بسم الله الرحمن الرحيم

Роя газетаси:

Нетаньяху: Асадлар оиласи режими қирқ йилдан бери яҳудийлар хавфсизлигини ҳимоя қилиб келади

Ал-Жазира веб-сайти ҳижрий 1439 йил 28 шаввол, милодий 2018 йил 12 июл пайшанба куни қуйидаги хабарни нашр қилди (хабар матнидаги баъзи сўзлар ўзгартирилган):

ё«Пайшанба куни яҳуд вужуди бош вазири Биньямин Нетаньяху Суриядаги Башар Асад режимига таҳдид қилишни истамаслигини айтиб, ўзининг позициясини яна бир бор очиқ билдирди. Чунки бу режим – Нетаньяхуга кўра – босиб олинган Жўлон тепалигига қирқ йилдан бери ҳатто бир дона ҳам ўқ узгани йўқ. У ўзи учун Суриядан эронлик кучларни чиқариб юбориш муҳимлигини ҳам билдириб ўтди.

«Гаарец» газетаси Нетаньяхунинг Москвага кетиш олдидан журналистларга айтган ушбу сўзларини нашр қилди: (Бизнинг Асад режими билан ҳеч қандай муаммомиз йўқ. Чунки қирқ йилдан бери Жўлон тепалигида бирорта ҳам ўқ узилмади)».

Роя газетаси шарҳи:

Суриядаги ота ва ўғилларнинг АҚШ малайи эканлиги ҳар бир ақлирасо инсонга очиқ маълум. Сурия режимининг босқинчи яҳудийлар вужуди тинчлиги ва хавфсизлигини таъминлаганига асадлар оиласининг ўтган қирқ йиллик ҳукмронлиги гувоҳлик бериб турибди. Зеро, ушбу давр мобайнида асадлар режими Жўлон тепалигини 50 йилдан бери босиб турган яҳудийларга – ҳақиқатдан ҳам – бир дона ҳам ўқ узишгани йўқ. Ваҳоланки, Сурия армияси Жўолонни ҳам, Фаластинни ҳам бир кеча кундузда озод этишга қодир. Бироқ, бу Баасчи режим соддадил одамларни алдаш учун «қаршилик ҳаракати», деган тўнни кийиб олган, аниқроғи унга кийдирилган. Буни у анави хўжайини Американинг минтақадаги лойиҳасини амалга ошириш учун ҳақиқий қаршилик ҳаракатини жиловлаш ва ўз назорати остида ушлаб туриш орқали қилди. Хуллас калом, Сурия ҳукмдорлари мусулмонларнинг бошқа ҳукмдорларидан фарқсиз ўлароқ, мустамлакачи кофир Ғарбнинг вафодор малайларидир. Улар Ғарбнинг сиёсатини ижро этиб, манфаатларини амалга оширишмоқда. Бунда фақат услублар ўзгариб, қарашлар турли хил тус олган, холос.

Роя газетасининг 2018 йил 25 июл чоршанба кунги 192-сонидан