Тошкент олимпиадасидаги сионистик фитна ва жамиятнинг асл қиёфаси

​​بِسْمِ اللَّهِ الرَّحْمَٰنِ الرَّحِيمِ

​Жорий йилнинг 9-16 август кунлари Тошкент шаҳрида ўтказилган 38-Халқаро информатика олимпиадаси (IOI 2026) доирасида кутилмаган ҳолат юз берди. Дунёнинг 97 та давлатидан 386 нафар ўқувчи ва 900 дан ортиқ меҳмон иштирок этган ушбу анжуманда халқаро қоидаларга амал қилиш масаласи яна бир бор кун тартибига чиқди.

​Мусобақанинг тақдирлаш маросимида олтин медални қўлга киритган 17 ёшли (исроил)лик иштирокчи Йотам Будник саҳнага чиқиб, бетарафлик қоидаларини оёқости қилди. Ғазода тинч аҳолини ваҳшиёна қириб ташлаётган яҳудий вужуди иштирокчисининг ўз байроғини намойиш этиши — ушбу жиноятчи режимнинг одоб ва халқаро меъёрларни ҳеч қачон тан олмаслигини яна бир бор исботлади.

​Маълумот учун, Ғазо аҳлига нисбатан (исроил)нинг адоват ва ваҳшиёна тарзда оммавий қирғин олиб бораётгани сабабли 2024 йилда IOI Бош Ассамблеясининг 2/3 қисми овози билан қарор қабул қилинган эди. Унга кўра, (исроил) вакилларига мусобақада миллий байроқ остида чиқиш тақиқланиб, фақат бетараф мақом берилган. Мавзуга қайтамиз, мусобақанинг Халқаро Ижроия қўмитаси иштирокчининг бу ҳаракатини қоидабузарлик деб баҳолаб, унинг натижаларини тўлиқ бекор қилди ва расмий жадвалдан олиб ташлади. Ҳақиқий аламли томони шундаки, бу қоидабузарга қарши қатъий қарор мезбон Ўзбекистон расмийлари томонидан эмас, балки Халқаро қўмита томонидан қабул қилинди. Бундай сукунат ва сустлик — халқимиз иродасига тамоман зиддир!​

Сукунат ортидаги бедорлик ва қайта тирилаётган Уммат руҳи 

​Аммо ушбу воқеа ортидан ижтимоий тармоқларда портлаган минглаб шарҳларни ўқиб, қалбим чексиз фахр ва қувончга тўлди! Шарҳларни бутун вужудим билан ўқир эканман, шуни англадим: Уммат асло ўлгани йўқ! Шарҳлардаги 95 фоиздан ортиқ якдил қўллаб-қувватлов — бу шунчаки фикр эмас, балки Ғазо оғриғи билан ёнаётган, адолатга ташна бир вужуднинг ҳайқириғидир.

​Шарҳлардаги ҳар бир сўз ортида Ғазонинг доғли тақдирига куйган ягона Умматнинг пинҳоний оҳу-ноласини ва босқинчи золиларга қаҳрини қалбан ҳис қилдим. Сиёсий вазминликни сақлаган дипломатнинг чиқиши, юксак ахлоқ ила қалам тебратган зиёлининг оғриқли нафрати ва оддий хайрихоҳ инсонларнинг ғазабнок ҳайқириқлари — барча-барчаси бир нуқтада кесишди: Биз бўлинмас бир тан, бир вужуд, енгилмас бир Умматмиз!

​«Бухорий ва Термизийлар авлоди нега сукутда?» деган аламли саволга бугун аниқ жавоб бор. Бу сукунат — заифлик ёки қўрқув сукунати эмас! Бу — аччиқ тарих сабоқларидан чиқарилган ўткир сиёсий онг, пухта вазминлик ва буюк тайёргарлик сукунатидир. Ҳа, бу Уммат ўз иймони ва эътиқодини азиз қилиш, ҳурликка эришиш йўлида тарихда кам майдонга чиқмади, кам қон тўкмади. Аммо ҳар бир аламли мағлубият ва бостирилган исёнлардан сўнг зулмнинг қамчиси янада оғирроқ тушди.

​Бугун Уммат сохта ҳайқириқлар, бесамар ғазаб ортидан эргашмайди; у мукаммал ва пухта режаланган ҳаракатни, келажакни кўра оладиган ҳақиқий етакчини кутмоқда. Ғазо ва дунёнинг турли ерларида биродарларимиз чекаётган заҳмат ҳақидаги ҳар бир хабар қалбимиздаги эски яраларни тирнаб, қайтадан қонатади. Аммо шарҳларни ўқиганимда туйган оғриғимда бир роҳат бор эди. Чунки бу оғриқда қўрқув ва сукунатга таслим бўлиш йўқ! Унда ўз биродарининг тақдирига лоқайд қарай олмаган, золимнинг зулмига ҳеч қачон рози бўлмаган тирик қалбларнинг шижоати гупириб уриб турибди.

​Ўзбекистон ҳукуматининг Фаластинни халқаро майдонда қўллаб-қувватлаши, моддий ва маънавий ёрдам қўлини чўзиши, низони тинчлик билан ҳал қилишга чақириши ҳам бежиз эмас. Замон шиддатини, жамиятнинг ички руҳияти ва пўртаналарини чуқур таҳлил қилаётган сиёсий доиралар яхши англайди: бу Умматнинг қалбидаги оғриқ шунчаки босилмайди. Баёнотлар ва ёрдамлар — айнан мана шу қайновчи вулқоннинг ҳароратини юмшатиш ва халқнинг адолатга бўлган ташнагини қисман бўлса-да қондириш учун қилинган ҳаракатдир.

​Шарҳларда акс этган теран англаш шуни кўрсатмоқдаки, бу халқ Исломни қайтадан ҳаёт майдонига олиб киришни, шариат адолатини қарор топтиришни чин дилдан истамоқда. Шундай экан, фурсат етди! Мен барчани, Умматнинг тақдирига лоқайд бўлмаган ҳар бир жасур ва оқилона фикрловчи инсонни — ҳеч қачон ўз аҳлини алдамаган, пухта ва мукаммал лойиҳасига эга бўлган Ҳизб ут-Таҳрир жамоасини қўллаб-қувватлашга ва у билан бирга ҳаракат қилишга чақираман!

​وَإِنَّ هَٰذِهِ أُمَّتُكُمْ أُمَّةً وَاحَةً وَأَنَا رَبُّكُمْ فَاتَّقُونِ

​«Албатта, ушбу умматингиз ягона бир умматдир. Мен эса Раббингиздирман. Бас, Мендан тақво қилинг (қўрқинг)!» (Мўъминун:52)​

Аллоҳ таоло Пайғамбарлик минҳожига асосланган Халифаликни қайта қоим қилишда ва ягона Уммат сифатида азиз бўлишимизда бизга Ўз нусратини берсин!​

Муҳиддин

30.08.2026й