Биродаримиз Рустам Носировнинг вафотлари муносабати билан таъзия
Биродаримиз Рустам Носировнинг вафотлари муносабати билан таъзия
بِسْمِ اللهِ الرَّحْمٰنِ الرَّحِيمِ
Тошкент вилояти, Чиноз туманидан бўлган, 1966 йилда туғилган биродаримиз Рустам Носировнинг вафоти муносабати билан Ислом умматига ва барча ҳақгўй мусулмонларга чуқур таъзия изҳор қиламиз. Биродаримиз Рустам ака Ҳизб ут-Таҳрир аъзоси бўлиб, қаттол Каримов режими зулмларига қарамай, ўз ақидасига содиқ қолган ҳолда бу дунёни тарк этдилар.
Рустам ака ҳаётининг сўнгги кунлари ҳақиқий иймоний имтиҳон бўлди. Бундан тахминан беш кун аввал ички ишлар ходимлари уни сўроққа чақиришган. У ходимлар олдида қўрқмай ҳақ сўзни айтиб, уларнинг ботил эътирозларига Қуръоний оятлар билан қатъий жавоб берган… Эътиборлиси шуки, бир кундан кейин Рустам биродаримиз далада жон таслим қилган. Лекин шунга қарамай, Аллоҳнинг изни билан, унга ҳеч қандай зарар етмаган, жасад ўз ҳолича сақланган. Бу эса, иншаАллоҳ, гўзал хотима – шаҳидлик аломатларидан биридир. 29 апрел куни туш пайтида биродаримизга жаноза ўқилиб, танаси тупроққа қўйилди…
Афсуски, Рустам ака нафақат ўзбек режимининг, балки ўз яқинларининг ҳам босими ва тушунмовчилиги остида қолган эди. Оиласи уйини сотиб, Туркияга кетиб қолган, Чиноздаги ака-укалари ҳам унинг даъват йўлидаги қатъиятини тушунмаган ёки тушунишни исташмаган…
Аллоҳ таолога ҳеч кимни пок қилиб кўрсатмаган ҳолда айтамизки, Рустам ака, Аллоҳнинг изни билан, айнан мана шундай “ғариблик”да шаҳид бўлди. Пайғамбаримиз ﷺ марҳамат қилганларидек: “Ислом ғариб бўлиб бошланди ва тез орада худди бошланишдагидек ғарибликка қайтади. Ғарибларга тубо (жаннат) бўлсин!” (Имом Муслим ривояти). Зотан, у ўз дини учун, Аллоҳнинг розилиги учун қўлидан келганини қилди – одамларга ҳақни етказди, золимларнинг юзига ҳақиқатни ошкор айта олди…
Биз Аллоҳ таолодан биродаримиз Рустам Носировни Ўз раҳматига олиб, Фирдавс жаннатларида набийлар, сиддиқлар, шаҳидлар ва солиҳлар билан бирга қилишини илтижо қилиб сўраймиз. Унинг кўрган бемисл машаққатлари – золимлар қўлида чеккан заҳматлари ва ҳақ йўлидаги ғариблигини гуноҳларига каффорат қилиб, даражаларини юксалтиришини сўраб дуо қиламиз. Ва ушбу мусибат қаршисида Аллоҳнинг қазо ва қадарига тўла таслимият ила сўзнинг энг муносибини айтамиз: “Албатта, биз Аллоҳникимиз ва, албатта, биз Унга қайтгувчилармиз”.
Ҳизб ут-Таҳрир Ўзбекистон Матбуот бўлими
