Ўзбек ҳукумати мудофаани нима сабабдан кучайтирмоқчи?
Ўзбек ҳукумати мудофаани нима сабабдан кучайтирмоқчи?
بِسْمِ اللهِ الرَّحْمٰنِ الرَّحِيمِ
Ўзбекистон Республикаси Президенти Шавкат Мирзиёев раислигида 2 январь куни мудофаа қурилиши ва Ўзбекистон Республикаси Қуролли Кучларини ривожлантириш масалаларига бағишланган хизмат йиғилиши бўлиб ўтди. Йиғилишда қўшинларнинг жанговар шайлиги ва жанговар қобилиятини янада ошириш, уларни замонавий қурол-яроғ ва ҳарбий техника билан таъминлаш, мавжуд қурол-яроғ намуналарини модернизация қилиш, шунингдек, ҳарбий хизматчилар, уларнинг оила аъзолари ва Қуролли Кучлар фахрийларини ижтимоий ҳимоя қилиш масалалари муҳокама қилинди. (Президент матбуот хизмати, 02.01.2024й).
Одатда, Ўзбекистон ҳукумати мудофаа ва хавфсизлик учун қанча маблағ сарфлаши эълон қилинмайди. Шунга қарамай, баъзи маълумотларга таяниб, бу борада ҳақиқатга яқинроқ бўлган тахминий рақамларни келтириш мумкин. Gazeta.uz ёзишича, 2023 йил 24 декабрда мудофаа ва хавфсизлик харажатлари 3,2 триллион сўмга (260 миллион доллар) оширилган. Қонунчилик палатаси ўзгартириш тўғрисидаги қонунни 15 декабрда, Сенат эса 20 декабрда маъқуллаган. Мудофаа ва хавфсизлик харажатларини оширишга “ёпиқ қарор” билан қарор қилинган. Қайд этилишича, Мудофаа вазирлиги, Давлат хавфсизлик хизмати, Ички ишлар вазирлиги, Миллий гвардия, Божхона қўмитаси, Давлат захираларини бошқариш қўмитаси ва бошқа ташкилотлар харажатлари 1,91 триллион сўмга ошиб, 36,06 триллион сўмдан 37,97 триллион сўмга (3,07 миллиард доллар) ўсган. Аввалроқ, Strategic Defense Intelligence консалтинг компанияси ҳисоботида, Ўзбекистоннинг мудофаа харажатлари 2020 йилга 3,4 миллиард долларгача кўтарилиши ҳақида хабар берилган эди. Ушбу маълумотларга биноан, 2023 йилда консолидациялашган бюджетнинг қарийб 30 млрд доллар миқдорида қабул қилинганлигини ҳисобга олган ҳолда мудофаа ва хавфсизлик харажатлари бюджетнинг 10 фоизидан кам эмаслигини тахмин қилса бўлади. Ҳарбий харажатлар бўйича Ўзбекистон Марказий Осиёда биринчи ўринда эканлиги турли ҳисоботларда қайд этиб келинади. Шунингдек, PowerIndex 2023 йилги рейтингига кўра, Ўзбекистон армияси минтақадаги энг кучли армия ҳисобланади.
Халқнинг шунча маблағи сарфланаётган Ўзбекистон армияси минтақада энг кучли ҳисобланса-да, лекин у мусулмонлар фойдасига эмас, юртларимиз ўртасига мустамлакачи кофир Россия чизиб берган сохта чегараларни мустаҳкамлашга хизмат қилади холос. Ушбу йиғилишда ёшларни ҳарбий-ватанпарварлик руҳида тайёрлашга алоҳида эътибор қаратилганлиги, хусусан, маҳаллаларда 24 мингдан ортиқ тадбирлар ўтказилганлиги, “Жасорат мактаблари”даги ўқув йиғинларига 5 минг нафардан зиёд ёшлар жалб қилинганлиги ҳам буни тасдиқлаб турибди. Чунки бугун ватанпарварлик деган сохта ғоя мусулмонлар орасини ажратиб, уларнинг заиф аҳволда қолишларини таъминлаш учун ишлатилмоқда. Дарвоқе, бундай кучли армиядан Мирзиёев режими ҳам бошқа мусулмон юртларидаги тоғут раҳбарлар каби, аввало ўз курсисини сақлаб қолиш ва қолаверса, терроризм, экстремизм таҳдиди ниқоби остида Ислом ва мусулмонларга қарши, уларни мустамлакачилар кўрсатмасига мувофиқ мутелик исканжасида ушлаб туриш учун фойдаланади. Шу боисдан ҳукумат армиянинг ҳар қандай вазиятда ҳам ўзига содиқ қолишини кафолатлаш мақсадида, ҳарбий хизматчилар ва уларнинг оила аъзолари ижтимоий ҳимоясини кучайтиришга қаттиқ эътибор қаратяпти. Жумладан, йиғилишда 14 январ куни нишонланадиган Қуролли Кучлар ташкил этилганлигининг 32 йиллиги ва Ватан ҳимоячилари кунига бағишланган байрам тадбирларини юксак савияда тайёрлаш ва ўтказиш масалалари кўриб чиқилгани ҳам бежизга эмас!
Йиғилишда бошқа мавзулар қаторида, Қуролли Кучларни замонавий қурол-яроғ ва ҳарбий техника билан таъминлаш масаласи ҳам муҳокама қилингани айтилади. 2023 йил февралда Президент Мирзиёев 2024 йил март ойида Ўзбекистон Қуролли Кучларини зарур қурол-яроғ ва техника билан таъминлаш бўйича Давлат комиссияси тузилиши ва унга шахсан ўзи бошчилик қилиши ҳақидаги фармонни имзолаган эди. Маълумки, Ўзбекистон қурол ва ҳарбий техникани асосан Россиядан сотиб олади. “Москва Марказий Осиёга қурол ва ҳарбий техниканинг асосий етказиб берувчиси бўлиб қолмоқда” (“Армейский сборник” Россия мудофаа вазирлиги журнали, 2023й 7 декабр). Ўтган йилнинг ноябрида эса, Франциядан қирувчи самолётларни сотиб олиш режаси ҳам кун тартибига чиқди. АҚШ адлия вазирлиги маълумотлар базаси хабарига кўра эса, Ўзбекистон “Мудофаа саноати” (Мудофаа вазирлиги тузилмаси) Американинг “Ecology Mir Group” компаниясини АҚШдан ҳарбий маҳсулотлар харид қилиш учун ёллади. Демак, мудофаа бюджети “ҳузурини” ана шу мустамлакачи давлатлар компаниялари кўради. Буни Россиянинг биргина Су-27 қирувчи самолётининг нархи 30-40 млн доллар туришидан ҳам кўришимиз мумкин. Бундан ташқари, уларнинг эҳтиёт қисмларини етказиб бериш ва таъмирлашини ҳам ўша компаниялар бажаради. Бу шуни англатадики, Ўзбекистон ушбу мустамлакачи давлатлар манфаатларига хизмат қилишдан нарига ўтолмай юраверади. Вазият жиддий тус олиб, юртларимизни мустамлакачи кофирлардан зудлик билан озод этиш масаласи юзага чиққанида, бу золим режимлар армияларимизни казармаларига қамаб қўйишдан бошқасига ярамайди. Мана, масалан, ашаддий душманимиз бўлмиш яҳудлар Муборак Замин Фаластин аҳлини –хусусан гўдаклар, аёллар ва кексаларни аёвсиз қирғин қилаётган бир пайтда, бирорта Исломий юрт ҳокимлари уларга ёрдам бериш ва додига етиш учун армияларни сафарбар қилмаётгани сўзимизнинг ёрқин далилидир. Ахир, уларни бутун дунё кўз ўнгида Ғазо аҳлига қилинаётган ҳозирги оммавий қирғинлар ҳаракатлантирмаса, хожаларига исён қилишлари ва мусулмонлар тарафига ўтишлари учун бундан ортиқ яна нима керак бўлади уларга?!
Нима бўлган тақдирда ҳам, ҳукуматни қуролли кучларни такомиллаштириш ва кучайтиришга ундаётган нарса – охирги пайтдаги халқаро вазиятнинг кескинлашаётгани ҳамда рус расмийлари ва баъзи сиёсатчиларининг Афғонистондан келадиган “хавф-хатар” ҳақидаги ваҳимали уйдирмалари, дейишимиз мумкин. Ўзбек армиясини кучайтиришдан Америка ҳам, Россия ҳам бирдек манфаатдор. Чунки улар шу баҳона Ўзбекистонга ўзлари хоҳлаган нархларда қурол сотади ва кучли армия орқали маҳаллий мусулмон аҳолини қўрқув билан мутелик исканжасида ушлаб туришни режа қилади. Бироқ шуни алоҳида таъкидлаймизки, аслида мусулмон халқимиз учун ҳозирда на Афғонистондан ва на бошқа тарафдан бирор хатар йўқ. Аксинча, Америка, Россия каби қофир мустамлакачилар ва уларга содиқ малай ҳокимлар учун бугун катта хатар юзага келди. Бу Муборак Фаластин замини мард ва жасур ўғлонлари томонидан “Ақсо Тўфони” шиори остида босқинчи яҳудларга қарши олиб борилаётган буюк жиҳодий кураш бўлиб, у бутун Ислом оламига ёйилиб, натижаси эса Халифалик давлати тикланиши билан якун топишидир. Мусулмонлар ушбу буюк ҳодиса – Иккинчи Рошид Халифалик давлати тикланишини орзиқиб кутмоқдалар ва у Аллоҳнинг изни ила яқин кунларда, албатта амалга ошади. Биз бўйнимиздаги бу вожибимиз тезроқ рўёбга чиқиши, амалга ошиши учун Ўзбекистондаги ва бутун оламдаги мусулмонларни тезлик билан ўз ҳаракатларини қилиб қолишга ва қўллаб-қувватлашга чақирамиз. Шунингдек, Ўзбекистон армияси аскар ва зобитларига ҳам улар аввало Ислом Уммати фарзандлари эканлигини ҳамда бу золим режимга эмас, балки мусулмонлар манфаатларига хизмат қилмоқлари лозимлигини эслатамиз!
يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُم
– “Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни динга) даъват қилар экан, уни қабул қилинглар”. (Анфол:24)
Ҳизб ут-Таҳрир марказий медиа офиси радиоси учун Ислом Абу Халил – Ўзбекистон
