بسم الله الرحمن الرحيم

Роя газетаси:

Ҳизб ут-Таҳрир – Судан вилояти

Қазориф аҳли Халифалик лойиҳасини бағрига олиб уни тиклаш фарзлигини айтиб ҳайқирди

Ҳижрий 1439 йил 20 ражаб, милодий 2018 йил 7 апрел шанба куни Хартум жанубий шарқидан 416 км. узоқликда жойлашган Қазориф шаҳридаги Ҳуррият майдони маъруза йиғинига гувоҳ бўлди. Унда Ҳизб ут-Таҳрир – Судан вилоят мажлиси аъзоси устоз Абдуллоҳ Абдурраҳмон, Ҳизб аъзоси устоз Балҳа Муҳаммад ҳамда Ҳафаза Иттифоқи раиси Жабороб масжиди имоми шайх Муҳаммадаҳмад Усмон Мансур маъруза қилдилар.

Шуни таъкидлаш лозимки, шаҳар марказидаги Ҳуррият майдонига йиғилган Қазориф аҳли, маърузачилар сўзларини ғоят ижобий кутиб олди. Инсонлар юзларида мамнуният барқ уриб турди, барчалари такбиру таҳлиллар айтиб турдилар. Улар уйғониш, бирлик ва Пайғамбарлик минҳожи асосидаги рошид Халифаликни талаб қилувчи шиорларни такрорлаб турдилар. Масалан, «Ла илаҳа иллаллоҳ, ал-Хилафа ваъдуллоҳ», «Битта Уммат, битта давлат, битта байроқ», «Ортга ҳаргиз қайтиш йўқ, Халифаликдан ўзга ечим йўқ» каби. Шунингдек, Росулуллоҳ Aнинг роя ва ливо байроқларини баланд ҳилпиратиб туришлари билан бутун Қазориф ул зотнинг байроқларига бурканди. Бу манзара капиталистик тузумнинг ағдарилиши ва Пайғамбарлик минҳожи асосидаги рошид Халифалик тузуми барпо бўлишининг муқаррарлиги тўғрисидаги хушхабар бўлди.

Роя газетасининг 2018 йил 18 апрел чоршанба кунги 178-сонидан