Германия суди масжидларнинг бирига азонни овоз кучайтиргич воситасида айтишни тақиқлаш тўғрисида ҳукм чиқарди
بسم الله الرحمن الرحيم
Роя газетаси:
Германия суди масжидларнинг бирига азонни овоз кучайтиргич воситасида айтишни тақиқлаш тўғрисида ҳукм чиқарди
Ҳижрий 1439 йил 17 жумодул-аввал, милодий 2018 йил 3 феврал шанба куни «Ал-Жазира нет» веб-сайти нашр қилган, қисқа ўзгаришлар билан қуйида келтирилган хабарда бундай дейилади: (Бу хабар қисқа ўзгаришлар билан келтирилди).
«Германия суди юртнинг шимолий ғарбидаги бир масжидга жумъа намозига айтиладиган азонни овоз кучайтиргич ёрдамида айтилишини тақиқлаш тўғрисида қарор чиқарди. Қарор масжиддан бир километр атрофида яшовчи насроний эр-хотиннинг – азон бизнинг диний ҳуқуқимизни бузмоқда, дея шикоят қилишлари ортидан чиқарилди.
Ўз навбатида, қарор билан боғлиқ айни масжиддаги етакчи бир масъул суд қарорини умидларни пучга чиқарувчи қарор, дея сифатлади.
Сўнг «Азон фақат жумъа куни кундузги соат бир атрофида беш минут айтилади, холос, масжидимиз яқинида немис қўшнилар кўп, баъзиси ўн метрча нарида яшайди, аммо шу пайтгача бир матра ҳам азон ҳақида шикоят тушмаганди», дея қўшимча қилди.
Ҳозирда 2500дан зиёд масжид бўлган Германининг кўплаб минтақаларида мусулмонларга қарши бўлган ва муҳожирларга қарши сиёсатни қўллаб-қувватлайдиган туйғудаги одамлар кўпаймоқда. Бундай ҳол Германияга 2015 йилдан бери Ироқ, Сурия ва бошқа аксар аҳолиси мусулмонларни ташкил қилувчи давлатлардан бир миллиондан зиёд муҳожирнинг келиши ортидан кузатилмоқда».
Роя газетаси шарҳи:
Бундай суд қарори, Германия адлиясининг Ислом ва мусулмонларни ёмон кўрувчи кимсалар тарафида эканига яққол далолат қилиб турибди. Икки насроний эр-хотиннинг азон овозига қарши шикоятлари ҳам ғайримусулмонлар қалбида мусулмонларга нисбатан салибчилик нафрати яширинганини очиқ кўрсатмоқда. Албатта, бу нафратни уларнинг қалбига Ғарб давлатларида бирин-кетин келаётган ҳукуматлар жойлаган. Бу эса – айниқса, масала мусулмонлар ва уларнинг маросимларига доир бўлса, улар оғиз кўпиртириб даъво қилаётган илмонийлик ва эркинликларнинг ёлғон эканини фош этмоқда.
Роя газетасининг 2018 йил 7 феврал чоршанба кунги 168-сонидан
