بِسْمِ اللهِ الرَّحْمنِ الرَّحِيمِ 

Матбуот баёноти

Даниялик сиёсатчилар исломий мактабларга нисбатан ўзларида мустамлакачилик ақлияси мавжудлигини фош этишмоқда

Ўтган ҳафта мобайнида Даниядаги ахборот воситалари яна исломий мактаблар масаласига диққатни қаратди. Бу масалага Социал Демократлар партиясидан Интеграция масаласи бўйича вазирлик матбуот воизи Дэн Йоргенсен қарори ортидан эътибор қаратилди. Қарорда унинг партияси исломий мактаблар масаласида Дания ўнг қанот Халқ партияси билан бир хил фикрга келганини, икки томон ҳам мустақил мактаблардан давлат субсидия-ёрдамини бекор қилиш орқали исломий мактабларни ёпишни истаётганини, чунки ўқувчиларнинг ярмидан кўпида аксилғарбча томонлар мавжудлиги айтилган.

Биргина ўтган йилнинг ўзида ҳукумат махсус мактаблар устидаги ўз назоратини кучайтириш мақсадида улар билан боғлиқ қонунга ўзгартиш киритган. Янги қонунга кўра айни исломий мактабларга «ўқувчиларда демократик маърифатни мустаҳкамлаш ва ривожлантириш» мажбурияти юклатилган.

Буларнинг барчасидан исломий мактабларга солинган «чангални кучайтириш» кўзлангани яққол маълум. Бундан ташқари, назоратчиларга маънавият полицияси сифатида, ўқувчиларнинг «демократик психологияси»ни тестдан ўтказиш вазифаси билан ўқитувчилар, мактаб директорлари ва аҳолининг иштирокисиз шуғулланиш имконияти ҳам берилган.

Ҳозир бу сиёсатчилар махсус мактабларни яна нишонга олишяпти. Ваҳоланки, кўплаб тадқиқотлар исломий мактабларнинг таълим масаласида ҳукумат мактабларига нисбатан юқори сифатда эканини кўрсатмоқда. Исломий мактабларга бундай очиқ-ошкор ҳужумларнинг тўхтамаётгани сабаби ўқувчиларни Ғарб жамиятига қориштириш-интеграция қилишдир. Сиёсатчиларга кўра, ўқувчилар Ғарб қадриятлари ва илмонийлик маърифатини олишлари, «параллел жамиятлари»нинг ташкил этилишига қарши курашга рағбатлантирилишлари зарур. Улар исломий мактабларда номақбул ҳолатлар мавжуд, деганда Қуръони Каримдан дарс ўқитилаётганини ҳамда никоҳсиз жинсий алоқа қилишдан узоқлашишга оид насиҳатлар олиб борилаётганини назарда тутишмоқда.

Мана шулардан келиб чиққан ҳолда, биз Ҳизб ут-Таҳрир-Скандинавия аъзолари қуйидагиларни таъкидламоқчимиз:

1. Бу ерда исломий мактаблар борлиги учун бу мактаблар номини булғаш ҳаракати кетмоқда. Чунки даниялик сиёсатчилар мусулмонларнинг Исломга ҳаётий турмуш тарзи сифатида мурожаат қилишларига, бинобарин, фарзандларига исломий маърифат беришаётганига тоқат қилолмаяпти.
2. Шундай бўлса-да, даниялик сиёсатчилар ўз қадриятларига бутунлай ишончсизлик билан қараётганларини, мусулмонларга ғарбча маърифат ва яшаш тарзини зўрлаб ўтказишда зўравонларча ёндашув услубини қўллашга мажбур бўлаётганларини ўзлари фош этишмоқда. Бу сафар диққатни исломий мактабларга қаратишди ва шу тарзда улар ўз заифликларини, қадриятлари заифлигини очиб қўйишди.
3. Исломий мактабларга қилинган навбатдаги ҳужумга тақиқлаш ва мажбурлаш йўлидаги яна бир қадам, дея қарамоқ лозим. Мана шу икки воситанинг ўзи, ўзликлари ва қадриятларини маҳкам ушловчи мусулмонларга қарши курашда Дания режими учун қурол вазифасини ўтамоқда. Чунки олий «эркинликлар»нинг омади чопмай қолди, данияча кенгбағирлик ва фаровонлик каби эртакларга ҳеч ким қулоқ солмай қўйди. Шунинг учун улар ҳозир қонунларини ўзгартириш ва махсус қонунлар қабул қилиш билан ўзларини-ўзлари хурсанд қилишяпти. Бу махсус қонунлар ўзларининг асосий принципларига зид бўлса ҳам, Ислом ва мусулмонларга ҳужум қилишга яраса, бас, деб ҳисоблашяпти.
4. Ўтган асрда Ғарб давлатлари Исломий Халифалик давлатини ағдариб, барча юртларимизни мустамлака қилишгач, сўнг таълим дастури орқали ўзларининг илмоний маърифат тизимларини зўрлаб ўтказишгач, даниялик сиёсатчилар ҳам айнан шу мустамлакачилик психологияси бўйича ҳаракат қилишмоқда. Шу ҳаракатлари орқали мусулмонлар фарзандларидан исломий ўзликларини суғуриб олишга, «интеграция» ва «демократик ва ватанпарварлик таълими» каби тушунчаларни ниқоб қилиб, ижтимоий мустақилликка ва турфа хил жамиятларга қарши курашишга уринишмоқда.
5. Бу юртдаги мусулмонлар вазифаси ўзларининг исломий ўзликларини ҳимоя қилиш ва динларини муҳофаза қилишда қатъий туришдан иборат. Зеро, Ислом мутлақ ақлий далил устига асосланган бўлиб, Холиқ Азза ва Жалланинг сўнгги рисоласидан балқиб чиққан. Бу рисола мана шундай табиати билан инсон ўйлаб топган ҳар қандай қадриятлар, шу жумладан, Ғарб қадриятидан устун бўлди.
6. Исломий кенгашларни, исломий мактаб директорларини биз бундай таҳдид ва тазйиқларга бўйсунмасликка тарғиб қиламиз ҳамда фарзандларининг исломий ўзликларида ён бериш, мактаблардан исломий табиатни озайтириш борасида муросасозлик қилмасликка чақирамиз. Мусулмонлар ўз фарзандларини бу мактабларга, жамиятдаги исломий ўзликларини ҳимоя қилишга ёрдам беради, деган умидида жўнатмоқдалар. Чунки жамиятдаги ҳукмрон маърифат ва сиёсат исломий қадриятларга мутлақо зиддир.

Ҳизб ут-Таҳрирнинг

Скандинавиядаги матбуот бўлими

+3

0