بِسْمِ اللهِ الرَّحْمٰنِ الرَّحِيمِ

Муаттар Пайғамбарлик ҳижрати хотирасида

﴿وَيَأْبَى اللهُ إِلَّا أَنْ يُتِمَّ نُورَهُ وَلَوْ كَرِهَ الْكَافِرُونَ﴾

«Аллоҳ, гарчи кофирлар хоҳламасалар-да, албатта Ўз нурини тўла (ҳар тарафга) ёйишни истайди»

Ҳамд Тобиб қаламига мансуб

Бугун кеча каби бир хил шувуллаб ўтмоқда, мана 1442 йилга ҳам келибмиз. Бугун ҳам худди кечаги каби, Аллоҳ Азза ва Жалланинг нурини ўчириш ва инсонлар ўртасида қайта таралишини олдини олиш учун бутун дунёдаги куфр давлатлари тўпланишди. Худди Макка кофирлари тўпланишгани каби, бугун Америка Ислом қадриятларини ва исломий юртлардаги олий ахлоқни нишонга олган урушга бутун дунё давлатлари ва ташкилотларини сафарбар қилмоқда… Бу йўлда мусулмон юртларидаги ҳукмдорларни ҳам йиғяпти. Умматнинг мустамлакачилар малайларига қарши бошлаган қўзғолонини йўқ қилиш учун режалар ва услублар ишлаб чиқяпти.

Шу кунларда куфр давлатлари, асосан, Америка Ислом Умматининг ҳазорат-маданиятга оид лойиҳасини йўқ қилиш мақсадида қўллаётган услублари кўп ва турли хилдир. Бу лойиҳа ақида, фикрлар ва аҳкомларни нишонга олган. Шунингдек, у қадриятлар, бойликлар, юртлар ва фуқароларга қарши қаратилган бўлиб, Уммат шон-шавкатини синдириш кўзланган. Бир вақтда, бу давлатлар Умматнинг маданий ўзлигини ўчириб ташлаш ва бу ўзликни кофир давлатларга қориштириб, билинмайдиган қилиб ташлаш учун режа чизмоқда. Ушбу иблисона услуб ва режалардан баъзилари қуйидагилар:

1 – Умматни бир сафар миллатчилик, бир сафар ватанпарварлик, бир сафар дин номи билан адаштириш учун малай сиёсатчилардан фойдаланиш услуби. Дарҳақиқат, бу жинояткор ҳукмдорлар Умматни кўп марта адаштиришди… Ўтган асрнинг эллигинчи йилларда Жамол Абдунносир араб миллатчилиги билан адаштирди. У миллатчилик дастаги билан Сайид Қутб роҳимаҳуллоҳ, Абдулқодир Авда роҳимаҳуллоҳ ва бошқалар каби Умматнинг сара уламоларидан кўпчилигини қатл қилди, минглаб уламоларни узоқ муддатга қамоққа ташлади. Миср армиясини миллатчилик асосида Яманга юбориб, улардан кўпчилигини йирик давлатлар ёққан мустамлакачилик урушида ҳалок қилди.

Бугун ҳам Уммат дин ва диний маросимларга жонсараклик қилиш номидан адаштирилмоқда. Кўплаб сиёсий ва ҳарбий жиноятлар дин ниқоби билан содир этилиб, Уммат, унинг дини, маданияти ва қадриятлари нишонга олинмоқда. Бу турли адаштиришда жангари ташкилотлардан фойдаланиляпти, Шомда бўлгани каби. Сиёсий ташкилотлардан фойдаланиляпти, Тунисда бўлгани каби. Давлат раҳбарларидан фойдаланиляпти , Судан, Покистон ва Туркияда бўлгани каби.

2 – Сионистлар лойиҳасини мусулмон юртларига зўрлаб тиқиштириш услуби. Буни минтақада сиёсий лойиҳа орқали ҳамда «Катта Ўрта Шарқ», деган ниқоб остида яҳудийлар билан алоқаларни ва сиёсий муносабатларни нормаллаштириш орқали амалга оширилмоқда. Мақсад, яҳудий вужудини мавжуд сиёсий тизимнинг бир бўлагига айлантириб, Фаластинни озод этиш мафкурасини йўқ қилиш ва мусулмонлар ҳақ-ҳуқуқини қайта кўриб чиқишдир. Шунингдек, бундан ушбу лойиҳани Исломга қарши курашдаги қуроллардан бирига ҳамда мустамлакачилик лойиҳасига хизмат қилиши учун ҳарбий ва сиёсий базага айлантириш ҳам кўзланган. Ҳақиқатдан ҳам кофир давлатлар ҳукмдорларни мана шундай иблисона дастурхон атрофига таклиф қилишди, масалан, Кэмп-Дэвид, Мадрид, Осло, Водий Араба каби. Амирликлар ҳукмдорларнинг кечаги қилмишлари ҳам уларнинг навбатдагисидир.

3 – Халқларни оч қўйиб, ер юзига дарбадар-қочқинга айлантириш услуби. Бу ҳам глобал равишда қўлланаётган лойиҳанинг бир қисми бўлиб, ундан мусулмонларни бўлиб ташлаш, бирликларини парчалаш, куфр режаларига тиз чўктириш, йирик қарзлар билан халқаро ташкилотларга тобе қилиш кўзланган. Бу қарзлар мустамлакачиликнинг қатор қуролларидан навбатдагиси бўлиб, юртлару фуқароларни узоқ муддатга нишонга олган.

4 – Айниқса илмда таниқли уламоларни ўлдириш, хусусан, ўзгартиришга даъват қиладиган сиёсатчи уламоларни минглабини қамоқларга ташлаш услуби. Бу кўпроқ Саудия Арабистонида, Сисий Мисрида ва Ироқда учраётган услубдир.

5 – Уммат қўзғолонларини йўқ қилиш мақсадида, уларни жиловлаш услуби. Буни қирғин қилиш, қочқинга айлантириш орқали ҳамда айрим исломий жамоаларни ҳукумат ва парламентга киритиб адаштириш билан амалга ошириляпти.

Хўш, кофирлар шунчалик қаттиқ ва турли-туман курашлари билан Умматни ўз дини ва маданий лойиҳасидан чалғитишга муваффақ бўлишдими? Мусулмонлар Ғарб лойиҳасини қабул қилиб, сиёсий лойиҳаларига яҳудийларнинг қўшилишига рози бўладиларми?

Аллоҳ Азза ва Жалла фақат ўзининг калимаси олий бўлишидан, кофирлар калимаси тубан бўлишидан ўзга нарсани истамайди. Аллоҳ Азза ва Жалла Исломнинг Европа ва Американинг қоқ марказигача ёриб кириб ёйилишидан бошқа нарсага рози бўлмайди. Улардан ҳар йили эллик мингдан зиёдининг Исломга киришларини, ҳаққа эргашиб, бузуқ капитализмни улоқтиришларини, насронийлар мамлакати марказидаги черковларнинг масжидларга айлантирилишини истайди. Аллоҳ Азза ва Жалла мусулмон юртларида ўзининг калимаси олий бўлишини хоҳлайди. Зеро, ушбу юртларда бугун ҳукмдорларнинг разиллиги ўз халқларига яққол кўриниб қолди, улар ҳукмдорларга хоинлик ва малайлик сифатини беришяпти, ҳукмдорларга қарши сон-саноқсиз халқ қўзғалиб, уларнинг ағдарилишини талаб қилишяпти… Аллоҳ худди шундай бўлишини истамоқда. Аллоҳ Азза ва Жалла фақатгина ўз калимаси олий бўлишини истайди, гарчи кетма-кет келаётган бу ҳукмдорлар бузғунчи таълим дастурлари ва маърифатларини зўрлаб ўтказиш орқали Исломни мусулмонлар ҳаётидан йўқотишга ҳар қанча уринишса ҳам, Исломларини маҳкам ушловчи ва разил Ғарб фикрларини улоқтирувчи мусулмон ёшларнинг сони кўпайишидан ўзга нарсани хоҳламайди. Аллоҳ Азза ва Жалла ўз калимаси олий, кофирларнинг калимаси разил бўлишини, яҳудийлар билан муносабатларни нормаллаштиришга чақираётган малай ҳукмдорларнинг калимасининг ер билан яксон этилишини истайди. Аллоҳнинг изни ила, улар мусулмонларни ўз динларидан яҳудийлар томонга буриш, яҳудийлар билан бошқа халқ ўртасида тинчлик ўрнатиш ва муносабатларни нормаллаштириш уринишларида албатта омадсизликка учрашади. Ҳатто яҳудий вужуди бош вазирининг ўзи Кэмп-Дэвид шартномасининг қирқ йиллиги тантанасида «Биз мусулмон оламидаги халқлар билан тинчлик ўрнатишда аянчли муваффақиятга учрадик, гарчи фақат ҳукуматлар билан тинчлик ўрнатишга зоҳирда муваффақ бўлсак ҳам…», деди.

Улар Ислом Умматига қарши ҳар қанча урушларни бошқаришаётган бўлмасинлар, Аллоҳ Азза ва Жалла ўз нурининг тўла таралишидан ва Исломнинг ер юзида ғолиб бўлишидан бошқа нарсани истамайди. Зотан, ушбу Уммат мисоли соф олтин каби, оловда ҳар қанча куйдирилса ҳам тобора сайқалланиб-тобланиб бормоқда, ундан ўзига ёт аралашмалар тўкилиб тозаланмоқда, воқеа-ҳодисалар уни янада салобатли ва режали қилиб қўймоқда. Ҳа, Аллоҳ бу Умматни қуйидаги каломида бундай мадҳ этган:

﴿كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ وَلَوْ آمَنَ أَهْلُ الْكِتَابِ لَكَانَ خَيْراًّ لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ﴾

«(Эй уммати Муҳаммад), одамлар учун чиқарилган умматларнинг энг яхшиси бўлдингиз. Зеро, сиз маъруфга буюриб, мункардан қайтарасиз ва Аллоҳга имон келтирасиз. Агар аҳли китоб ҳам имон келтирганда эди, ўзлари учун яхши бўларди. Улардан мўминлари ҳам бор ва (лекин) уларнинг кўплари итоатсиз кимсалардир»                                                                         [Оли Имрон 110]

Росулуллоҳ ﷺ Умматга бундай баҳо бердилар:

«مَثَلُ أُمَّتِي مَثَلُ الْمَطَرِ لَا يُدْرَى أَوَّلُهُ خَيْرٌ أَمْ آخِرُهُ»

«Умматим мисоли ёмғирга ўхшайди. Унинг бошланиши яхшими ёки охирими билиб бўлмайди». (Имом Термизий ривояти).

Истиқболимиздаги йиллар яхшиликлар билан тўладиган ҳамда раббоний ваъда, набавий башорат рўёбга чиқадиган, Ислом қайтиб келиб, унинг давлати барпо бўладиган ва Ислом кучли бўладиган йиллардир. Аллоҳ Таоло ушбу каломида ваъда қилгандек, динимиз ер юзига кенг тарқалади:

﴿هُوَ الَّذِي أَرْسَلَ رَسُولَهُ بالهدى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ﴾

«У (Аллоҳ) Ўз пайғамбарини ҳидоят ва ҳақ дин билан — гарчи мушриклар хоҳламасалар-да — барча динлар устидан ғолиб қилиш учун юборган зотдир»                                                                                                       [Тавба 33]

Шунингдек, икки шаҳарнинг иккинчиси ва Ватиканнинг бешиги бўлмиш Римнинг фатҳ бўлиши тўғрисидаги ҳамда Аллоҳнинг дини ер юзининг барча ерига тарқалиши ҳақидаги Муҳаммад Мустафо ﷺ қуйида марҳамат қилган башоратлари ҳам рўёбга чиқади:

«لَيَبْلُغَنَّ هَذَا الْأَمْرُ مَا بَلَغَ اللَّيْلُ وَالنَّهَارُ, وَلاَ يَتْرُكُ اللَّهُ بَيْتَ مَدَرٍ وَلاَ وَبَرٍ إِلاَّ أَدْخَلَهُ اللَّهُ هَذَا الدِّينَ بِعِزِّ عَزِيزٍ أَوْ بِذُلِّ ذَلِيلٍ، عِزًّا يُعِزُّ اللَّهُ دِينَ الْإِسْلَامِ، وَذُلاًّ يُذِلُّ بِهِ الْكُفْرَ»

«Бу иш кеча ва кундуз етиб борган жойгача етиб боради. Аллоҳ биронта ҳам ўтроғу кўчманчининг уйини қолдирмасдан унга бу динни азизнинг азизлиги ёки хорнинг хорлиги билан киритади. Азизликки, у билан Аллоҳ Ислом динини азиз қилади. Хорликки, у билан Аллоҳ куфрни хор қилади». (Имом Аҳмад ривояти).

Аллоҳ Таолодан ушбу янги ҳижрий йилни яхшилик очқичи қилишини, илоҳий нур зулм ва зулмат устидан ғолиб бўлишини сўраб қоламиз.

Роя газетаси сайтидан олинди