بِسْمِ اللهِ الرَّحْمٰنِ الرَّحِيمِ

CEDAW конвенцияси фаҳшга чақиради, Ислом эса, поклик ва иффатга даъват қилади

Сомалидаги хотин-қизлар стратегик ташаббуси чиқарган баёнотда жамоат тартиби тўғрисидаги қонуннинг бекор қилинишидан мамнуният билдирилди. Шунингдек, хотин-қизларни камситувчи барча моддаларнинг жиноят кодексидан олиб ташланиши ҳамда аёлларга зулм ўтказувчи «террористик» идеология асосида ишлаб чиқилган бошқа қонунларнинг ҳам бекор қилиниши талаб қилинди. Гуруҳ CEDAW ва хотин-қизлар ҳуқуқлари бўйича Африка протоколини имзолаш ва ратификация қилиш Судандаги хотин-қизлар ҳуқуқлари ва ҳурматларини ҳимоя қилиш билан бирга, уларга нисбатан ноқонуний камситишни тўхтатишдаги «ҳал қилувчи масала» эканини таъкидлади. Ушбу ташаббус Бош вазирнинг БМТ Бош ассамблеясида камситишни олдини олиш бўйича берган ваъдасига асосан тузилган.

Шу хусусда Ҳизб ут-Таҳрир – Судан вилояти матбуот бўлимининг аёллар қисми баёнот нашр қилди. Унда қуйидагилар таъкидланади:

«Башир режими Исломни татбиқ қилмаган. Шахсий ҳолатлар тўғрисидаги қонунда мавжуд бўлган баъзи шаръий аҳкомларга келсак, нозик ва махсус характерга эга бўлгани учун уларни ўзгартиришсиз қолдиришга мажбур бўлган. Бу эса, Ислом душманларини ғазаблантириб, мусулмонларни Исломларидан узоқлаштириш учун уларни бекор қилинишини талаб қилишга ундаяпти. Мақсадлари, хотин-қизларни эркаклар билан тенг ҳуқуқли бўлишни талаб қилишга ундаш орқали ўзларининг нопок режаларини амалга оширишдир. Ўз навбатида ҳукумат ҳам қонунларга ўзгартиш киритиб, аёлларга ҳаётий ишларида шартсиз равишда ўзлари ҳаракат қилишларига ва шаръий аҳкомлар билан чекланмасликларига рухсат берди». Баёнотда ушбуларга эътибор қаратилди:

«Илмоний ҳукумат томонидан қўллаб-қувватланувчи ушбу феминистик ташкилотлар тарғиб қилаётган CEDAW конвенциясини капиталистик Ғарб назарияси билан суғорилган кофирлар тузган. У Аллоҳдан бошқанинг қонуни бўлиб, фаҳш, мункар ва разолатга чақиради. Ислом аҳкомлари эса, иффат ва покликка дъават қилади, номус ва ҳурматни сақлайди. Кимда-ким шаръий аҳкомларни қўйиб, ўрнига CEDAW конвенцияси матнларини қабул қилмоқчи бўлса, ундайларнинг нияти бузғунчилик ҳисобланади». Баёнот сўнггида Судан аҳлига қуйидагича мурожаат қилинди:

«Ўтиш даври ҳукумати ҳам, феминистик ташкилотлар ҳам сизнинг жамиятингизда фаҳш ишларни ёйишга ва диний қадриятларингизни йўқ қилишга уринмоқда. Ислом қадриятлари бўлса, аёлларга ғамхўрлик қилиб, ҳимоя қилади. Бас, шундай экан, уларга хўжайинлари истагини бажаришларига имкон берманг».

Роя газетасининг 2019 йил 18 декабр чоршанба кунги 265-сонидан