар ҳам уларга нисбатан вазият тобора мураккаблашиб бораётганини биламизку?!

Биз ҳар сафар сайловларда қатнашиб, бунга вазиятнинг янада ёмонлашиб кетиши мумкин деган ҳадикни ҳужжат қиляпмиз ёки уларда қатнашишимиз ўзгаришни олиб келиши мумкин, дея ёлғон умидларга боряпмиз!

أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللّهِ حُكْماً لِّقَوْمٍ يُوقِنُونَ

«Динсизлик ҳукмрон бўлишини истайдиларми?! Имонлари комил бўлган қавм учун Аллоҳдан ҳам гўзалроқ ҳукм қилгувчи ким бор?!»                     [Моида 50]

Ҳизб ут-Таҳрир-Кения демократик сайловларда қатнашишга оид шаръий ҳукмни доим баён қилиб келди. Биз мусулмонларга қайғуришимиз сабабли, бу ҳукмни яна такрор баён қилишдан эринмаймиз. Аммо баъзилар сайловларга оид бу ҳақиқатдан кўзлари ва қулоқларини юмиб олишмоқда. Аллоҳ Субҳанаҳу ва Таолонинг буйруқлари ичида сайловларда иштирок этиш масаласининг ҳаромлиги ҳукми аниқ-тиниқ кўрсатиб берилган. Огоҳ бўлинг, бу эртага куфр билан ҳукм юритадиган раҳбарни ёки қонунлар ишлаб чиқадиган инсонларни сайлашга оид ҳаром, деган ҳукмдир. Аммо биз мусулмонларга нисбатан эса, маълумки, қонун чиқариш Аллоҳ Субҳанаҳу ва Таолога хосдир, бинобарин, башарият ўз ҳаётларини Аллоҳнинг ушбу шариати асосида юргизиб, бошқармоғи шарт:

إِنِ الْحُكْمُ إِلاَّ لِلّهِ

«Ҳукм фақат Аллоҳникидир»      [Юсуф 40]

Сайлов ва унда овоз бериш аслида Исломда мубоҳ. Бироқ, Ислом ақидаси ва аҳкомларига зид асосда бўладиган бўлса, унда қатнашиш ҳаромга айланади. Демократия капитализм идеологиясининг сиёсий тузуми бўлиб, капитализмнинг ўзи илмоний, яъни динни ҳаётдан ажратиш ақидасидан келиб чиққан. Бинобарин, Холиқ ва унинг қонунлари ҳам инсон ҳаётидан четлатилган бўлиб, Инсон ўзининг дунё ҳаёти учун асос сифатида ишлаб чиқадиган қонунчиликнинг роли чекланган ва ноқис бўлади. Мана шу аниқликдан келиб чиқиб айтиш мумкинки, инсон қонунни ўзи тўғри ёки нотўғри, деб ҳисоблаган асосда ихтиёр қилади. Оқибатда бу макон, муҳит, вақт, шароит ва вазиятга қараб ўзгараверади. Бир иш яхши, деб ҳисобланган бўлса, замон ва маконга қараб, у ёмонга айланиб қолади ёки аксинча. Шуни ҳам эътиборга олиш лозимки, айни идеологиядаги ўлчов манфаатдир.

Исломда эса, яхшилик ва ёмонлик шариат асосида ўлчанади ва ўзгармайди ҳам, таъсирланмайди ҳам. Аксинча, инсон муаммолари, ҳар жойда ва ҳар вақт, шу яхшилик ва ёмонлик асосида ҳал этилади. Бинобарин, инсонга қонун чиқариш ҳуқуқини бериш, Аллоҳ Субҳанаҳу ва Таолонинг тавҳид тушунчасига бевосита қарама-қарши бўлган мафкурадан, яъни динни ҳаётдан ажратиш мафкурасидан таъсирланади. Бундан ташқари, айни илмоний ақидада хўжайинлик Аллоҳ Субҳанаҳу ўрнига, инсонга берилган, яъни бирор нарсага бўлган рухсатни башарият Парвардигори эмас, башарият беради. Бундай ақида албатта куфрдир. Хўш, мусулмон инсон, одамларни Аллоҳ аҳкомларидан бошқа нарса билан ҳукм юритишга ва Аллоҳ шариатига зид қонунларни ишлаб чиқишга етакловчи бундай сайловларда қандай қилиб қатнашиши мумкин?! Ҳар қандай дастак билан бўлмасин, бундай сайловларда қатнашиш Аллоҳ Таолонинг хўжайинлиги ўрнига, инсон хўжайинлигини тан олишни англатади ва бу мутлақ ҳамром ҳисобланади.

Эй мусулмонлар!

Аллоҳ Таоло Ўзининг энг шарафли халқи Муҳаммад Мустафо САВга нозил қилган, ул зот бизга гўзал суратда етказган нарсага, яъни Исломга рози бўлмайсизларми?! Рози экансиз, у ҳолда, нега инсоннинг чекланган ақлининг маҳсули бўлган ва баъзи ахлоқан бузуқ кимсалар ишлаб чиққан нарса ортидан чопиб, залолатга ботяпсиз?! Биз мусулмон бўлганимиз боис, зиммамизга Исломга имон келтириш ва уни ғайримусулмонларга ҳаёт учун энг комил йўл сифатида етказиш вазифаси юкланган, чунки унда оламни бугунги кундаги барча балою офатлардан қутқариш учун лозим бўлган барча саволларга жавоб бор! Бизнинг вазифамиз, Исломга тўғри йўл сифатида, асл шаклида даъват этиш ҳамда бугун бутун дунёда ҳукм юритилаётган капиталистик мафкура ва унинг демократик тузумининг хатарларини кўрсатиб беришдан иборат. Зотан, одамлар устидан татбиқ этилаётган бузуқ капиталистик тузумдан зада бўлганлар. Бу аҳволни Африка қитъасида, хусусан, Кенияда бошқа ерларга нисбатан яққолроқ кузатиш мумкин. Яъни бу юрт улкан бойликларни ўзида мужассам этишига қарамай, капитализм уни қашшоқ давлатга айлантирди, юрт қабилавий низолар ва тугамас урушлардан боши чиқмай қолди. Бунинг устига, АҚШ ва Европа манфаатларини ҳимоя қилиш учун империализм ҳам ҳукм сурмоқда. Жамиятлар бундай вазиятдан шу даражада зада бўлганларки, капитализмга ҳеч қандай альтернатив томолмаяптилар, чунки Исломнинг соғлом мафкураси уларга ёмон қилиб тасвирланган. Шунинг учун уларни соғлом мантиқ асосида далиллар билан даъват қилмоғимиз даркор. Қачонгача бу мусулмонлар Исломдек неъматдан маҳрум бўлиб, демократия ботқоғида қолаверадилар?! Зеро, демократиядаги хоҳ рақобат, хоҳ қўллаб-қувватлов ёки ундаги сайловларда иштирок этиш бўлсин, буларнинг барчаси уни Исломга қарши кучайтиради. Биз эса, инсонга моли ҳам, фарзандлари ҳам ёрдам беролмайдиган қиёмат кунида Аллоҳ Субҳанаҳу ва Таолога бу ҳақда албатта жавоб берамиз, буни билмаймизми?!

Капиталистик мафкура ва унинг ҳукмрон демократик тузуми Африка қитъасига, хусусан, Кенияга етиб келгандан буён, бизга заррача яхшилик келтирмади. У Кенияга босиб олиш ва бойликларини талон-тарож қилиш мақсадида Британия империяси қўли билан ўрнатилган. Бугун ҳам ўша-ўша, ҳеч нарса ўзгаргани йўқ… босқинчилар юртни тарк этишлари ортидан бизга сохта мустақиллик беришди, аммо вазиятни ўз назоратлари остида қолдиришди, улар ўрнатган малай раҳбарлар, юртни ўзларининг шахсий манфаатлари асосида бошқаришяпти. Улар халққа – юрт сиёсати сизнинг орангиздан сайланган раҳбарлар қўли билан татбиқ этилади, сиз фуқаролар уларни бир неча йил ичида янги-янги сайлаб турасиз, деган фикр ва умидларни сингдиришга маваффақ бўлишди. Шу даражадаки, одамлар босқинчилик ҳануз мавжуд, фақат унинг шакли бошқача, холос, сиз иштирок этаётган ўзгартириш амалиёти бундай кимсалар орқали ҳаргиз рўёбга чиқмайди, бу хомхаёлдан бошқа нарса эмас, деган ҳақиқатни бутунлай кўрмайдиган бўлиб қолдилар.

Эй мусулмонлар!

Дунё империалистик капитализм мафкурасидан умид қилган эди, лекин умидлари пучга чиқди. Ҳатто ривожланган дейилаётган дунё давлатларининг ҳам умиди пучга чиқди. Чунки ўша ривожланган давлатларда ҳам капиталистик мафкура озчиликка фойда келтиради. Аммо бу мафкурани ушлаб турган нарса, унинг демократик тузуми бўлиб, у одамларга ўзгариш ва янгилик бўлиши тўғрисида умид бермоқда… Бироқ аслида, бу тузум бутунлай яроқсиз, одамлар тугул ҳатто ҳайвонларни бошқаришга ҳам ярамайди! Биз мусулмонларда эса, альтернатив бор. У исломий мафкура ва ундаги бошқарув тузуми, яъни Аллоҳ Субҳанаҳу ва Таолодан келган ваҳига асосланган Халифалик тузумидир. Ушбу одил тузум башарият ўртасидаги ўзаро муносабатларни Аллоҳ томонидан Росули САВга нозил бўлган ваҳи асосида тартиблаштириш орқали адолат ўрнатади. Чунки бу тузумда бизнинг заиф нуқталаримизнинг ҳам, муҳтож бўлган нуқталаримизнинг ҳам шифоли ечими мавжуд. Зиммамизга юкланган вазифа шундан иборатки, Исломни бутун башарият учун мукаммал ечим ва ҳаёт учун дастур сифатида етказайлик, хавфсизликни таъминловчи тузум ҳам, капиталистик тузум оқибатида кенг томир отган коррупцияни йўқ қилувчи тузум ҳам Ислом эканини баён қилайлик. Шунингдек, ғайримусулмонларга Исломни ёритиб беришимиз ва Исломнинг қайтишидан қўрқаётган империализмни мақташларига чек қўймоғимиз лозим. Капитализм ўлди, бироқ унинг ўлимини ўзи эълон қилмайди, балки Ислом эълон қилади ва шу орқали одамларни узоқ вақтдан бери давом этаётган ғафлат уйқусидан уйғотади. Демак, жим туришимиз ва ишлар ўзи тўғриланиб кетади дея, орзу қилишимиз учун бизда ҳеч қандай узр қолмаган. Аксинча, биз бундай машаққат ва қийинчилик остида яшаш ва қиёмат кунидаги азобга гирифтор бўлиш ўрнига, ушбу ўзгартиришни Пайғамбарлик минҳожи асосида қилмоғимиз даркор.

Биз Ҳизб ут-Таҳрир-Кения аъзолари мусулмонларга бутун дунёга ҳукмронлик қилаётган мустамлакачилик азобларидан башариятни қутқарадиган ҳақиқий ўзгаришни пайдо қилиш йўлида ҳаракат қилиш лозимлигини эслатамиз. Ҳар бир ақлирасо инсонни Исломни ўрганишга чақирамиз, ҳеч қандай ўзгариш келтирмайдиган бирин-кетин бўлаётган сайловларга ишонмай, Исломни башариятни муқаррар ечим билан таъминлайдиган ва барқарорлик келтирадиган альтернатив тузум сифатида ўрганишга даъват қиламиз. Аллоҳ Субҳанаҳу ва Таоло бундай деди:

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى

«Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни қиёмат кунида кўр ҳолда тирилтирурмиз»     [Тоҳа 124]

Ҳизб ут-Таҳрир                                                                  7 шаввол 1438ҳ

Кения                                                                                       1 июл 2017м