بِسْمِ اللهِ الرَّحْمٰنِ الرَّحِيمِ

Бутун жаҳон Мусулмонлар лигаси яҳудий вужуди билан муносабатларни нормаллаштириш кўпригига айланди!

Доктор Иброҳим Тамимий

Ҳизб ут-Таҳрир – муборак Фаластин

замини матбуот бўлими аъзоси

Бутун жаҳон Мусулмонлар лигаси бош котиби шайх Муҳаммад Исо антисемитизмга қарши кураш ҳаракати ва АҚШ Сефард федерацияси томонидан антисемитизмга қарши курашда иштирок этган мусулмон етакчилар учун ажратилган мукофотнинг биринчи совриндорига айланди. Исо бундай мукофотдан фахрланишини билдириб шундай деди: «Биз антисемитизм, исломофобия ва бошқа адоват шаклларига қарши курашамиз. Лекин бу курашда бошқа кучлардан эмас, фақат маънавий кучдан фойдаланишимиз керак».

Саудия Арабистони шайхи айни лига бош котиби антисемитизмга қарши кураш Ислом мавқеини ифодаловчи умумий тамойил ва қадриятлар эканини таъкидлади. У сиёсий келишмовчиликларни бир четга суриб қўйиш кераклигини ҳамда антисемитизм, нафрат ва ирқчилик қаердан келиб чиқишидан қатъий назар, уларга қарши курашмоқ диний ва ахлоқий бурч эканини очиқлади. Менинг Польшадаги «Освенцим» Концентрацион лагерини зиёрат қилганим карьерамда антисемитизм ва ирқчиликка қарши курашда кескин бурилиш ясади, дейди шайх. (Евроньюс, 2020 йил 11 июн, баъзи сўзларга ўзгартиш киритилди).

Бу баёнот ва позициялар Бутун жаҳон Мусулмонлар лигасининг асл башарасини очиб ташлади. Мусулмонларни алдаш ва «ухлатиш» билан шуғулланиб келган бу муассасанинг ролига энди, яҳудий вужуди билан муносабатларни нормаллаштириш роли ҳам қўшилгани маълум бўлди.

Масалага янада чуқурроқ назар солиш учун қуйидаги айрим фактларни келтирмоқчимиз:

Бутун жаҳон Мусулмонлар лигасининг антисемитизмга қарши кураш тўғрисидаги гаплари сўнгги пайтда кескин равишда урчиб чиқмоқда. Айниқса, айни муассаса раҳбари Муҳаммад Исонинг жорий йил январида фашизм Холокостининг 75 йиллиги муносабати билан Польшадаги «Освенцим» Концентрацион лагерини зиёрат қилиши ортидан бундай баёнотлар кўпайгандан кўпайди. Буларни диққат билан ўрганган киши шунга гувоҳ бўладики, Бутун жаҳон Мусулмонлар лигасининг айни хатти-ҳаракати яҳудийлар билан муносабатларни нормаллаштириш тўғрисида сўнгги пайтда илгари кузатилмаган равишда кучайиб бораётган ҳаракат тўлқини билан параллел ва мос равишда кетмоқда. Айниқса, ҳаракат тўлқини Форс Кўрфази давлатлари режими, асосан, Саудия Арабистони режими томонидан фаоллашмоқда. Демакки, шайх Исонинг айни позицияси тасодифий ёки шахсий позиция эмас. Балки бу Саудия Арабистони ва бошқа давлатлар режимларининг ушбу босқинчи яҳудийлар билан муносабатларни нормаллаштиришга қаратилган саъй-ҳаракатларини қўллаб-қувватлаш учун лига томонидан қасддан бошланган сиёсатдир.

Яҳудий вужуди бу баёнотлар маъносини яхши тушунди ва улардан мусулмон юртларидаги мавжуд режимлар билан энди очиқдан-очиқ алоқа қилишда фойдалана бошлади. Мисол учун, яҳудий вужуди бош вазири Биньямин Нетаньяху шайх Исонинг «Освенцим» лагерини зиёрат қилишини олқишлаб, уни «бу Холокост ва яҳудий халқига нисбатан исломий доиралар ва араб давлатлари позициясининг ўзгараётгани аломатидир», дея изоҳлади. Босқинчи вужуд Бутун жаҳон Мусулмонлар лигасининг бундай қўллаб-қувватловидан ўзига минтақада қонунийлик тусини беришда ҳамда атрофдаги давлатлар билан очиқ-ойдин иқтисодий ва дипломатик алоқаларга эга мақбул қонуний давлатга айланишда фойдаланишни кўзлади. Бу эса, 2012 йилда босқинчи вужуднинг ташқи ишлар вазири бўлиб ишлаган Авигдор Либерманнинг ўша пайтда айтган мана бу сўзларида ўз ифодасини топган: (Араб-«Исроил» дипломатик вазияти Яқин Шарқдаги вазият каби бўлишига йўл қўймаслик керак. Чунки ҳамма «Исроил» билан норасмий муносабатларга эга. Аммо улар буни тан олишга тайёр эмаслар. «Исроил» Яқин Шарқда фоҳиша эмас).

Яҳудий вужудини қўллаб-қувватлаш учун Бутун жаҳон Мусулмонлар лигасидан қандай фойдаланишаётганини Ал-Жазира ахборот веб-сайти нашр қилган хабар ҳам айтиб турибди. Бу хабар лига бош котибининг мукофотланишидан кейин нашр қилинди. Унга кўра, АҚШ яҳудийлар ташкилоти ўзининг яқинда ўтказилиши кутилаётган виртуал конференциясида Бирлашган Араб Амирлиги ташқи ишлар вазири Анвар Қарқаш ва Бутун жаҳон Мусулмонлар лигаси бош котиби Муҳаммад Исо ҳам қатнашишини эълон қилиб, «Америка яҳудийлари чақириғи бўйича уюштирилаётган ушбу (AJC 2020) глобал форумида дунёнинг кўплаб етакчилари яҳудий халқи дуч келаётган энг муҳим масалаларга бағишланган мунозараларда иштирок этадилар», деди. АҚШ яҳудийлар ташкилоти ўз веб-сайтида «яҳудий халқи ва «Исроил» фаровонлигини оширишга ҳамда бутун дунё бўйлаб инсон ҳуқуқлари ва демократик қадриятларни тарғиб қилишга» ҳаракат қилаётганини айтиб ўтди». (Ал-Жазира нет, 2020 йил 11 июн).

Бутун жаҳон Мусулмонлар лигаси шуғулланаётган ишлардан кўриниб турибдики, у жуда хатарли лига бўлиб, Саудия Арабистони қўлидаги қуролдан бошқа нарса эмас. Бу мамлакат ундан яҳудий вужуди билан муносабатларни нормаллаштиришда ҳамда мусулмонлар юртларидаги жиноятчи ҳукмдорларнинг муборак Фаластин масаласини йўқ қилишдаги хоинона қилмишларини хаспўшлашда фойдаланмоқда. Шундоқ ҳам, Саудия Арабистони бу лигани 1962 йил тузгандан бери ундан мана шундай ғаразларда фойдаланиб келади. Ўшанда лига ҳижрий 1381 йил зул-ҳижжа, милодий 1962 йил 18 майда Маккаи Мукаррамада ўтказилган халқаро Ислом конференцияси томонидан чиқарилган резолюзцияга биноан тузилган эди. Лигани тузишдан мақсад, Саудия Арабистони режимини мустаҳкамлаш, Ислом фикрларини мувофиқлаштириш, демократия каби Ғарб фикрларини ривожлантириш ҳамда сарой уламоларини етиштириб чиқариш, Умматнинг ўз давлати ва ҳокимиятини қайта барпо этиш ҳаракатидан маҳрум этиш… дан иборатдир.

Шубҳасиз, лига жарчиларининг Фаластин масаласини қўллаб-қувватлашга оид баёнотлари ва аннекцияга қарши туриш ҳақидаги яқиндаги гаплари, буларнинг барчаси ғирт ёлғон ва арзонгаров адаштиришдан бошқа нарса эмас. Бундан мақсад, мусулмонларнинг Ҳижоз ва бошқа юртлардаги ғазаб оловларини сўндиришдир. Зеро, мусулмонлар бугунги кунда ўз ҳукмдорлари хиёнатининг тобора ортиб бораётганига, бир пайтнинг ўзида, яҳудий вужуди муборак заминнинг қолган ерларини ҳам Американинг қўллаб-қувватлови билан аннексия қилишга уринаётганига, Фаластин масаласини босқинчи яҳудийлар фойдасига ҳал этишга ҳаракат қилаётганига гувоҳ бўлмоқдалар. Зотан, Бутун жаҳон Мусулмонлар лигаси, Ислом Ҳамкорлик ташкилоти ва Араб Давлатлари лигаси бир вақтда ҳаракатга келди. Нега, чунки бугун яҳудий вужудининг такаббур ва зўравонлиги ошиши манзарасида мусулмонларда бунга нисбатан ва ўз режимларининг хиёнатларига қарши ғазаб ҳисси аланга олмоқда… Бу лигалар бир вақтда қатор конференциялар, анжуманлар, учрашувлар ўтказишмоқда, баёнотлар беришмоқда, нега, чунки Уммат Фаластин масаласини ҳал этиш ва хоин режимларни ағдариш, барча мусулмон армияларни яҳудий вужудини илдизи билан қўпориб ташлаш сари сафарбар этиш ҳаракатини бошламоқда.

Роя газетасининг 2020 йил 24 июн чоршанба кунги 292-сонидан